1 ŊWED THESSALONICA 1
1
Uwut Ŋkpɔ Emi Edu Uwem ye Mbuɔridem Mbon Thessalonica Okosiode Owut
1PAUL ye Silvanus ye Timothy ewet enɔ esɔk ufɔk Abasi mbon Thessalonica, emi odude ke Abasi Ete ye Ɔbɔŋ nnyin Jesus Christ. Mfɔn ye emem akpakam etiene mbufo.
2Nnyin ikɔkɔm Abasi kpukpru ini ibaŋa kpukpru mbufo, inyuŋ isiak enyiŋ mbufo ke akam nnyin; 3sia nnyin mitreke nditi utom mbuɔtidem mbufo, ye ɔkpɔsɔŋ utom ima mbufo, ye ime idori-enyin eke mbufo enyenede ke Ɔbɔŋ nnyin Jesus Christ, ke iso Abasi ye Ete nnyin. 4Nditɔ-ete emi Abasi amade, nnyin imɔfiɔk erimek eke Abasi ekemekde mbufo, ite gospel nnyin ikedige ke ɔtɔ mbufo nte ikɔ ikpɔŋ, 5edi ekedi ke odudu, ye ke Edisana Spirit, ye ke mbure erikan. Mbufo nde emefiɔk oruk owo eke nnyin iwutde idem ke otu mbufo, man ɔfɔn ye mbufo 6Mbufo ema enyuŋ ekabare edi mme andikpebe nnyin ye mme andikpebe Ɔbɔŋ, enyuŋ ebɔ ikɔ Abasi ye idat esit Edisana Spirit ke ufɔt ɔkpɔsɔŋ ukut; 7ntre ke mbufo ekabare edi uwut-ŋkpɔ enɔ kpukpru owo eke enimde ke akpanikɔ ke Macedonia ye Achaia. 8Koro ikɔ Ɔbɔŋ okoto mbufo ɔwɔrɔ ɔnɔ owo ekop, idige ke Macedonia ye Achaia ikpɔŋ; edi etop mbuɔtidem mbufo ye Abasi ɔwɔrɔ okosim kpukpru ebiet; mmɔdo nnyin inyeneke nditiŋ baba ŋkpɔ kiet. 9Mme owo ke idem mmɔ etaŋa oruk eriduk eke nnyin ikodukde ke otu mbufo; ye nte mbufo ekɔkpɔŋde ndem ewɔŋɔre etiene Abasi, ete inam ŋkpɔ inɔ Ata Abasi emi odude uwem, 10inyuŋ itie ibet tutu Eyen Esie oto ke heaven edi, emi Enye akanamde eset ke mkpa, kpa Jesus, emi anyaŋade nnyin osio ke iyaresit eke ɔmɔŋ edidi.
Currently Selected:
1 ŊWED THESSALONICA 1: ENA
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.
