Zakaria 13
13
1Mwene Zambi Mukwa Ndundo Jeswe kanambe ngwenyi: “Ha matangwa waze mungukajikula shima lia meya ngubemese vungu lia David ni akwa Yerusaleme ku shili yo ni ku mahamba jo. 2Ha matangwa waze mungukachiza majina ja mahamba mu chifuchi, niumwe kechi keewuluka nawa. Mungukahuma eswe waze akuzanga kulipwisa akwa munanyi ni akuzanga kukombelela mahamba. 3Nyi umwe mutu makazanga kuhanjika munanyi, tato ni naye maakamwamba ngwo, chamutamba kufwa, mumu hamba ngwenyi kanahanjika maliji a Zambi alioze heseka kuhanjika mahuza. Muze makahanjika munanyi, tato ni naye maakamushiha ni poko. 4Muze matangwa waze heeza, mukwa munanyi niumwe makalengumuka ni Usolwelo wenyi, hanji kwimbulula mukwa munanyi, chibwe kuzala mahina awonawona ja mukwa munanyi hanga onge atu. 5Alioze makamba ngwenyi: ‘Hinguli mukwa munanyi ko, nguli kwami njimi, nalimine minda mu mwono wami weswe.’ 6Mba nyi umwe makamuhula ngwenyi: ‘Yimbandwa yize#13:6 yimbandwa yize: akwa munanyi a mavungu te kaakulilemeka (tala 1 Yit 18:28). mu moko je yaka?’ iye makakumbulula ngwenyi: ‘Tusendo twami angulemekene yo.’ ”
Shimbi ya kushiha kafunga ka Zambi
7Mwene Zambi Mukwa Ndundo Jeswe kanambe ngwenyi: “Mukwale katuka, limike ni kafunga#13:7 KAFUNGA: tala 11:4. yoze wakungulingila milimo! Mushihe, mba mapanga maamwangana. Mungukalimika ni atu jami, 8mu chifuchi cheswe, mba mbunga jaali a ku mbunga jitatu maakafwa. 9Mbunga ya muchitatu yize muyikasala mungukaabemesa mu kahia. Mungukaabemesa ngwe oru yize haabemesa mu kahia. Mba maakalemba kuli yami, ni yami mungukaakumbulula. Mungukaamba ngwami, nuli atu jami. No maakashikisa shili yo nikwamba ngwo, nguli Zambi yo.”
Currently Selected:
Zakaria 13: CHK1970
Highlight
Share
Copy
Want to have your highlights saved across all your devices? Sign up or sign in
The Bible in Chokwe © Bible Society of the Democratic Republic of Congo and Bible Society of Zambia, 1970, 1991.
