Zakaria 5
5
Usolwelo wa chivungo cha mukanda
1Yingutala nawa, yingumona chivungo cha mukanda chinatelumioka mu tetela. 2Kanganda ka mwilu yamuhula ngwenyi: “Yika unamono?” Yingumukumbulula ngwami: “Ngunamono chivungo cha mukanda chinatelumioka mu tetela; Usuhwe wacho metro livwa, unene wacho metro jiwana ni Chipinji.”
3Mba yangwamba ngwenyi: “Ha mukanda uze hanasonewa Shingo lize mulitanda mu chifuchi cheswe. Ku sali limwe lia chivungo kunasonewa ngwo, mweswawo meya, maamuhuma mu chifuchi; ku sali likwo linasonewa ngwo, mweswawo malishinga ni mahuza, maamuhuma. 4Mwene Zambi Mukwa Ndundo Jeswe kanambe ngwenyi: ‘Mungumwangina Shingo lize kweswe; mulikanjila mu zuwo lia mwiji mweswe ni lia yoze wakulishinga ni mahuza. Mulikanjila mu mazuwo jo ni kwenyeka mo.’ ”
Usolwelo wa pwo yoze unatwama mu chisoka
5Kanganda ka mwilu yasoloka nawa kuli yami, yamba ngwenyi: “Tala! Chuma chikwo chineza!”
6Yinguhula ngwami: “Chuma chika?”
Iye ngwenyi: “Chili chisoka, chinalumbununa ngwo, shili ya akwa chifuchi eswe.”
7Che chisoka yichibwa ni chifuko cha shumbu. Muze te ngunatale, chifuko yichazuluka, kumana umwe pwo unatwama mo!
8Kanganda ka mwilu yamba ngwenyi: “Pwo yono kanalumbununa ungulungulu.” Mba yamukona mu chisoka, yaafuka ho che chifuko. 9Yingutala, yingumona mapwo aali kaanatelumioka mu tetela kunyima liami ni mapulwa a tachi ngwe a chitokola. Yaazundula che chisoka, yaahumuka nacho.
10Yinguhula mwe kanganda ngwami: “Kulihi anachitwala?”
11Yangukumbululangwenyi: “Kaanachitwala ku chifuchi cha Babilonia, kwenako maakachitungila zuwo liacho. Muze lie zuwo mulikahwa, maakasa mo che chisoka hanga achikombelele.”
Currently Selected:
Zakaria 5: CHK1970
Highlight
Share
Copy
Want to have your highlights saved across all your devices? Sign up or sign in
The Bible in Chokwe © Bible Society of the Democratic Republic of Congo and Bible Society of Zambia, 1970, 1991.
