Israelfɔ Ɩlʋ 46
46
Bulu Má Ɔka Anɩ Wa Anɩ Ɔkplankɛ
Kora abi ɩlʋá bɔ́pʋha ɩlʋ osunapʋ. Bɔ́pʋ mbitebi ɔmɛ wa mʋ.
1Bulu gyi anɩ okpikplikpa pʋ́ anɩ ɔwʋnlɩn.
Ɔma ɔka anɩ wa anɩ ɔkplankɛ.
2Mʋ́ sʋ nɩ ɔyɩ lɛkpɩnkɩ,
abʋ lɛkpa yewie ɔpʋ nsɩnɛ kʋraa a,
anɩméenya ifu.
3Nɩ ɔpʋ lɛda, bwɛ afu kpʋɔkpʋɔ,
ɩlɛkpɩnkɩ abʋ kʋraa a,
anɩméenya ifu. Ɩya.
4Ntsu tsʋnhɛ ɩkʋ ɩna Bulu wulu amʋtɔ, ɩtɛha ɩnʋ atsiapʋ ansɩ tegyi amʋ́.
Ɔsʋsʋʋsʋ Mʋ Wie amʋ onuto otsiakpa nɩ.
5Bulu bʋ wulu amʋtɔ, ɩmɛ́ɛdɩda.
Ɔbɔ́bʋa mʋ́ bakɛ.
6Kpokiti lɛda ɔmá-ɔmátɔ,
iwie ogyikpa lɛdɩda.
Ɩnʋ Bulu lɛlɛ ɔnɔ, ɔsʋlʋ lɛŋlaɩn.
7Ɩsa Ɔnɔ Ɔlɩɩpʋ Nana Bulu bʋ anɩ wa.
Yakob Bulu amʋ gyi anɩ ɔtanʋkpa kinkin. Ɩya.
8Mlɩbɛkɩ Nana Bulu gyumagyihɛ.
Alɩá alaha ɔsʋlʋsʋ atɔ layinta.
9Ɔtɛka ɩsa tin ɔyɩtɔ ɔtɩnɛgyiɔtɩnɛ.
Otebiabia ɩta, kaka ɩkpantɔ anyɔ;
wa ɩsa akɔtɔ fɛ́ɛ́ ogya.
10Mlɩtsia diin, amlɩbɩá mɩgyi Bulu.
Batsu mɩ fʋa ɔmá fɛ́ɛ́tɔ.
Bawa mɩ numnyam ɔyɩtɔ fɛ́ɛ́.
11Ɩsa Ɔnɔ Ɔlɩɩpʋ Nana Bulu bʋ anɩ wa.
Yakob Bulu amʋ gyi anɩ ɔtanʋkpa kinkin. Ɩya.
Currently Selected:
Israelfɔ Ɩlʋ 46: nko
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
