Popular Bible Verses from LUK 9

Share

Hikani i Jisas mo kwaha maira aira vunu, mo viti kwara, “Diko te tangaloi u lengaia kwara ne huriau, ne tiraki na nona domidomi sibona, ne kwali na kaibetuna vataha na rani ne huriau.

Diko te tangaloi ne uti na mamaurianana, vae ne vai salakinia, vae ihe hinea ne tiraki na mamaurianana huriau, vae ne ahi.

I Jisas mo viti lakwae kwara “Ihe hi mo hago lo vohe na aga, vae u matabari laliki, a tangaloi hi he taritarisa tea kwara ne mulemai kina tangaloi hinea i God u hugwe koroa.”

Diko te tangaloi u lai savi na vivilagoki na varamana doluaki, vae diko a mamaurianana ne sala, vae nehe hagwe na kinau te vohoki.

Diko a tangaloi u maemae kwara ne matangwasarakiau mana nogu leo, vae i nau a Natu* na Tangaloi na mulemai lo nogu hahaviada, aia hi a hahaviada noi Tamagu mana nona kaihora kokona maira tina taetae, vae lo taro hi i nau na maemae kwara na matangwasarakinia.

I Jisas mo viti lakwae kwara, “A karivi a gwarangaga eia, a manu a unuga eia, vae i nau a Natu* na Tangaloi a tanotanogu tikei kwara na ngwalulu na mabu.”

mo viti lakwara kwara, “Te tangaloi ne lai tabetabeki na natu kelekele hika lo hinagu, u lai tabetabekiau. Ihe hinea u lai tabetabekiau, u lai tabetabekinia hinea mo horeau vake. Aia hinea evina karakara tikamu doluaki aia u lakua karakara.”