UJƆ́NI 17

Ɔkɔ nɛ̄ Ujísɔ̄si gbā ā

1Eko nɛ̄ Ujísɔ̄si lɛ ɛlā nēe bá ā ka kwɛyí ā, ó je eyī gicō leyī pīya kwu ɔkpáncō anɔ́ɔ ó kahíníī, “Ádā, eko ā gā ɛɛ́, le mafú lɛ ācɛ ɛ́gɛ́nɛ̄ Ɔyínɔ̄nyīlɔ kú uwɔ wɛ idáagó lɛ āa, cɛ́ɛ́ ká n̄ lɔfú mafú lɛ ācɛ ɛ́gɛ́nɛ̄ a wɛ idáagó lɛ ā. 2Ohígbū ka a lɛ íkwu je lɛ ɔ́ kóō gbō ācɛ dóódu ā, kóō je oyēeyī opiyóó lɛ ācɛ dóódu nāa kpó lɛ ɔ́ ā. 3Ɛ́gɛ́nɛ̄ ācɛ géē yēeyī piyóó ā wɛ kéē jé awɔ nōo wɛ Ɔwɔicō ā, é kē jé Ujísɔ̄si Ohɔ́nyɛtá, nāa tɛ̄hɔ̄ ā. 4N le ojīlīmā kú uwɔ mafú o ŋmá lɛ úklɔ́ nāa je gā um nɛ̄ n yá ɔ̄ kwɛyí ā. 5Ádā, lɛ ojīlīmā ce um abālɔbányā, ɛdɔ ojīlīmā nāa le ce um gbɔbū ká ā yá ɛcɛ ā.

6N le ɛdɔ kú ɔ̄cɛ nɛ̄ a wɛ ā mafú lɛ ācɛ nāa kpó gā um ŋmá ipú ɛcɛ ā. É wɛ ákú uwɔ, awɔ kpó uwá gā um á, é kē lɛ ɛlā kú uwɔ tū. 7Abālɔbányā é jé ka ɔdā dóódu nāa je gā um ā ŋmá abɔ̄ kú uwɔ. 8Olɛhɔ̄ nāa je gā um ā, n le cɛ̄ lɛ uwá, uwá kē mīyɛ ɛlā ā ɛɛ́, é le jé ɔkwɛ̄yi ka n ŋmá ɛgiyí uwɔ, é kē cɛ̄ ka awɔ tū um ɛhɔ̄ á. 9N gē gbɔ̄ɔkɔ gā uwɔ ohígbū uwā, ń gē gbɔ̄ɔkɔ gā uwɔ ohígbū ācɛ ɛcɛ ŋ́, amáŋ ohígbū ācɛ nāa kpó gā um ā, ohígbū kéē wɛ ákú uwɔ. 10Ɔdā dóódu nēe wɛ ákú um wɛ ákú uwɔ, ɔdā dóódu nēe wɛ ákú uwɔ, kē wɛ ákú um, é gē mafú ɛ́gɛ́nɛ̄ n wɛ idáagó lɛ ā. 11Abālɔbányā n yɔ̄ ī wā ɛgiyí uwɔ ɛɛ́, ń yɔ̄ ipú ɛcɛ gɛ ŋ́, amáŋ uwá bá ɛcɛ. Ádā otīihɔ, lɛ uwá tū o ŋmá lɛ ɔfú kú iyē kú uwɔ nāa je gā um#Lɛ uwá tū ŋmá ɔfú kú iyē kú wɔ iyē nāa je gā um ā, aɔ́kpá ōhī ka, o ŋmá ofú kú iyē kú uwɔ lɛ uwá tū ācɛ nāa je gā um ā. ā. Cɛ́ɛ́ kéē kwú pīya ékpó mla ɔ́mpa uwā ɛ́gɛ́nɛ̄ ami mla awɔ wɛ ékpó ā. 12#Aíjē 41.9; Ujɔ́n 13.18Eko nɛ̄ n yɔ̄ mla uwá ā, n lɛ uwá tū ŋmá ɔfú kú iyē kú uwɔ nāa je gā um ā. N lɛ uwá tū, ɔ̄cɛ dúúmā kú uwā í kē bī ŋ́, ń táafú ŋ́ ɔ̄cɛ nōo í nyíleyī piíí ā nɛ̄ n, odúúdú aɔ́dā nēe bá ā, le yá cɛ́ɛ́ kú ɛlā nēé tá ipú ɔkpá ɛlɔ̄ɔwɔicō ā kóō le yá jīla. 13Amáŋ abālɔbányā n gē wā ɛgiyí uwɔ ɛɛ́. N le aɔ́dā alɛwa kpó ka lɛ uwá eko nɛ̄ n yɔ̄ mla uwá ā, cɛ́ɛ́ ká ɔtū kóō he uwá dúúdú ɛ́gɛ́nɛ̄ ɔtū he um dúúdú ā. 14N le olɛhɔ̄ kú uwɔ cɛ̄ lɛ uwá ɛɛ́. Ācɛ kú ɛcɛ gē wɔ́tū uwā ohígbū kéē wɛ ákú ɛcɛ gɛ ŋ́, ɛ́gɛ́nɛ̄ ń wɛ ákú ɛcɛ ŋ́ mā. 15Ń yɔ̄ ī ba uwɔ ka lɛ uwá kpó ŋmá ipú ɛcɛ ŋ́, amáŋ ká lɛ uwá gbō ŋmá ɛgiyí ɔ̄cɛ obɔ̄bí ā. 16É wɛ ákú ɛcɛ gɛ ŋ́, ɛ́gɛ́nɛ̄ ń wɛ ákú ɛcɛ ŋ́ mā. 17Lɛ uwá yá tīihɔ ŋmá lɛ ɛlā ɔkwɛ̄yi kú uwɔ nāa í nwū uwā ā. 18N yɔ̄ ī tū uwā ɛhɔ̄ ga ipú ɛcɛ ɛ́gɛ́nɛ̄ a tū um ɛhɔ̄ wā ipú ɛcɛ ā. 19N kwú iyī um í táajɛ gā uwɔ ohígbū uwā, o yá ɛ́ɛ́ kéē lɔfú je iyī uwā táajɛ ɔkwɔ̄ɔ̄kwɛ̄yi gā uwɔ.

20Ń gē gbɔ̄ɔkɔ ga uwɔ ohígbū ayíkpó nēe bá ā ofū uwā ŋ́, amáŋ ohígbū ācɛ nēe géē lɔtūce um ŋmá olɛhɔ̄ kú uwā nēé í cɛ̄ ā. 21N gē gbɔ̄ɔkɔ gā uwɔ kéē le pīya ɔ̄cɛ ékpónú ɛ́gɛ́nɛ̄ awɔ mɛ́mla um wɛ ɔ̄cɛ ékpónú ā. Ádā! kéē le piyatɔ̄há mla alɔ, ɛ́gɛ́nɛ̄ n pīyatɔ̄há mla uwɔ nāa kē pīyatɔ̄há mla um ā. Cɛ́ɛ́ ká ācɛ kú ɛcɛ géē cɛ̄ ka awɔ tū um ɛhɔ̄ á. 22N kwú ojīlīmā nēé je gā um ā ú lɛ uwá ɛɛ́, cɛ́ɛ́ kéē le pīya ékpó, ɛ́gɛ́nɛ̄ ami mɛ́mla awɔ wɛ ékpó ā. 23N le pīyatɔ̄há mla uwa, a kē le pīyatɔ̄há mla um, kéē le pīya ɔ̄cɛ ékpó, cɛ́ɛ́ kú ācɛ kú ɛcɛ kóō le jé ka awɔ tū um ɛhɔ̄ á. Ká ɛcɛ kóō kla le jé ka a yíihɔtū tū uwā ɛ́gɛ́nɛ̄ a yíihɔtū tū um ā. 24Ádā! A le uwá kpó gā um ɛɛ́, n tínē kéē bá mla um ɛga nɛ̄ n yɔ̄ dúú ā, cɛ́ɛ́ kéē lɛ ojīlīmā kú um nāa je gā um ā má ohígbū ka a yíihɔtū tū um gbɔbū nēé yá ɛcɛ á. 25Ádā ō yá olɔhi, ācɛ kú ɛcɛ ā í jé uwɔ ŋ́, amáŋ n lɛ uwɔ jé ɛɛ́, aɛ́nɛ̄ e bá ā kē le jé ka awɔ tū um ɛhɔ̄ á. 26N le yá kéē lɛ uwɔ jé, n klla géē yɔ̄ ī yá kéē jé uwɔ, ká ihɔtū nāa lɛ ɛgiyí um ā kóō yɔ̄ lɛ uwā, ká n̄ kē ī piyatɔ̄há mla uwá.”

Currently Selected:

UJƆ́NI 17: IFBCL

Highlight

Copy