Matthew 25
25
1Hi mīs lāk dum klisā īkē awīnāqīs numā‐yhizum‐kl gla wa nakoqī kīkyayāla, yiḵā uḵ‐īdik dāḵwā ḵīs husmāk nī‐nīgwāzē, kās lē kākā‐yālā ḵā tlāwunum‐kl.
2Sikyoq tī da nīs‐nanūlū lāk, la mīs sikyoqī da nī‐naukādī.
3Kā ī da nīs‐nanūlūḵs uḵīda‐ā ḵīs nī‐nīgwāzī, kīs tā uḵ‐īdik dāḵw kās nīq‐zau:
4Lā glā tī da nī‐naukādī uḵ‐īd ḵā nīq‐zau kās quḵ‐zū dis lāḵīs klīna‐āzīk dāḵw, kās lī dālāk gla wīs nī‐nīgwāzīk dāḵw.
5Wa yiḵ kīs dum as gāḵī da tlāwunum‐kl, lāk dāḵw nāwhā um baqutlila lā mīḵ‐īda.
6Gil mīs nakī‐gāyā lā wudglitlī da hāsilē, nīkyāla, doḵā tlāwunum‐kl; halā‐gyik dāḵw la kākā‐yālāk.
7La glāḵ‐wīd nāwhī da kīkya‐yāla, kās hītl‐īdik dāḵwī ḵīs nī‐nīgwāzī.
8Lī da nīs‐nanūlū nīk ḵā nī‐naukādī, zaw lā yhinūh lāḵūs nīq‐zau yā kūs; kā gānūh nī‐nīgwāzī gāḵs līk ulāk kyilḵ‐īda.
9Au mī sī da nī‐naukādī nānāḵmī, nīkya, kīsunūh; ā klak kīs hītl‐ālāḵ kā‐unūh glū kās: hīk dāḵw lā la ā sī da lāḵulē, kās kilwhā ūs kās uḵ‐dāḵwūs.
10Yiḵ lāk dumk dāḵwas gētlāḵs lā ī kilwhā, gāḵī da tlāwunum‐kl: wa lī da kīkya‐yāla ḵā lā qātlatla la‐īkl gla wī lā ḵā qīlazas: lī da diyhilā kimyā‐āqā.
11La ātlā‐kāwī gāḵī da ogwila kīkya‐yāla, nīkya, Gīkumī, Gīkumī, uḵs tū da kā‐unūh.
12Au mīs nānāḵmī nīkya, aulin nīk yūtl, īsin mātltē‐lūtl.
13Kākā‐lālāla kā īk: kāk dāḵwuḵs kīsa ā kūs kauklilāḵ nālā īnī klasī kīs ḵād kauklilāḵ wāḵā‐zā kīlas kla sī.
14¶ Kā ī da īkē awīnāqīs hē ī qīx ī da baqānum bō sīs gūq, klīlālā ḵīs hī‐hīlūbātl zanā‐yī, kās zawē sīs māmīkyas lāk dākwuk.
15La zaw ḵā numūqa sa sikyā talents, lī ḵā numūqa sa mātlī talents, lī ḵā numūqa sa numī; hīstā um wāḵā lāḵā nāwhā baqānum īs ēgilwātātla īnāyī; hīh‐ida mīs la kās‐īda.
16La tī da zaw sawā sa sikyā talents lā kūsas, la qēnumā ḵā ogwila sikyā talents.
17Hī um ḵa ā wīs qīh‐īdī da zaw sawa sa mātlī, la ogwāk qēnumā ḵā ogwila mātlā.
18Lā tī da zaw sawa sa numī lā lāpā‐līsā ḵā awīnāqīs, kās qalātl‐īdīḵ dālē sīs gīkumā‐yī.
19Hī tā lā kētlā‐ḵs gāḵā ī da gīkumā‐ya sa hī‐hīlūbātl zanā‐yī, la hūs‐īd glūk dāḵwī.
20Yiḵī da zaw sa wotla sa sikyā talents gāḵ sa ogwila sikyā talents, nīkya, Gīkumī, za‐wotl tsī da sikyotla talents gāḵun: doḵ, lamun qenumā ḵā sikyā talents ogwila lāk.
21La gīkumā yas nīk yuk, la ums hītlā ḵā, yūtl ek kīs klīqis hīlūbātl‐zanī: ekya ā kūs aāḵsīlā ḵā hūlatl bīda‐wī, lā klin aāḵsīlā mas klū‐kl lāḵā kīnumā: la‐īkl laga lāḵ ekīkulā lazē sīs gīkumā‐yūs.
22La ogwākī da zaw sa wotla sa mātlī talents gāḵ lāk nīkya, Gīkumī, za‐wotl‐ts gāḵun kla sa mātl talents: dok, la mun qēnumā ḵā mātl talents ogwilā lāk.
23La gīkumā yas nīk yuk, la ums hītlā ḵā, yūtl ēk kīs klīqis hīlūbātl zanī: ekya ā kūs aāḵsīlā ḵā hūlatl bīda wī, lā klin aāḵsīlā mas klū‐kl lāḵā kīnumā: la īkl laga lāḵ ekīkulā lazē sīs gīkumā‐yūs.
24Wa gāḵ ogwākī da zaw sa wotla sa numī talent nīk yuk, Gīkumī, kauklilā mī gin klūtl klāḵs naukāda ā kūs baqānuma, kīklilī sa ā kūs lāḵīs kīs dūs zāmā‐sa, glūḵs kapē ā kūs lāḵīs kīs dūs gwīla sa:
25Lotl tin kitlilā, lā‐gītl din qalā kla ḵūs talentīḵ lāḵā awīnāqīs: dok, uḵ lagāq hūsmūḵ.
26La gīkumā yas nānāḵmī nīk yuk, yūtl yāksum kumzuḵ‐gl hīlūbātl zanī, kauklilā ma ā kūs‐āḵ gin kīklilī sīk lāḵun kīs dī zāmā‐sa, glūḵ gwun kapēk lāḵun kīs dī gwīlasa:
27Ek lāḵs da sū kāsū lā gīgā‐lītla sin dāla lāḵā dāla‐īlas, lā lāḵs din lāḵun gāḵ īnāyī ītū‐tl ḵun nūs mī dāla glū ginwūlum āk.
28Wa kā īk uḵ‐īdā ḵwā talent‐īḵ lāq, kās zaw ūsā sūḵ lāḵā uḵnū‐gwādē sa lastū talent.
29Kā ī da nāwhē uḵnū‐gwāda sa kīnum zaw sa wī kla, lā klī kīkayādi‐kl: lā tī da kīsa uḵnū‐gwādā, uḵ‐īd sū klī lāk glū mī da wāh mī uḵs.
30Zukūdik dāḵw lāḵā kīyosī qēnum hīlūbātl zanā‐ya lāḵā padikilā klāsanau‐ya: hī mīs lā‐kl qāqā‐saulās klī glū kinkyā‐taulas klāḵ gīgī.
31¶ Wa gil um‐kl wīsī da Kwanūqa sa baqānum gāḵ‐kl lāḵīs ēgālazē, glū nāwhīs angels sa gāḵ‐kl gla wī, wa lā klī qātla‐kl lāḵīs qāk‐dumē lāḵīs ēgālazē:
32Lā klī kapīkum līsilā‐yū klī nāwhā līlqalāklī lāk: lā klī wāwāxa‐ākulā kluk, qīgīlasa sa aāḵsīlē ḵā lāmādōḵs wāwāxa‐ākula ā ḵā lāmādō gla wa goats:
33Lā klī qāqayā kula‐kl tsa lāmādo lāḵīs hītlgūtl zana, lā tā klī sa goats lāḵīs kumḵotl zana.
34Wa lā klī da King nīk kla ḵī da hī lī hītlgūtl zanēs, kīlāgā, yūtl blessed tsūk dāḵw sin Umpa, uḵ‐īdagā ḵā īkē awīnāqīs qāqutlīla yā kās gēhīd lāk gilgālīs dum otla sa awīnāqīs īḵ:
35Kāḵ gin poskā otlik, lāk dāḵw wotl‐ts zaw gāḵun kun hamāya: nākīḵsdā otlik, lāk dāḵw wotl‐ts zaw gāḵun kun nāḵ‐īd tsa wa: līlā‐qumā otlik, lāk dāḵw wotl‐ts da‐īkla gāḵun:
36Kānāla otlik, lāk dāḵw wotl‐ts kūḵ‐zūd gāḵun: zih‐kā otlik, lāk dāḵw wotl‐ts gāḵ doqā gāḵun: walītla otlik, gāḵ dāḵw wotl‐ts gāḵun.
37Wa lā klī da ēsakī nānāḵmīk, nīkya, Gīkumī, wī lāq zau nūh doqil‐ūtl poskā, la humgīlūtl? gla wīs nākīḵs‐dik dumā ūs, la nākā mas ūtl?
38Wī lāq zau nūh doqil ūtl līlā‐qumā, la da‐īklūtl? glū ḵānālā, la kūḵ‐zūd ūtl?
39Wī lāqī ḵā unūh doqil ūtl zih‐kā, glū walītla, ḵunūh gāḵ dumā lūtl?
40Lā klī da King nānāḵmī nīk dāḵwuk, aulin nīk yūtl, klāḵs gilk dāḵw mīk dē kūs hī qīgīlas lāḵ numūqā lāḵā wāk mī halīkī sin nātlnumwiyūtī, qīgīla tāk da sīts gāḵun.
41Wa lā klī nīk kla ḵī da hī līs kumḵotlzana, qīdā gāḵun, yūtl cursed, lāḵī da hīmanī sa yhīkula, ḵī da qāqutlī lāqā kā Satan gla wīs sāsuma:
42Kāḵ gin poska otlik, kīs dāḵw wotl tās zaw gāḵun kun hamāya, nākīḵsdā otlik, kīs dāḵw wotl tās zaw gāḵun kun nāḵ‐īd tsa wa:
43Līlā‐qumā otlik, kīs dāḵw wotl tās da‐īkla gāḵun; ḵānāla otlik, kīs dāḵw wotl tās kūḵ‐zūd gāḵun; zih‐kā otlik, glūḵ gwun walītla otlik, kīs dāḵw wotl tās gāḵ doqā gāḵun.
44Wa lāk dāḵw klī ogwākā‐kl nānāḵmī‐kl, nīkya, Gīkumī, wī lāq zau nūh doqil ūtl poskā, glū nākīḵsdā, glū līlāqumā, glū ḵānālā, glū zih‐kā, glū walītla, la kīs aāḵsī‐lūtl?
45Wa lā klī nānāḵmī kluk, nīkya, aulin nīk yūtl, klāḵs gilk dāḵw mīk dē kūs kīs hī qīgīlas lāk numūqī lāḵā wāk mī halīkīs gada, kīs dāḵw dik tas hī qīgīlas gāḵun.
46Ga mīs lā‐kl lāḵā hīmanī sa kīlāgāyū‐kl; lā tī da ēsakī lā‐kl lāḵā hīmanīsa qilā.
Currently Selected:
Matthew 25: Kwak
Highlight
Share
Copy
Want to have your highlights saved across all your devices? Sign up or sign in
Historical texts first published by the British and Foreign Bible Society 1882-1897. These texts were digitised for the Canadian Bible Society.
