Matthew 26

1Yiks lā ī Jesus qilbā mas ḵīs wātldum, la nīk ḵīs disciples.

2Kauklilāk dāḵw um sī kīḵs mātl pun whāsī kla ko gāḵ klī da hayākutl tsimā ya; la klī da Kwanūqa sa baqānum zawē‐kl kās lē‐kl glapī‐dayū‐kl lāḵā kayūyaula.

3Wa lā kāpī‐kowī da gī‐gakumā yī priests, hī mī sī da qulsqul‐yāqā sa līlqalā‐klī, lāḵ gūqa sa gīkumā‐yī priest glīkādis Caiaphas,

4Kās kwīḵulāk dāḵwī nīk kās wunātlī dāhīduḵ Jesus, kās kīlāk‐īdī tlilā masuk.

5Lā tā nīk dāḵwā, qālā yhī hī dī da qīlas dum kla, ākla ḵomātl‐īda lāḵī da līlqalā klā‐yī.

6¶ Wa gil mī sī Jesus hī lī Bethany, lāḵ gūqas Simon ḵā leper,

7Gaḵī da zadāk lāk dālā ḵā klādāzī kūtā ḵā hīnūma ēk klādum‐ā, kās gwa‐kuḵ‐klīla bundīs lāḵ yhūmsa sīḵs, lā ī hamāpa.

8La tā disciples as doqilāk, la zībūsas, nīkya, mā zīs wīmnūqītla sūḵ?

9Kā īḵs kīnumī lāḵs dē sī kyalūm lāḵs dēq, kā lā zawē ḵā wīwūsīlākā.

10La tā Jesus ī kauklilā umk, nīk dāḵwuk, māzīs gatālak dāḵwī‐tlā ḵwā zadāk‐īḵ? kā ūḵs ēkya ūs qih‐īda asīḵ gāḵun.

11Kāk dāḵwuḵs uḵnū‐gwādī klā kūsā sī da wīwūsīlākā hīmanātla um‐kl; lāk dāḵw tas kīs uḵnū‐gwād klin hīmanātla um‐kl.

12Kā īḵs gwaḵ‐īda āḵ sa klādum lāḵ gin oqīnīk, hī um lā‐gītl tsūḵ hī qīh‐īdī kunklū lā‐kl wunumtā sū‐kl.

13Aulā tin nīk yūtl, yiḵ nāwhā klā ītaula ya wās‐nāwhā klis gada ēkik wātlduma lāḵwā nāwhāḵ awīnāqīsa, ogwākā um‐kl wīs gada, qīh‐īda asāḵ sa zadākīḵ, lā‐kl ītaula yū‐kl kā kātlā sū lāq.

14¶ Wa lī da numūqī lāḵā mālūgwā‐gīyū, glīkadis Judas Iscariot, lā lāḵā gī‐gakumā‐yī priests,

15La nīk, mās dāḵwīs zawē kla ūs gāḵun, kun zawēs lūtl? lāk dāḵw zūqa‐gātl tsā yūdūh sum gūstau dāla lāk.

16Hī mīs gēga‐klilāk dums la hāyātlā ḵā āk kās zawēs.

17¶ Hī mīs ātlīs gil nāla sa kīs bābāwaāq qāquhw sumā gāḵī da disciples lāk Jesus, nīk yuk, wī nīs qayau ūs kunūh qāqutlī las kās hamaā sū sā ḵā hayākutl‐tsimā ya?

18La tā nīkya, hāga lāḵā town lāḵā namūqa baqānuma, kās nīkya ūs āk, nīkī da Gīkumāyī, lamī ulāk lastū din hīk dum kla qīh‐īdi klī; āḵīla klin kla ḵā hayākutl‐tsimā ya lāḵūs gūqā kūs gla wun disciples.

19Lī da disciples hī um qīh‐īdī wātldum as Jesus lāk dāḵwuk; lāk dāḵw qālītlā mas ḵā qīlazumī kā ī da hayākutl tsimā yī.

20Wa gil mīs zāqā, la qāgā‐lītl gla wī da mālūgwa‐gīyū.

21Wa yiḵs lāk dāḵwā ī humh‐īda, nīk tā, aulin nīk yūtl klāḵs numūqa ī da gāyūtl klā lāk dāḵwūtl lāḵūd klin.

22Wa lāk dāḵw aul zih‐alāqā, lāk dāḵw klāklāyū‐gwilītlil nāwhā um nīk yuk, Gīkumī, nūgwa ma ā?

23La nānāḵmī nīkya, hī mī da zapīd kla sīs āyasū gla wun lāḵwā ḵulqāḵ, hī um lā‐kl lāḵūd klin.

24Kā Kwanuqa sa baqānum qīyūtlil lāḵīs la ās hī um lī gāduq īnāyas kā ī: kīkyālasū gla sī da baqānuma ḵā lāḵūd kla sa Kwanūqa sa baqānum! ēkī lāḵs dī kā ī da baqānum ko kīs māyūglumū.

25Wa lī Judas, yiḵā lāḵūdēk, nānāḵmī nīkya, nūgwa ma ā Gīkumī? la nīk yuk, la ums nīk yis.

26¶ Wa yiḵs lāk dāḵwā ī hamālā‐lītla, lī Jesus uḵ‐īd ḵā qāquhw‐sum, kās bless īdīk, la waōx‐unduk, kās zawēs lāḵā disciples, nīkya, uḵ‐īd, humh‐īd; gamun oqīnīk.

27La uḵ‐īd ḵā qāstā, kās kīlākyasla ḵī, lazaws lāk dāḵwuk, nīkya, nāḵ‐īduk dāḵw la nāwhā um lāq:

28Kāḵs gamīk gin ulqāk sa ātlī testament, lāwē kā ī da kīnum kā kyalūm kā ī da yēkīnāyī.

29La tin nīk yūtl, kīs klin lā‐kl ītīd nāḵīdi‐kl ḵwā nūna‐wīmas āḵ sa qāḵula, ātl‐um klin klā ḵā numḵ sa kla nāla‐kl, ḵun nāḵ‐īdik dum klāq ālūmas‐kl glūs lāḵ awīnāqīsa sin Umpa.

30Gilk dāḵw mīs qātl dunḵula, lāk dāḵw lāwils kās lē lāḵā nagē sa Olives.

31Wa lā nīkī Jesus lāk dāḵwuk, nāwhāk dāḵw mī klā kūs wanīḵ‐īdi‐kl kā un klā ḵwā kānūtl klīḵ: kā īḵs gaduq mā ī, qīḵ‐īd klin klā ḵā aāḵsīlā ḵā lāmādo, lā klī da lāmādo sa kapīs‐kamātla gwītl‐īdā mas tsū‐kl lāḵā qīqasāla.

32Wa kunklū lā‐kl glāḵ‐wīda āgūtl‐kl, lā klin gāgālatl gīwī klūs lāḵ Galilee.

33La tī Peter nānāḵmī nīk yuk, wāk mī‐kl nāwhā um‐kl wānīḵ‐īdi‐kl kās, hī wē ḵā tā klin wānīk‐īdi‐kl.

34Lī Jesus nānāḵmīk, aulin nīk yūtl, ḵwā kānūtl klīḵ, kīs mī klasī da kākā‐o kākā‐o qagātl‐kl, lā tā klis yūdūh pun zāqā‐kl hīwhākl gāḵun.

35Lī Peter nīk yuk, wāk mī lāḵ gin lā lāḵ tlil‐kl glūs, kīsā las tin hī‐whūtl: hī um ḵa ā wīs ogwāk wātldums nawhī da disciples.

36¶ Wa gāḵī Jesus gluk dāḵwī lāḵā awīnāqīs glīkādis Gethsemane, la nīk ḵā disciples, qātlāk dāḵw la lāq, kun lā un hawāḵ‐ulā lāḵā.

37La uḵ‐īduḵ Peter kā lēs gla wī, hī mī sī da mālūq sāsums Zebedee, la aul wōsa whilsā kād.

38La nīkya lāk dāḵwuk, hīnum īk wōs gin naukik, lāga‐ā um lāḵ wānum‐gīla īsatlāla lāq, kākālāla ḵād gla wun.

39La kāsilīs qāqīs‐gīlālīsila, la huḵwālīs tsīs kūqamā‐yī, hawāḵ‐ulāḵ ta wī, nīkya, ḵun Umpa, kāsū ekāk lāḵuk, wīgā yhī gada qāstāk hayākā gāḵun; qālā yhī nūs naukā‐yā, hūs umā yhī naukī‐kl.

40Wa gāḵ lāḵā disciples, la khā kīḵs mīḵāk dāḵwā, ī, la nīk yuḵ Peter, ḵunklilāk dāḵw zaus wāya‐zaul kās khākhā‐lāla ūs gla wun num zā kīla ā?

41Khākhā‐lāla lā hawāḵ‐ula ḵād, kāk dāḵws kīsa ūs lāzau lāḵ yēkīlā‐kē: ḵā naukā yāḵs qātlatla mā ī, lā tī da ulzī wēklīmasa.

42La mīs ītīd la mātl punīsta hawāḵ‐ula, nīkya, ḵun Umpa gil mī lāḵ gas kīs hīyākīma gāḵun, hīga um kunklū nāḵīd kukyh, hī‐umā yhī lī qētla asa sīs naukā yūs.

43Wa gāḵ ītīda khā um ḵa ā wīsī kīḵs mīḵāk dāḵwā ī: kāḵs qunsquns‐tūk dāḵwā ī.

44La ītīd bos, kās lē hawāḵ‐ula, hī um ḵād wātldum īs wātldumk dī.

45Wa gāḵ lāḵīs disciples, nīk dāḵwuk, mīḵātlā lagā, yhūsātlāk dāḵw la: dok, lamūḵ ulāk lastau, la mī sa Kwanūqa sa baqānum zūbātl zānun dāyū lāḵā yā‐īksamī bī‐baqānum.

46Glāḵ‐wīdaga, kunts lā lagī: dok, gāḵ mūḵw īyhātlūḵ da zawē kun.

47¶ Kīs mīs kwītl‐īda, dok, Judas, gayūtl lāḵā mālūgwa‐gīyū, gāḵā, hī mī sa kīnum bī‐baqānum gāḵ gla wī dālā ḵā qi‐qīḵāyū, gāyā‐nāqil lāḵā gī‐gakumā‐yī priests gla wī da qulsqul‐yāqā sa līlqalā‐klāyī.

48Wa yiḵī da zaw yas, māmātl‐tīkī nūqā mas kāk dāḵwī, nīkya, yiḵun mīzik‐īd tsū kla, hī um: dātlā lāk.

49Hīh‐īda mīs gāḵ lāk Jesus, kās nīkī, kīla-kyasla, gīkumī; la mīzik‐īduk.

50Lī Jesus nīk yuk, ādē, māsīs gāga‐ḵītla? wa gāḵ dāḵwī, la uḵ‐āklilūd sīs āyasūk dāḵw lāk Jesus, kās dāh‐īdik.

51Wa dok, numūq lāk dāḵwā kapētlūt dēs Jesus sāh‐īd sīs āyasū, kās nīk‐wutl‐zū dī ḵīs qīḵāyū, kās qīḵ‐īdī ḵā hīlūbātl zanā‐ya sa gīkumā‐yī priest, lāwē masuḵ puspa‐yaus.

52La nīkī Jesus āk, īt‐zūda tsūs qīḵāyau kūs lāḵōḵ klās‐tsa wāsāḵs: kā ī da nawhē uḵīd ḵā qī‐ḵāyū hī um gāyālas klī da qī‐ḵāyū.

53Nīnkī‐kulā sin la kīyos qīh‐īda as hawāḵ‐ula ḵun Umpa ā, lā klī yālākā‐kl kā yāklau gāḵun kēkāwā yas kukla skum gūs tau lūḵsumk‐īd angels a?

54Wa wīk‐īda zau tā klī aula‐as kla sa Bible, kīsā lasa īḵ īs hī qēlī?

55Hī mīs lāk dums nīkī Jesus ā ḵā bī‐baqānum, gāḵ dāḵwa ā kūs hī qīx ī da lālūklē ḵā galū‐klīqī dālā ā kūsā ḵwā qi‐qīḵāyūḵ yiḵs gāḵa ā kūs uḵ gāḵun? qākē lītl nāwhā mīk da gin klūtl ḵōḵ nī‐nālāḵ kākoklā mas lāḵā temple, kīs dāḵw dāk dis uḵ gāḵun.

56Gyēstā mīs lā qātlik, kā aula mī sī gātāyā sa prophets wotla: wa la wīlā mī da disciples bos, kās hītl‐tsa wī.

57Wa yik dāḵwī da dāh‐īdēḵ Jesus wātilāk kās lēs lāḵ Caiaphas ḵā gīkumā‐yī priest, yiḵ la āwīl‐kautla ā tsa scribes gla wī da qulsqulyāq.

58Lā tā Peter laskum‐īk qīsāḵ klīk lāga ā mīs lāḵ gūqa sa gīkumā‐yī priest, la‐īkl mīs, kās qāgā‐lītlī gla wa hī‐hīlūbātl‐zanā‐yī, kās doqilī ḵā wulbī kla.

59Wa lī da gī‐gakumā‐yī priests, glū nāwhī da dī‐dādalītā‐īnūḵ, ālē kā klīlqāla kā Jesus, kāk dāḵws tlilā masīk;

60Kīyos tā khā sūs: wāk ma ā glatl kīnum ī da klī‐klīlqāla gāḵā: gāḵī da mālūqā ḵā la ātlilḵs‐dayā,

61Nīkya, nīk gada baqānum‐gāḵs, klīh‐īdā mas mī lāḵ gāḵ temple as God, kās ītūs‐tūlsā mas īk lāḵ yūdūh wuḵ sē nāla.

62Lī da gīkumā‐yī priest glā‐ḵwilītl, kās nīkīk, kīsas nanāḵmīḵ gā wātldum gyas gada lūtl‐a?

63Au mī sī Jesus kwī‐klātla: lī da gīkumāyī priest nānāḵmī nīk yuk, lamun tloqā‐lūtl asa qilā‐īsa God, kās nīkya ūs gāḵunūh kīsa sū mī da Christ, yiḵ Kwanūqas God.

64Lī Jesus nīk yuk, la ums nīk yis: aulin nīk yūtl, ḵā qēlā kla ḵā doqilā‐kl tsīḵ Kwanūqa sa baqānum qātla lāḵ hītl‐kyūtl‐zanē sa kīsa a‐ūmps, gāḵ‐kl lāḵā unwāya sa īkī.

65Wa lī da gīkumā‐yī priest qāp‐īd ḵīs qītl‐qēla, nīkya, yākpāḵ‐stūḵ God; mā zints āḵītl kla wutl‐um laḵwā kī‐kōklālēq? dok, lāk dāḵw ums wudklilā koḵs yākpāḵsta īḵ.

66Mā zūs nī‐naukā‐yāk? lāk dāḵw nānāḵmī nīkya, ēk‐yūḵ lāḵ tlilī.

67Wa lāk dāḵw qīqista‐kumāk, glū miyhāk; lī da wa‐oq klakluḵsta‐kumāk.

68Nīkya, nītlā las gāḵunūh, yūtl Christ, ungwī da klakluḵsta‐kumē ūtl?

69¶ La tā Peter qa‐ītl lāḵā klāsazī‐lītl; gāḵī da zadāk lāk, nīkya, sū umḵād kapētlakt glū Jesus ḵā Galilæan.

70La tā hīwhā kāk dāḵwī nāwhā, nīkya, kīsin kauklilāḵs watldumā kūs.

71La lāwilsila‐īkl lāḵā klāsānau‐yī diyhilā, la doqitl tsa ogwila zadak‐ā, la nīk ḵī da hīk dāḵwī lī, ga um ḵā ā gada baqānumk kapētlakt glū Jesus as Nazareth.

72La ītīd aulas hīwhā, kīsin kauklila ḵā baqānum.

73Hītl‐awīgī tā ḵīk gāḵ dāḵwā ī da glāḵwīmītlī lāk Peter, kās nīkīk, aula zau ums gāyūtl lāk dāḵwuk; kā ūs yākundas ā kūs‐āḵs mātltīqā masa ā kūtl.

74Wa lā wutl‐um yākpāḵ‐stāḵs hīwhā ī, nīk kīs kauklilā ḵā baqānum: nawhēgī bīdū tīḵs lā ī da kākā‐o kākā‐o qagātla.

75Lī Peter gīgāīḵ‐āklilāḵ wātldumk dēs Jesus, ḵā nīkī, kīs mī klasī da kākā‐o kākā‐o qagātl‐kl, lā tā klis yūdūh pun zāqā‐kl hīwhākl gāḵun: la lāwilsa, kās lē aulas qāsa.

Currently Selected:

Matthew 26: Kwak

Highlight

Copy