ŊWED MBON COLOSSAE 4
4
Mme Ikɔ Nnɔ-Item Efen
1MME ete-ufɔk, enɔ ifin mbufo se inende inyuŋ ikemde; sia efiɔkde ete mme imɔ ŋko imenyene ete-ufɔk ke heaven.
2Eyire ke akam; eda ekɔm etiŋ enyin ndinam ntre. 3Ebɔŋ akam ebaŋa nnyin ŋko, man Abasi eberere usuŋ ɔnɔ nnyin ikwɔrɔ ikɔ Esie, itiŋ ndibe-ŋkpɔ Christ, 4emi ekɔbide mi ebaŋa; kpaŋ nyarare ndibe-ŋkpɔ oro, nte odotde mi nditiŋ. 5Esaŋa nte mbon eti ibuot ke mbubehe eke mbufo enyenede ye mmɔ emi edude ke esien: ededep ifet. 6Eyak nneme mbufo enyene inem ke esit kpukpru ini, nte esinde inuŋ ke esit, kpaŋ mbufo ediɔŋɔ nte mbufo ekpemende ikɔ enɔ kpukpru owo ibɔrɔ.
7Tychicus, edima eyen-ete mi, emi edide anam-utom emi anamde akpanikɔ, ye nsaŋa mi ke utom Ɔbɔŋ, eyetiŋ kpukpru se ibaŋade mi ɔnɔ mbufo. 8Ŋkɔdɔŋ enye ke ɔtɔ mbufo ke ntak emi, man mbufo efiɔk nte ntiede, man enye onyuŋ ɔdɔŋ mbufo esit. 9Onesimus, edima eyen-ete mi, emi anamde akpanikɔ onyuŋ edide owo mbufo kiet, asaŋa ye enye. Mmɔ eyesian mbufo kpukpru se itibede ke idem mi.
10Aristarcus, nsaŋa mi ke ufɔk-ŋkpɔkɔbi, ye Mark eyen-eka Barnabas (emi ekenɔde mbufo uyo ebaŋa enye ete, edieke enye edide do, edara enye), 11ye Jesus emi ekerede Justus, ete ekɔm mbufo; mmɔ emi ikpɔŋ-ikpɔŋ eto ke otu mme ana-mbobi ewɔrɔ edi mme nsaŋa mi ke utom Obio Ubɔŋ Abasi; mmɔ enam mi ŋkop ndɔŋesit.
12Epaphras, owo mbufo kiet, emi edide owo Christ Jesus, ete ekɔm mbufo; enye edi owo emi aŋwanade kpukpru ini ke akam esie oyom ufɔn mbufo: man mbufo efɔn ema, enyuŋ etim efiɔk ofuri uduak Abasi. 13Koro ndi ntiense nte enye akpa utom eti-eti ke ibuot mbufo ye ke ibuot mmɔ emi edude ke Laodicea, 14ye mmɔ emi edude ke Hierapolis. Luke, abia-ibɔk emi owo emade, ye Demas ete ekɔm mbufo. 15Ekɔm nditɔ-ete emi edude ke Laodicea, ye Nymphas ye ufɔk Abasi emi ebonode ke ebiet esie.
16Ndien ke ema ekot ŋwed emi ke otu mbufo, enam ekot enye ke ufɔk Abasi nditɔ Laodicea ŋko; enyuŋ ebɔ ŋwed emi otode ke Laodicea ŋko ekot.
17Enyuŋ edɔhɔ Archippus ete, Tim kpeme utom emi afo ɔkɔbɔde ke Ɔbɔŋ, man anam enye ama.
18Nda ubɔk mi ŋwet ekɔm mi. Eti ŋkpɔkɔbi mi. Mfɔn akpakam odu ye mbufo.
Currently Selected:
ŊWED MBON COLOSSAE 4: ENA
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.
Free Reading Plans and Devotionals related to ŊWED MBON COLOSSAE 4
Deeper Into Scripture: Colossians
Colossians Explained | How to Follow Jesus
Journey #1 | Start