Yilinga Maliji Atangu
Maliji Atangu
Mukanda wa Yilinga ya Tunganda twa Yesu Kristu unawezela ku sango ja mukanda wa Luka. Chikuma chinene chili ngwo, kulumbununa chize Mwiku wa Linanga wasongwelele tunganda twa Yesu ni kwambujola sango jenyi “mu Yerusaleme ni mweswe mu Yudea ni Samaria, ni ndoo ku songo lia hashi” (1:8). Mukanda uno unalumbununa sango ja Chikungulwila cha Yesu Kristu chize ku kabutu mukachi ka Ayuda ndoo ni muze hiwabwa uwayilo wa atu hashi heswe. Luka kanashindakenya ngwenyi, akwa Kristu keeshi kulitachika ni chiyulo cha wanangana wa Aroma. Nawa ngwenyi, we uwayilo wa akwa Kristu unamanununa uwayilo wa Ayuda wa Usendo Ukulu. Yihanda yitatu ya mukanda uno yinalweze chize tunganda aambujolele Sango Jibema ja Yesu Kristu ni tachi, ni chize Chikungulwila chajikiwile: (1) mu Yerusaleme, muze Yesu hazezuka mwilu: ni (2) mu yifuchi yikwo mu Palestina: ni (3) mu 21:20 Yoa 13:25 yifuchi yize yinasulangana ni kalunga lwiji Mediterane ndoo ni ku limbo lia Roma.
Mukanda uno unalumbununa milimo ya Mwiku wa Linanga uze unatakamisa akwa kufuliela mu Yerusaleme ha tangwa lia Pentekoste, Mwiku wa Linanga unasongwela ni unakolesa akwa Chikungulwila ni tetekeli jo mu milimo yo. Longeso lia akwa Kristu atangu linamoneka mu mukanda uno, Sango jo jinalweze tachi ja longeso lize mu yitanga yo ni mu kulikata cho mu Chikungulwila.
Yikuma Yinene
1. Maliji atangu: kululika cha tunganda hanga abwe yela 1:1-26
Yesu yashika tumbaji twenyi 1:1-11
Tumbaji yaatongola yoze masalakana Yudase 1:12-26
2. Yela yaalongesa mu Yerusaleme 2:1—8:3
3. Yela yaalongesa mu Yudea ni Samaria 8:4—12:25
4. Paulu yalongesa mu yifuchi yize yinasulangana Mediterane 13:1—28:31
Wenyi utangu wa Paulu 13:1—14:28
Punga mu Yerusaleme 15:1-35
Wenyi wa muchaali wa Paulu 15:36—18:22
Wenyi wa muchitatu wa Paulu 18:23—21:16
Paulu mu zuwo lia lamba mu Yerusaleme, mu Sesarea, ni mu Roma 21:17—28:31
Currently Selected:
Yilinga Maliji Atangu: CHK1970
Highlight
Share
Copy
Want to have your highlights saved across all your devices? Sign up or sign in
The Bible in Chokwe © Bible Society of the Democratic Republic of Congo and Bible Society of Zambia, 1970, 1991.