ÚKLƆ́ KÚ ĀCOTƐ̄HƆ̄ Omafú kú ɔ̄kā kú ipú ɔkpá ā
Omafú kú ɔ̄kā kú ipú ɔkpá ā
Ɔkpá kú úklɔ́ kú Ācotɛ̄hɔ̄ wɛ ɔkpá ō tá kwu ɔ̄kōolɔhi nɛ̄ Ulúkú tá ā. Ɔdā okpɔ́cí nōo yá ɛ́ɛ́ nɛ́ ó tɔ́kpá nyā wɛ kóō ka ɛ́gɛ́nɛ̄ Alelékwū bī ayíkpó kú Ujísɔ̄si kú aflɛ́yí le tɔ́ɔna kú ɔkōolɔhi lɛyíkwu Ohɔ́nyɛtá ga Ujerúsālɛm, Ujudíya, Usamérīya jāā ga oŋmɛ́yí kú ɛcɛ ā (1.8) Ó wɛ ɔ̄kā kú Ɔ́wá kú ācɔ̄lóhɔ́nyɛtá, ɛ́gɛ́nɛ̄ ó gbɔɔ́ ɔtāhɛ̄ kú ācɛ Ujíyu, nōó klla yɛ gɔbū gaá kwú pīya ocɛ̄ɛ̄lā Ɔwɔicō kú ɛjɛ̄ɛ̄jī ācɛ kú ɛcɛ. Ó kwu ɔ̄cotɔ́kpá nyā ɔtū kóō le yá kú ācɛ nēe í jɔ́kpá nyā kéē le jé ka ācɔ̄lóhɔ́nyɛtá í wɛ ācɛ ígwu kú imélí obɛ́yíkwu ajɛ ōgbō kú ācɛ Uróm ŋ́. Amáŋ kéē le jé ka ɔtōōce kú ācɔ̄lóhɔ́nyɛtá ā wɛ kéē le ɔwɛ nɛ̄ ācɛ Ujíyu ī gbɔ̄ɔkɔ ā yájīla nɛ̄.
Úklɔ́ kú ɔ̄cocɛ̄hɔ̄ lɔfú le kɔ̄ āyā ɛtá glá. (1) Oōgbo ɔ́ kú “Ɔ́wá kú Ohɔ́nyɛtá” ipú Ujerúsālɛm o ŋmá eko nɛ̄ Ujísɔ̄si nyɛ̄ɛ̄ ŋmá ajɛ gicō ā. (2) Oōnyīla kú ɔ̄kōolɔhi ā ipú ajɛ kú Ācɛ upálēstin. (3) Oōnyīla gɔbū kú ɔ̄kōolɔhi ā ga ɛháajɛ kú Umeditarénīya jāā ga Uróm.
Ɔdā ocɛgbá kpɔ́cíí ipú úklɔ́ kú ɔ̄cocɛ̄hɔ̄ nyā wɛ “Úklɔ́ kú Alelékwū-Ihɔ, nōo wā gaá ce ācɔ̄lóhɔ́nyɛtá ɛyí, ipú Ujerúsālɛm ɛ̄cī ucɛ kú Upɛ́ntīkɔsi nōo klla yɔ̄ gē gbō Icɔ́ɔ́ci mɛ́mla Aótrɛ̄yí kú ūwā iyē ipú aɔ́dā nēe yá kpɛ́mm ipú ɔkpá ā. É le olɛhɔ̄ kú ācɔ̄lóhɔ́nyɛtá ā cekpii ipú áluka kú ɛlɔ̄ɔwɔicō alɛwa nēé ka ā, mɛ́mla ɔdā dóódu nēé yá nēé tá tāajɛ ipú Ɔkpá kú “Úklɔ́ kú ɔ̄cocɛ̄hɔ̄” ā nōo mafú ɔfú kú olɛhɔ̄ nyā ipú oyēeyī kú Ācɛ-ocɛ-ɛlɔ̄ɔwɔicō mɛ́mla olétɔ̄há kú Icɔ́ɔ́ci ā.
Ocēkpií kpií kú aɔ́dā nōo bá ipú ɔkpá ā.
É le tútū kéē nyɔ̄ í cījáalí ā 1.1-26
a. Ɔ́da ámōmɛ kú Ujísɔ̄si mɛ́mla okónu nɛ̄ ó ce 1.1-14
b. Ɔ̄cɛ nōo mīyɛ ɔkwu Ujúdasi 1.15-26
Ijáalí nēé cɛ̄ ipú Ujerúsālɛm 2.1—8.3
Ijáalí nēé cɛ Ujudíya mla Usamérīya 8.4—12.25
Uklɔ́ kú Upɔ́lu 13.1—28.31
a. Iyāwu aflɛ́yí kú úklɔ́ kú Upɔ́lu 13.1—14.28
b. Ojīleyī aflɛ́yí Ujerúsālɛm 15.1-35
c. Iyāwu ɔ́mpa kú úklɔ́ kú Upɔ́lu 15.36—18.22
d. Iyāwu ɔ́mɛtá kú úklɔ́ kú Upɔ́lu 18.23—21.16
e. Upɔ́lu le pīya olagbá Ujerúsālɛm, Usísarīya mɛ́mla Uróm 21.17—28.31
Currently Selected:
ÚKLƆ́ KÚ ĀCOTƐ̄HƆ̄ Omafú kú ɔ̄kā kú ipú ɔkpá ā: IFBCL
Highlight
Share
Copy
Want to have your highlights saved across all your devices? Sign up or sign in