WƖAA DƖ-SUOMUŊ 36

Ɛsɔ doho nɩaa

1Ɛsɔ (ʋ nɛ ha Ɛdɔm) doho nɩaa nɛ ŋ-la:

2Ɛsɔ jaa Kɛnaŋ tɩŋŋaa toloo nɛ. Dɔŋɔ nɛ Ada, Hiti tɩŋŋaa Ɛlɔŋ tolo. Dɔŋɔ nɛ Oholibama, Ana tolo. Ʋ nɛ ha ŋaa Hiti tɩŋŋaa Zibioŋ nihiŋ. 3Dɔŋɔ nɛ Basɩmaf, Ɩsɩmɛl tolo. Basɩmaf ŋaa Nɛbayɔf dɩhaala nɛ.

4Ɛsɔ arɩ Ada lʋl Ɛlɩfazɩ, Ɛsɔ arɩ Basɩmaf ma lʋl Rɛwɛl. 5Ɛsɔ arɩ Oholibama lʋl Jeyus, Jalam arɩ Kora. Ɛsɔ lʋl hambolibiisiŋ deemba Kɛnaŋ tinteeŋ lɛ nɛ.

6Ɛsɔ sii kɛŋ ʋ haalaa, ʋ hambolibiisiŋ, ʋ toloo arɩ ʋ dɩa nɩaa kala a pɛ kɛsɛ ʋ pʋsʋŋ arɩ kɩalɩŋ kala ʋ sɩ dʋa Kɛnaŋ lɛ, a lɩɩ ʋ naambie Jekɔb sɩ hɔŋ tintee-la lɛ a mʋ hɔŋ dɩ-bolii. 7Ɛsɔ arɩ Jekɔb dʋa fa yʋga nɛ woruŋ. Ba pʋsʋŋ pʋrɩgɛ tintee-la lɛ ba sɩ hɛ, ŋɩɩ nɛ tɩɩ ba bɩ dɩ-bala hɔnɔ. 8Ŋɩɩ nɛ Ɛsɔ (ʋ ha Ɛdɔm) mʋ hɔŋ Sɛɛ tintee-la lɛ peelee sɩ yʋga.

9Ɛsɔ doho nɩaa nɛ ŋ-la: Ɛsɔ nɛ ŋaa Ɛdɔm tɩŋŋaa naabalɩma.

10Ɛsɔ hambolibiisiŋ yɩraa nɛ ŋ-la:

Ɛlɩfas, Ɛsɔ arɩ ʋ haala Ada nɛ lʋlʋ, Rɛwɛl, Ɛsɔ arɩ ʋ haala Basɩmaf ma nɛ lʋlʋ.

11Ɛlɩfas hambolibiisiŋ nɛ ŋaa:

Tɛmaŋ, Omaa, Zefo, Gatam arɩ Kenas.

12Ɛsɔ nanʋala Ɛlɩfas kɛŋ haal dɔŋ ma nɛ ʋ fa sɩ bile aŋ bɩ jaa, baa yɩrʋ Tɩmɩna. Ʋ kaa lʋl Amalɛk. Ɛsɔ haala Ada nihee nɛ ŋɩɩ.

13Rɛwɛl hambolibiisiŋ nɛ ŋaa:

Nahaf, Zɛra, Sama arɩ Mɩza. Ɛsɔ haala Basɩmaf nihee nɛ ŋɩɩ.

14Ana arɩ Zibioŋ tolo Oholibama nɛ lʋl hambolibiisiŋ deemba:

Jeyus, Jalam arɩ Kora.

15Nɩaa deemba nɛ dii kuoruŋ Ɛsɔ doho nɩaa tʋɔŋ:

Ɛsɔ bii-hɩaŋ Ɛlɩfas hambolibiisiŋ nɛ Tɛmaŋ, Omaa, Zefo, Kenas, 16Kora, Gatam arɩ Amalɛk. Kuoroo deemba ŋaa Ɛlɩfas doho nɩaa nɛ a lɩɩ Ɛdɔm. Ba ŋaa Ada nihee nɛ.

17Ɛsɔ nanʋala Rɛwɛl ma hambolibiisiŋ sɩ dii kuoruŋ nɛ ŋ-la:

Nahaf, Zɛra, Sama arɩ Mɩza. Rɛwɛl doho nɛ ŋɩɩ a lɩɩ Ɛdɔm tinteeŋ. Ɛsɔ haala Basɩmaf ma nihee nɛ ŋɩɩ.

18Ɛsɔ haala Oholibama Ana tolo biiriŋ sɩ dii kuoruŋ nɛ ŋ-la:

Jeyus, Jalam arɩ Kora.

19Ɛsɔ (ba sɩɩ yɩrɛ Ɛdɔm) hambolibiisiŋ deemba nɛ dii kuoruŋ.

20Sɛɛ, Hori tɩɩna-la fa sɩ hɔŋ tintee-la lɛ hambolibiisiŋ nɛ ŋ-la:

Lotaŋ, Sobal, Zibioŋ, Ana, 21Dɩsɔŋ, Ɛza arɩ Disaŋ. Sɛɛ hambolibiisiŋ deemba fa ŋaa Hori tɩŋŋaa kuoroo nɛ Ɛdɔm tinteeŋ lɛ.

22Lotaŋ ma hambolibiisiŋ nɛ

Hori arɩ Homam. Lotaŋ dɩhaala nɛ Tɩmɩna.

23Sobal ma hambolibiisiŋ nɛ:

Alɩvaŋ, Manahaf, Ɛbal, Sefo arɩ Onam.

24Zibioŋ hambolibiisiŋ nɛ:

Aya arɩ Ana. Ana deeŋ nɛ laa sɩpaaŋ na lɩɩ-bul-sɩɩŋ sɩ lɩma ŋɩɩ gɩrɩŋ lɛ, ʋ sɩ kɛŋ ʋ nyɩmma Zibioŋ kakusuŋ lɩɩ dɩ ba dii.

25Ana nanʋala nɛ Dɩsɔŋ,

ʋ tolo ma nɛ Oholibama.

26Dɩsɔŋ ma hambolibiisiŋ nɛ:

Hemidaŋ, Ɛsɩbaŋ, Ɩtɩraŋ arɩ Keraŋ.

27Ɛza hambolibiisiŋ nɛ: Bilihaŋ, Zaavaŋ arɩ Akaŋ.

28Dɩsaŋ hambolibiisiŋ nɛ:

Yus arɩ Araŋ.

29Hori tɩŋŋaa kuoroo nɛ:

Lotaŋ, Sobal, Zibioŋ, Ana, 30Dɩsɔŋ, Ɛza arɩ Dɩsaŋ. Kuoroo deemba fa kɛŋ ba leree nɛ Sɛɛ tinteeŋ lɛ.

31Kuoroo deemba nɛ laa sɩpaaŋ dii kuoruŋ Ɛdɔm tinteeŋ lɛ aŋ ka pɩ Iziral tɩŋŋaa:

32Bioo nanʋala Bɛla, ʋ fa hɔŋ ba tabalɩŋ Dɩnɩhaba lɛ nɛ a dii kuoruŋ.

33Bɛla sʋʋ, ka Zɛra nanʋala Jobab sɩ lɩɩ Bozira dii kuoruŋ ʋ nyuŋ lɛ.

34Jobab ma sɩ sʋba, Husam sɩ lɩɩ Tɛma tɩŋŋaa tinteeŋ nɛ dii kuoruŋ ʋ nyuŋ lɛ.

35Husam ma sɩ sʋba, Bɛdad nanʋala Hadad ma nɛ dii kuoruŋ ʋ nyuŋ lɛ. Ʋ nɛ fa yuo dii Midiaŋ nɩaa Mʋab tinteeŋ lɛ. Ʋ tabalɩŋ yɩrɩŋ nɛ fa Avif.

36Hadad ma sɩ sʋba, Samɩla sɩ lɩɩ Masɩrɛka nɛ dii kuoruŋ ʋ nyuŋ lɛ. 37Samɩla ma sɩ sʋba, Sawʋl sɩ lɩɩ Rehobɔf a kpagɛ fuoŋ niiŋ nɛ dii kuoruŋ ʋ nyuŋ lɛ.

38Sawʋl ma sɩ sʋba, Akɩbɔ nanʋala Baal-Hanaŋ ma nɛ dii kuoruŋ ʋ nyuŋ lɛ.

39Baal-Hanaŋ ma sɩ sʋba, Hadad ma nɛ dii kuoruŋ ʋ nyuŋ lɛ. Ʋ tabalɩŋ yɩrɩŋ nɛ Pɔɔ. Ʋ haala yɩrɩŋ nɛ Mɛhɛtabɛl. Mezahab tolo Matɩrɛd nɛ fa ŋaa ʋ naaŋ.

40Kuoroo deemba nɛ lɩɩ Ɛsɔ doho tʋɔŋ. Ba doho nɩaa arɩ lee-la ba sɩ hɔnɔ hɔnɔ yɩraa nɛ:

Tɩmɩna, Alɩva arɩ Jɛtɛf. 41Oholibama, Ɛla, Pɩnɔŋ, 42Kenas, Tɛmaŋ, Mibizaa, 43Magɩdɩɛl arɩ Ɩram. Ɛdɔm tinteeŋ kuoroo arɩ ba dɩ-hɔnɔɔ nɛ ŋɩɩ.

Ɛsɔ nɛ ŋaa Ɛdɔm tɩŋŋaa kala nyɩmma.

Currently Selected:

WƖAA DƖ-SUOMUŊ 36: SIS

Highlight

Copy