LUK 9

I Jisas mo hora na ngwalagelo hangavulu dongwana kairua tivarea

(Mat 10.5-15; Mak 6.7-13)

1I Jisas mo kware tabulutaki na nona ngwalagelo hangavulu dongwana kairua mo bete na huirana lakwara mo rivukira kwara rana bakoto rana livu savi na tanungwe hati tina tangaloi, vake rana vakahiki na tangaloi tina kaga lengeana rusa. 2-5Mo kwaha maira mo viti kwara, “Tulu hatu hago te kinau huri a halamiu. Tulu hatu kwali te kaitiko, tulu hatu hago te tanga, diko te hinaka, diko te mane*, diko te lugwamiu vake. Te takwanahavaki a tangaloi rana lai tabetabekikamu, tulu ne hugu lolo ingwa hi kehekeheki tarisaki tulu ne tiraki na gwatuivanua hi. Vake te takwanahavaki a tangaloi ranahe lai tabetabekikamu tea, tulu mo tiraki na gwatuivanua hi tulu mo gahaki na gwia tina garumiu, ne kwareki a kaimatai lakwara kwara vae rana tagahuri. Vae lo taroki a rongoana hati ne maravuti maira.” Vunu i Jisas mo horara tivarea kwara rana heretuva rana matangwasaraki kwara hika i God u tuku boloki vae ne hugwe koro na bulana tangaloi, vake kwara rana vakahiki na tangaloi hinea rau lenga. #a Luk 10.5-7; b Luk 10.10-11; Bol 13.51

6A ngwalagelo ramo tiraki ramo vano laliki lo gwatugwatui-vanua savira ramo heretuvaki na Roro Karea, vake ramo vakahiki na tangaloi hinea rau lenga vataha na mahagweki.

I Herot u domi lengalengakinia

(Mat 14.1-12; Mak 6.14-29)

7I Herot #9.7: I Herot. I Herot hi aia i Herot Antivas. Kona taga lo Deksenare lo buku hika takuni. hinea u hugwe koro na vanua Galili* mo rongo savi na kinau aira vano hi ramo vaiana, mo domi lengalengakinia, huri a tangaloi ratuaki rau viti “I Sione a tangaloi na bavtaes tangaloi u ahi taliku.” 8Tuaki rau viti kwara i Elaesa u vanamai, tuaki rau viti kwara a tangaloi* duruduruki katukwale tiura hinea tuai, u ahi taliku. #Mat 16.14; Mak 8.28; Luk 9.19 9Vae i Herot u viti kwara, “I Sione, nu hora tangaloi rau tai utuhi na gwatuna ba. ?Aia ihe tangaloi hika nomo rongo na kinau aira vano hi huria?” Vae mo seseaka kwara ne tagai Jisas. #Luk 23.8

I Jisas mo vangani na tangaloi u tari vakailima

(Mat 14.13-21; Mak 6.30-44; Sione 6.1-13)

10A kaihora* kokona ramo mulemai ramo viti savi na kinau lakwai Jisas hinea ramo vai. I Jisas mo lavira ramo huria ramo lakao aira kahera rau huri na hala vaki lo gwatuivanua a hinaki Betsaeta. 11Lolona a vao ramo rongo na roroga ramo huri haro i Jisas. I Jisas mo lai tabetabekinira, mo kwahakwaha maira mo vitiviti huri kwara hika i God u tuku boloki vae ne hugwe koro na bulana tangaloi. Vake mo vakahikinira hinea rau lengaia kwara rana ahi.

12Lolona a mataniaho mo hivo, u garagarani kwara ne soro, a nona ngwalagelo hangavulu dongwana kairua ramo vanamai vaki maia, ramo kwaha rau viti kwara, “Ko hora na tangaloi rana vano. Rana vano te vaki lo gwatuivanua maira, vake te vaki lo vanua a tokakivanua eia dalidali na vanua hika, rana soro te hinaka rana kani, vake rana soro te tanotano na maturua rana maturu eia, huri hika a vanua vuroki.”

13Vae i Jisas mo kwaha maira mo viti kwara, “I kamu tulu bete te hinaka lakwara rana kani.”

Ramo daraki ramo viti kwara, “I kami keu hagovi na bereti* kailima, a ika kairua, aira hi vohoki. ?Ko lengaikami kwara kena vano kena voli hinaka huri na vao doluaki hika?” 14Rau viti kwehi huri a ngwera kehekeheki kwara te u tari vakailima.

I Jisas mo kwaha mana nona ngwalagelo mo viti kwara, “Tulu viti lakwa na tangaloi rana hugu ngavu kailima kehe lo gwatu katukwale.” 15A nona ngwalagelo ramo viti kwehi lakwa na tangaloi, vae a tangaloi ramo hugu hokinia hi. 16Vunu i Jisas mo lavi na bereti hi kailima mana ikaki kairua, mo lalangao vaki lolo taetae mo lagwaki God huri. Vunu mo volo utuutuhira mo betekira lakwa na nona ngwalagelo kwara rana hileki lakwa na tangaloi. 17Aira vunu ramo kani vae rau kugwa. Vunu a nona ngwalagelo ramo vileki na hinaka hinea a tangaloi ramo kani dore, ramo hokonira tilolo kete hangavulu dongwana kairua. #2 King 4.44

A matangwasarakiana noi Pita huri i Jisas

(Mat 16.13-19; Mak 8.27-29)

18Vakatukwale lolona i Jisas mo toko tiutangaroa aia kahea, a nona ngwalagelo ramo vanamai vaki maia. Mo uduhuri kinira kwara, “?A vao rau viti kwara i nau ihe?”

19Ramo daraki lakwae rau viti kwara, “Ratuaki rau viti kwara i nigo i Sione a tangaloi na bavtaes tangaloi. Tuaki rau viti kwara i nigo i Elaesa. Tuaki rau viti kwara i nigo a tangaloi* duruduruki katukwale tiura hinea tuai, u ahi taliku.” #Luk 9.7-8

20I Jisas mo uduhuri kinira kwara, “?Vae i kamu tulu viti kwara i nau ihe?”

I Pita mo daraki lakwae mo viti kwara, “I nigo i Vurae* hinea i God u tuliki terekakinia kwara ne hokakinia vanamai.” #Sione 6.68-69

I Jisas mo matangwasaraki kwara vae ne mate, vunu ne maraka taliku

(Mat 16.20-23; Mak 8.30-33)

21Vunu i Jisas mo surira mo viti kwara rana hatu viti na kinau hi lakwa na tangaloi. 22Mo hoke na leona vake mo viti kwara, “I nau a Natu* na Tangaloi vae nana rongo hati haburu. A ngwarasea* maira, a tangaloi* lingilingi lalakua mana tangaloi* kikikila na Uliuli* Kokona maira rana bega kiau, rana kwohi mateiau. Vae i God ne rakatiau na ahi taliku lo rani kaitoluki.” #Mat 16.21; 20.18-19; Mak 8.31; 10.33-34

A tangaloi noi Jisas rana hatu huri na noga domidomi siboga

(Mat 16.24-28; Mak 8.34—9.1)

23Hikani i Jisas mo kwaha maira aira vunu, mo viti kwara, “Diko te tangaloi u lengaia kwara ne huriau, ne tiraki na nona domidomi sibona, ne kwali na kaibetuna vataha na rani ne huriau. #Mat 10.38; Luk 14.27 24Diko te tangaloi ne uti na mamaurianana, vae ne vai salakinia, vae ihe hinea ne tiraki na mamaurianana huriau, vae ne ahi. #Mat 10.39; Luk 17.33; Sione 12.25 25Diko te tangaloi u lai savi na vivilagoki na varamana doluaki, vae diko a mamaurianana ne sala, vae nehe hagwe na kinau te vohoki. 26Diko a tangaloi u maemae kwara ne matangwasarakiau mana nogu leo, vae i nau a Natu* na Tangaloi na mulemai lo nogu hahaviada, aia hi a hahaviada noi Tamagu mana nona kaihora kokona maira tina taetae, vae lo taro hi i nau na maemae kwara na matangwasarakinia. #Mat 10.33; Luk 12.9; 2 Tim 2.12 27Kareaki na viti lakwakamu, ratuaki rau tu hike maiau ranahe mate tea tarisaki hi rana taga kwara i God u hugwe koro na bulana tangaloi.”

A tarabehi i Jisas mo bohi mo vavarama

(Mat 17.1-9; Mak 9.2-10)

28Mo viti na kinau vano hika, vunu a kwiki katukwale koro takuni tiua hi, i Jisas mo lavi i Pita, i Sione mai Semis, ramo huria hake vaki lo vuti kwara ne tiutangaroa. 29Lolona mo toko tiutangaroa, a nakona mo bohi mo dolua, a lugwana mo lotu u kwaka haburu. 30Heheriki hini a tangaloi kairua takwahini, raru mo toko kwaha maia. A tangaloi kairua hi, i Mosis mai Elaesa. 31Raru mo maravuti lo hahaviada na taetae, raru mo toko kwahakwaha mai Jisas kwara nehe tuai tea ne vakakukwere na domi i God kina kana mateana lolo gwatuivanua lakua Serusalem. #Luk 9.22; 13.33 32I Pita mai rabuluina a mataga rau maturuturu ramo maturu, vae ramo rada hika ramo tagai na hahaviada noi Jisas, mana tangaloi kairua raru mo tu maia. #Sione 1.14; 2 Pita 1.16 33Lolona a tangaloi kairua hi raru mo tiraki i Jisas, i Pita mo kwaha maia, mo viti kwara, “Hugwe*, mo karea i kami hike. Vae kena vai na ingwa haleki kaitolu, katukwale huriko, katukwale huri i Mosis, katukwale huri i Elaesa.” He kikilai tea kwara u viti a havakinau.

34Mo toko kwaha radu nga, a taenalangi mo vanamai mo malumalu korora. Lolona a ngwalagelo ramo taga kwara a taenalangi hi mo kalu korora, rau mataku haburu. 35Vunu a dilao mo tangi lolo taenalangi mo viti kwara, “Hikani i Natugu, aia hi nu mataia. Tulu rongohuria.” #Sam 2.7; Aes 42.1; Mat 3.17; 12.18; Mak 1.11; Luk 3.32; 2 Pita 1.17

36Lolona a dilao hi mo tatangi mo rovo, ramo tagai Jisas aia kahea. Lo taro aia hini a ngwalagelo vano hi rau hugu butu rahe viti na kinau te vohoki lakwa na tangaloi kwara te katukwale huri na kinau hi ramo tagaia.

I Jisas mo vakahiki na natu ngwera a tanungwe hati luna

(Mat 17.14-18; Mak 9.14-27)

37Mavukona ramo duvule tina vuti, a vao lakua ramo vanamai vaki mai Jisas. 38A tangaloi katukwale mo ngara karakara tina vao hi mo viti kwara, “Tisa, nu lengaia haburu kwara kona tagai natugu, huri aia hi vohoki nomo bavae. 39Taroki a tanungwe hati mo vanamai tiluna u huira haburu, u vaia u ngara karakara, a tarabehina mo rurururu, a gavina ramo vilaiki. A tanungwe hati hi u vai bulakikinia haburu, u eno luna tuai, vae lo taroki mo vanamai tiluna hi, u madi kwara ne tirakinia taliku. 40I nau nu kwaha mana nomu ngwalagelo kwara rana livutia letiu, vae rahe vai lai tea.”

41I Jisas mo daraki mo viti kwara, “I kamu a hava tangaloi hika nomiu hauhuriana u tikei. !Tulu vaivai nomiu! ?Na va loli maikamu tarisaki ave? ?Nari va rongo karea kikamu kihokua?” Vunu mo kwaha mana tangaloi hi mo viti kwara, “Ko lavi natumu vanamai vaki hike.”

42A natu ngwera hi mo toko vanamai, a tanungwe hati hi mo suria mo sovi tilo tano mo rururu. Vae i Jisas mo hora na tanungwe hati hi letiu, mo vakahiki na natu ngwera hi, mo lavia lakwai tamana taliku. 43Hikani a tangaloi savia rau idila haburu kina huirana lakua noi God.

I Jisas mo matangwasaraki vakairuaki kwara vae ne mate

(Mat 17.22-23; Mak 9.30-32)

A tangaloi rau idila radu nga kina kinau vunuhia hi i Jisas mo vaira, vae lolona hi i Jisas mo kwaha mana nona ngwalagelo kwara, 44“Hika na viti na kinau hika lakwakamu. !A lolomiu ne hatu bongi kinia! I nau a Natu* na Tangaloi vae a tangaloi ne tirakiau tilo huirana nona tangaloi maira.” #Luk 18.32

45Vae rahe kikilai na domikiana na leo hi tea, huri i God u tavunikinia tiura kwara rana hatu kikilaia, vae rau mataku kwara rana uhia huri na kinau hi. #Mak 9.32; Luk 18.34

A tangaloi hinea u lakua karakara

(Mat 18.1-5; Mak 9.33-37)

46A ngwalagelo ramo toko viroro mulekinira kwara ihe hi tiura u lakua karakara. #Luk 22.24 47I Jisas u kikilai na domiga, hikani mo lavi na natu kelekele, mo vaia mo tu tavaluki tiua, 48mo viti lakwara kwara, “Te tangaloi ne lai tabetabeki na natu kelekele hika lo hinagu, u lai tabetabekiau. Ihe hinea u lai tabetabekiau, u lai tabetabekinia hinea mo horeau vake. Aia hinea evina karakara tikamu doluaki aia u lakua karakara.” #Mat 10.40; Luk 10.16; Sione 13.20

Ihe hi hete noda tavaluivuro aia buluida

(Mak 9.38-40)

49I Sione mo kwaha mo viti kwara, “Hugwe*, keu tagai na tangaloi u tuku livu a tanungwe hati maira lo hinamu, vae kemo suria huri aia hete lo noda bulubulu.”

50I Jisas mo viti lakwae mana nona ngwalagelo ratuaki vake kwara, “Tulu hatu suria, huri ihe hi hete noda tavaluivuro aia buluida.” #Luk 11.23

A tangaloi na gwatuivanua katukwale Sameria rahe lengaia tea kwara rana lavi Jisas

51A taro mo toko garagarani kwara i Jisas ne mule tagaulu vaki lolo taetae, mo domi utu mo tau hala vaki lo gwatuivanua lakua Serusalem. #Mak 10.32 52Mo hora na tangaloi na leo tomuakinia, vae ramo tiraki ramo vano vaki lo gwatuivanua katukwale Sameria* kwara rana vai rarai na kinau savia tarae. 53Vae a tangaloi takwa-hi rahe lengaia tea kwara rana lavia vaki tataga, huri u matangwasara kwara ne vano vaki lo gwatuivanua lakua Serusalem. #Sione 4.9 54Lolona a ngwalagelo kairua hi i Semis mai Sione raru mo tagai na kinau hika raru mo viti kwara, “Hugwe*. ?Ku lengaia kwara keru ne kware na kabu ne hivo tina taetae ne kao letiukinira? #9.54: Lo Buku Kokona tuaki hinea a tangaloi rau ulira tuai, lo leo noi Semis mai Sione rau viti kwara, Hugwe. ?Ku lengaia kwara keru ne kware na kabu ne hivo tina taetae ne kao letiukinira hokinia i Elaesa mo vai tuai?” #2 King 1.10,12

55I Jisas mo halebohi mo surirarua. #9.55: Lo Buku Kokona tuaki hinea a tangaloi rau ulira tuai, rau hoke na leo hika kina leo hinea mo viti kwara, “Mo viti kwara, ‘A Tanungwe hinea i kamu a nona tangaloi, vae tulu he kikilaia tea. I nau a Natu na Tangaloi nahe vanamai tea kwara na magaraki na tangaloi, vae nu vanamai kwara na vakahikinira.’ ” 56Vunu i Jisas mana nona ngwalagelo ramo hena vaki lo gwatuivanua dolua.

A tangaloi rau lengaia kwara rana huri i Jisas, rana kwareki nona

(Mat 8.19-22)

57Hikani ramo lakao lo halaga, a tangaloi katukwale mo kwaha mai Jisas mo viti kwara, “Kona vano takwanahavaki i nau na huriko eia.”

58I Jisas mo viti lakwae kwara, “A karivi a gwarangaga eia, a manu a unuga eia, #9.58: a unuga eia. Aira Kwalaha rau viti kwara, a mataoga ia. vae i nau a Natu* na Tangaloi a tanotanogu tikei kwara na ngwalulu na mabu.” 59I Jisas mo kwaha mana tangaloi dolua vake mo viti kwara, “Ko huriau.”

Vae a tangaloi hi mo viti “Hugwe*, ko tirakiau na mule na tanomi i tamagu ba.”

60I Jisas mo kwaha mo viti kwara, “Ko tiraki na tangaloi a domiga rau mate hoki na tangaloi u mate rana tano kaga tamate kahera. I nigo ko vano ko heretuva ko matangwasaraki kwara hika i God u tuku boloki vae ne hugwe koro na bulana tangaloi.”

61Vunu a tangaloi dolua vake mo viti kwara, “Hugwe, i nau na huriko, vae ko tirakiau na mule na kwaha duduli rabelagu ba.” #1 King 19.20

62I Jisas mo viti lakwae kwara “Ihe hi mo hago lo vohe na aga, vae u matabari laliki, a tangaloi hi he taritarisa tea kwara ne mulemai kina tangaloi hinea i God u hugwe koroa.”

Currently Selected:

LUK 9: HWT

Highlight

Copy