Zakaria 11
11
Mwene Zambi makakumba akwa kuyula yiswii
1Yena Libano, azulula ku yikolo ye,
hanga kahia koche mitondo ye sedru#11:1 mitondo SEDRU: mitondo mu longeso lino yili yilweza ya mavungu a tachi hanji ya mianangana jo.!
2Yenu mitondo Shipre, lilenu mbimbi,
mumu misedru hayinungwona,
mitondo yize ya uhenya haayenyeka!
Yenu mitondo shene ya Bashane#11:2 Bashane: chifuchi ku norde ku chivumbuko cha chitende cha Galilea., lilenu mbimbi,
usaki uze wajika haaupakwila hashi!
3Akwa kuyula kaanalili mbimbi mumu uhenya wo hiwahwa!
Banjikenu kuhiohia cha tambwe
mumu mishitu yo ku mbumbulu ya Yordau haayipakula.
Tufunga aali
4Mwene Zambi, Zambi yami, yangwamba ngwenyi: “Bwako ngwe kafunga#11:4 kafunga: mu yihanda yino chilweza cha mwanangana hanji tetekeli; mapanga chilweza cha atu jenyi hanji tetekeli jenyi. ka mapanga waze haanaanyongena kufwa. 5Akwa kulanda kaakushiha e mapanga, hindu atu waze keeshi kwamwesa lamba. Kaakulanjisa yifwo yo nikwamba ngwo: ‘Mwene Zambi afumane! Hitwabwa pichi!’ Chibwe e tufunga two keeshi kweevwila keke.”
6(Mwene Zambi yamba ngwenyi: “Chichi kevwila nawa akwa hashi keke. Yami mwene mungukakunjika atu eswe mu moko ja akwa kuyula jo. Akwa kuyula waze maakafwenya he hashi, ni yami chichi kalamwina ho.”)
7Atu waze te akulanda ni kulanjisa mapanga yaangwaha milimo, mba yingubwa kafunga ka mapanga waze te anambe kushiha. Yingwanda kanda jaali: umuwika yingumuluka ngwami: “Vumbi,” ni mukwo ngwami: “Kununga.” Mba yingufunga e mapanga. 8Ha kakweji umuwika nachiijile tufunga akwo atatu, mumu te kaakunguvutwokela. 9Mba yingwambila mapanga ngwami: “Hichichi kubwa nawa kafunga kenu. Waze chaatamba kufwa, afwe kwo; waze chaatamba kwonona, onoone kwo. Waze haasala ho maalionona ene ni ene.” 10Mba yingwanda lukanda yoze nalukile ngwami “Vumbi,” yingumumakuna hanga ngushihe Usendo uze Mwene Zambi akolesele ni mavungu eswe. 11Chenacho Usendo wafwile ha tangwa lizeliene. Waze alanjile ni alanjishile e mapanga yaangumona, yaanyingika ngwo, Mwene Zambi kanahanjika hakutwala ku yeswe yize te nakulinga. 12Yingwaambila ngwami: “Nyi nunazange, ngwehenu fweto yami. Alioze nyi ka, yifungenu.” Mba yaangufweta mbongo ja prata makumi atatu.
13Mwene Zambi yangwamba ngwenyi: “Mbongo je jise mu mushete mu zuwo lia Zambi#11:13 mbongo je Jise mu mushete mu zuwo lia ZAMBI: Chenacho mu ulumbunwiso ukwo; mu hebreu, “Mbongo je jihane kuli tengi.”.” Kashika nanjile je mbongo ja prata makumi atatu, ye ndando yinji yize angunyongenene#11:13 ndando yize angunyongenene: prata makumi atatu, ye ndando ya ndungo (tala Kut 21:32)., yingujisa mu mushete mu zuwo lia Zambi#11:13 yingujisa mu mushete mu zuwo lia ZAMBI: Chenacho mu ulumbunwiso ukwo; mu hebreu, “Yingujihana kuli tengi.” . 14Mba yingumakuna lukanda wami wa muchaali, yoze te nakuvuluka ngwami “Kununga,” mba kununga cha Ayuda ni Aisraele yichifwa.
15Mba Mwene Zambi yangwamba ngwenyi: “Bwako nawa ngwe kafunga, chisuho chino kafunga wamokomoko. 16Hinasa kafunga afunge mapanga jami, alioze keshi kufunga mapanga waze anambe kushiha, hanji kufupa waze haatoka, chibwe kuwuka waze haalemana, chibwe kulisa waze haasala ni mwono. Alioze malia yifwo ya waze ali ni maji ni kuzunwona sende jo. 17Alioze lamba kuli kafunga yoze wamokomoko! Hehuka mapanga jenyi. Jita mujikazeyesa tachi jenyi liakulu. Kwoko lienyi lia chindume mulikasosewa, ni liso lienyi lia chindume mulikapuputa.”
Currently Selected:
Zakaria 11: CHK1970
Highlight
Share
Copy
Want to have your highlights saved across all your devices? Sign up or sign in
The Bible in Chokwe © Bible Society of the Democratic Republic of Congo and Bible Society of Zambia, 1970, 1991.
