LUK 7

I Jisas mo vakahiki na tangaloi boloki nona kaitomuaki na tangaloi na vuro

(Mat 8.5-13)

1I Jisas mo viti savi na kinau aira vano hi lakwa na tangaloi mo rovo vunu mo vano vaki Kavaneam. 2Takwa-hi a kaitomuaki na tangaloi na vuro nona ngwera Rom katukwale, hinea u lagwa haburu mana nona tangaloi boloki. Vae a nona tangaloi boloki hi u lenga, garagarani kwara ne mate. #Sione 4.47 3Hikani a kaitomuaki na tangaloi na vuro hi mo rongo na roro i Jisas, mo hora na ngwarasea* ratuaki nona gwaloana noi Isrel* ramo vano vaki mai Jisas kwara rana viti lakwae ne vanamai vae ne vakahiki na nona tangaloi boloki. 4A ngwarasea vano hi ramo vanamai vaki mai Jisas, ramo kwarea ramo seseaka huria rau viti kwara, “A tangaloi hikani u taritarisa kwara kona hago maia, 5huri aia u lagwa mana noda tangaloi, vake u tabe na vale* na tiutangaroa katukwale hurikita.”

6Vae hokinia i Jisas mo hurira. Mo vanamai mo garagarani mana tata na tangaloi hi, a tangaloi hi mo hora i rabuluina kwara rana kwaha mai Jisas kwara, “Hugwe*, ko hatu rongo hati. Nahe taritarisa te kwara na laviko vaki lolo ingwagu. 7Vake nu kikilai nahe taritarisa tea kwara na vanamai ki nakogu vaki maiko. Ko viti a leo vohoki vae a nogu tangaloi boloki ne rongo karea. 8I nau nu hugu tavuti na kaba na kaitovo na vuro, hinea rau lalakua koroau. Vake i nau a nogu tangaloi na vuro eia rau hugu tavutigu. Nana kwaha maia katukwale, na viti ‘!Ko vano!’ vae ne vano. Nana kwaha maia katukwale, na viti ‘!Ko vanamai!’ vae ne vanamai. Vake nana kwaha mana nogu tangaloi boloki na viti ‘!Ko vai na kinau hika!’ vae ne vaia.”

9I Jisas u idila haburu mo rongo hokinia hi, mo halebohi mo kwaha mana vao ramo toko huria takuni, mo viti “Na viti lakwakamu, nahe hagwe te tangaloi vohoki laliki hike lo vanua Isrel kwara te katukwale a nona hauhuriana u huira hoki na tangaloi hika.”

10Hokinia a kailai na leo ramo mule taliku vaki lo ingwa na kaitomuaki na tangaloi na vuro hi, vae ramo tagaia kareaki kwara a nona tangaloi boloki u rongo karea.

A natu ngwera na gwati vavine, i Jisas mo rakatia tina mateana

11He tuai tea koroa, i Jisas mo vano vaki lo gwatuivanua Naen. A nona ngwalagelo mana vao rusa ramo huria. 12Vae mo maravuti lo matakihala na vanua hi mo tagai na tangaloi ramo vituruki vanamai tivarea, huri tulaki tamate. A tangaloi hi mo mate aia a natu na gwati vavine, a natu ngwera aia katukwale vohoki. A vao u rusa lo gwatuivanua hini ramo huri na gwati vavine hi. #1 King 17.17; Luk 8.42 13Hokinia a noda Hugwe* mo tagaia u hakavia haburu, vae mo kwaha maia mo viti “Ko hatu tangi.” #Luk 8.52 14Vunu mo lakao huri na lugwalugwa na tangaloi hini u mate mo kihia, a tangaloi hinea ramo kwalia ramo tu butu. I Jisas mo kwaha mo viti kwara, “!Ngwalagelo! !Na viti lakwako, ko maraka!” #Luk 8.54 15A tangaloi hi u mate mo maraka mo hugu mo kwaha, vae i Jisas mo lavia vaki mai retahina taliku. #1 King 17.23; 2 King 4.36

16A tangaloi vunuhira rau mataku, ramo kaluhaki God rau viti kwara, “A tangaloi* duruduruki lakua u maravuti maikita.” Vake ramo viti kwara, “I God u vanamai kwara ne vakahiki na bulana tangaloi.” #Luk 1.68; 19.44

17A roro hikani huri i Jisas mo vano doluaki na vanua Isrel*, vake dalidali na vanua takwa-hi.

A kailai na leo ti Sione a tangaloi na bavtaes tangaloi

(Mat 11.2-6)

18Hikani a ngwalagelo noi Sione rau viti huri savi na kinau vano hikani lakwae. Vae mo kwarerarua kairua tiura vaki maia. 19Mo horararua vaki mana Hugwe*, kwara raru ne uduhuri kinia kwara, “?I nigo hi i Sione mo viti kwara vae kona vanamai, diko keu tuku hugu tarae te dolua?” #Sam 40.7; Mal 3.1; Rev 1.4,8; 4.8

20Hokinia raru mo vanamai vaki mai Jisas, raru viti “I Sione a tangaloi na bavtaes tangaloi u horakamirua kwara keru ne uduhuri kinigo kwara ‘?I nigo hi i Sione mo viti kwara vae kona vanamai, diko keu tuku hugu tarae te dolua?’ ”

21Lo taro aia hi nga i Jisas u vakahiki na tangaloi rusa tina kaga lengeana rusa, a lengeana rau hati, a tanungwe hati, vake u vakahiki a matadodo rusa ramo tagataga lai. 22Vunu mo daraki na kailai na leo kairua hi mo viti “Kuru mule taliku kuru viti lakwai Sione a havakinau hinea kuru mo taga kuru mo rongo.

A matadodo,

hikani rau tagataga lai.

Aira hinea a garuga rau hati,

hikani rau lakao lai.

A tangaloi hinea a lengeana hati na vinu #7.22: A lengeana hati na vinu. Kona tagai na leo hi mana domianaki lo savta 4.27 lo leo hinea evina halaradu. u vaira,

hikani rau ngwasara.

Aira hinea a gweroga rau vono,

hikani rau rongorongo lai.

A tangaloi rau mate,

hikani rau ahi taliku.

A tangaloi kakaravi,

hikani nu kwalahaki na Roro Karea lakwara. #Aes 35.5; 61.1; Luk 4.18

23Aia hi he domi kairua te kiau

vae aia u havutia.”

I Jisas mo viti huri i Sione a tangaloi na bavtaes tangaloi

(Mat 11.7-19)

24A kailai na leo noi Sione raru mo mule, vunu i Jisas mo viti huri i Sione lakwa na vao. Mo viti “?Lolona tulu mo vano vaki mai Sione lo vanua vuroki tulu tuku domi kwara tulu ne tagai na havakinau? ?A rau na duvu hinea ramo toko malilibe kina langi? Hetea. 25?Vae tulu vano kwara tulu ne tagai na havakinau? ?A tangaloi hinea u lugwaki na lugwa karea haburu? Hetea. Kareaki a tangaloi hinea rau vulavulaki na lugwa rau karea haburu rau toka u karea maira tigwaravu, rau hugu lolo ingwa karekarea na hugwe lalakua. 26?Vae tulu vano kwara tulu ne tagai na havakinau? ?A tangaloi* duruduruki a? Io, vae na viti lakwakamu, a tangaloi hi u sileti na tangaloi duruduruki. #Luk 1.76 27I Sione aia hi nga a Uliuli* Kokona mo viti huria kwara,

‘I God u viti

“Hika a nogu kaihora.

Na horae tomuakinigo

ne takahi na hala huriko.” ’ ” #Mal 3.1; Eks 23.20

28Vunu i Jisas mo hoke na leona vake mo viti “Na viti lakwakamu i Sione u lakua sileti na tangaloi savia hinea ramo vora lo varamana. Vae te tangaloi haro hinea hete tangaloi vitivitihuri luna, u kelekele sileti na tangaloi doluaki hinea i God u hugwe korora, aia hi u lakua sileti i Sione.” #Luk 1.15

29Savi na tangaloi mana tangaloi* na vilevile mane a takis nona kavman ramo rongoa, aira hi rau kikilai kwara i God u bakoto kareaki, vae ramo masinge, vae i Sione mo bavtaesira. 30Vae a Varisi* mana tangaloi* kikikila na Uliuli Kokona maira rau tau na domikiana noi God hurira letiu, rahe masinge tea kwara i Sione ne bavtaesira. #Luk 3.7,12; Mat 21.32

31Vunu i Jisas mo viti kwara, “?Nana viti na hava leo kwara na vosangi na bohiana na tangaloi lo taro hika? ?Aira hoki na havakinau? 32Aira hoki na natu kwaririgi hinea rau hugu na sara, rau tuku vakovako. A bulubulu gwatu kairua, kairuaki ramo koleki lakwai kairuaki ramo viti ‘I kami keu horo a bolo na lakiana lo bue horohoro hurikamu, vae tulu he vai te hakwana. Keu kahoki na bolo na tulaki tamate, vae tulu he tangi tea. ?Tulu vai kworoho?’ 33I Sione a tangaloi na bavtaes tangaloi mo vanamai u rete he inu te waen, vae tulu viti ‘!Aia a tanungwe hati luna!’ 34I nau a Natu* na Tangaloi nu vanamai nu kanikani nu inuinu, vae tulu viti kwara, ‘!Tulu tagai na tangaloi hikani! U domi huri a hinaka kehe nga, aia a kaiinu na waen, aia a buluana nona tangaloi vilevile mane a takis nona kavman mana tangaloi* vaivai hati tavalavarea.’ #Luk 15.2

35“Vae aira vunu hinea rau lavi na lolorani na kikikila noi God rau vosangi kwara a lolorani hi u kareaki.”

I Jisas mo hugu tata i Saemon a Varisi

36A Varisi* katukwale u kware i Jisas kwara ne kanikani maia. I Jisas mo vano vaki tatana mo hugu naginagi lo hala na kanikani nona gwaloana noi Isrel*. #Luk 11.37 37A vavine katukwale takwa-hi lo vanua lakua hi, u toka, a doridorina he karea tea. Hikani mo rongo kwara i Jisas u kanikani tata na Varisi hi, vunu mo lavi na botele katukwale, u kihiana kina vatu a hinaki a alabasta*, u kukwere kina sede. #Mat 26.7; Mak 14.3 38Mo vanamai mo tu takuni ti Jisas mana garuna, mo toko tangi. A mena tinangi ramo danga tilo garu i Jisas ramo mebuka. Vunu mo kwasu mamahaki na garu i Jisas kina vuluna, mo boboni na garuna mo rovo, mo didihi na sede tilo garuna. #Sione 12.3 39Vae a Varisi hinea mo kware i Jisas mo tagai na kinau hi, mo kwahakwaha kahea viti “Kwara vae diko a tangaloi hika aia a tangaloi* duruduruki kareaki, kwara vae ne kikilai kwara ihe vavine hika mo toko kihia. Kwara vae ne kikilai kwara aia a vavine doridori hati haburu.”

40Vae i Jisas mo kwaha maia mo viti “Saemon, na viti na kinau katukwale lakwako.”

I Saemon mo viti kwara, “Karea Tisa, ko viti lakweau.”

41I Jisas mo tinakaki mo kwaha mo viti kwara, “A tangaloi kairua a bukugaru eia lo mane* mana tangaloi tuvatuvaki mane. Kairuaki a bukuna a vatu tari vakavidolua vakailima, #7.41: A vatu tari vakavidolua vakailima hi aia a vatu 500,000. kairuaki a bukuna a vatu tari vakangavu kailima. #7.41: A vatu tari vakangavu kailima hi aia a vatu 50,000. 42I rarua vunu raru he vai lai tea kwara raru ne vai bukugaru. Vae mo kwasu na bukugaru letiu. ?Vae aia makive hiki kairuaki ne lagwa mana nona masi karakara?”

43I Saemon mo daraki mo viti “Nu domi kwara aia hi a bukuna u lakua karakara vae a tangaloi hi u domidomi koro lakwae.”

I Jisas mo viti “Ku darakinia u bakoto.” 44Vunu mo halebohi huri na vavine hi mo kwaha mai Saemon mo viti “Ko tagai na vavine hika. Nomo soro tilolo ingwamu, kohe bete te kwai lakweau huri a kaikwasu na garugu. Vae aia u kwasu garugu kina mena tinangi, mo kwasu mamahakinira ki vuluna. #Jen 18.4 45I nigo kohe hahavakiau te kina boboniana, vae nomo soro tilolo ingwa hi aia mo boboni na garugu hika radu nga. #Rom 16.16; 1 Kor 16.20; 2 Kor 13.12; 1 Tes 5.26; 1 Pita 5.14 46Kohe bete te oel huri a kaikwasu na gwatugu, vae aia u didihi a sede tilo garugu. #Sam 23.5 47Na viti lakwako hika, a lagwaana lakua a vavine hi mo vosangia, u vosangi kwara i nau nu domidomi koro na nona vaivai hati rusa. Vae diko nu domidomi koro na vaivai hati nona tangaloi hinea a nona vaivai hati he rusa tea, a tangaloi hi a nona lagwaana u kelekele.”

48Vunu i Jisas mo kwaha mana vavine hi mo viti “A nomu vaivai hati rusa nu domidomi koro ba.”

49A tangaloi ratuaki rau hugu mana tevo ramo toko kwahakwaha mulekinira rau viti “?Aia hava tangaloi hika u domidomi koro a vaivai hati vake?” #Luk 5.20-21

50Vae i Jisas mo kwaha mana vavine hi mo viti “A nomu hauhuriana u vakahikinigo ba. Ko mule lo magemuana.” #Luk 8.48; 17.19; 18.42

Currently Selected:

LUK 7: HWT

Highlight

Copy