Israelfɔ Ɩlʋ 47
47
Owie Kpɔnkpɔɔnkpɔntɩ Bulu Gyi Ɔyɩsʋ
Kora abi kanfʋ-ɩlʋ ha ɩlʋ osunapʋ.
1Ɔmá fɛ́ɛ́, mlɩpʋ ansigyi da apian,
amlɩtswɩ ope kanfʋ Bulu,
2tsufɛ Nana Bulu, Ɔsʋsʋʋsʋ mʋ Wie amʋ ɩwɩ bʋ ifu.
Owie kpɔnkpɔɔnkpɔntɩ ogyi ɔyɩ fɛ́ɛ́sʋ.
3Ɔtɛba ɔmá-ɔmá asɩ, pʋ amʋ́ wa anɩ asɩ.
Ɔlɛha anɩlegyi ɔmá fɛ́ɛ́sʋ.
4Otekle anɩ Yakob abi-aná asʋn.
Mʋ́ sʋ ɔlɛlɛ ɔsʋlʋá igyi anɩ ogyikpa ha anɩ,
anɩtɔpʋtsu ɩwɩ. Ɩya.
5Bulu lɔpʋ ansigyi dʋ ɔyɔ.
Nana Bulu lɔdʋ ɔyɔ, bʋdɛ okitikiti, ɩkpɛ dɛfʋlɩ.
6Mlɩwa ɩlʋ kanfʋ Bulu, amlɩtswɩ ope ha mʋ.
Mlɩwa ɩlʋ kanfʋ anɩ Owie.
Mlɩwa ɩlʋ kanfʋ mʋ,
7tsufɛ Bulu gyi ɔyɩ fɛ́ɛ́ Owie.
Mlɩwa ɩlʋ sunahɛ ha mʋ.
8Bulu tsie mʋ onuto owie-obiasʋ,
ɔdɛ ɔmá fɛ́ɛ́sʋ gyi.
9Ɔmásʋ agyipʋ bafia.
Abraham Bulu aha bafia,
tsufɛ Bulu bʋ́ ɔyɩtɔ awie fɛ́ɛ́.
Batsu mʋ fʋa ɔtɩnɛgyiɔtɩnɛ.
Currently Selected:
Israelfɔ Ɩlʋ 47: nko
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
