Luke 8
8
1Wa la nahwegī kīḵs la ī lelelāgilīs lā‐ḵā gūqgagwīs, glīḵs‐āla glū gāḵ sa ek zikiālum sa gīkāsa sa Ike Gīkumī; numī‐maul gla wa mālūgwagīyū.
2Hī mī sa zīdāk, yiḵā la ek‐īdā matsū lāḵā yāksamī naukayā gla wa yegūlum ī, Mary yiḵā glīkulā sa was Magdalene, gayūtl za wa sa aglabū demon, la lāwe.
3Hī mī sī Joanna yiḵ kunum as Chuza aāḵsīlilgis as Herod, hī mī sī Susanna, gla wa kīnum wa‐ūqā, yiḵī da aāḵsīla lah dāḵwuk yisī da gāyūtlī lāh dāḵwuk.
4¶ Gāḵī da kīnum bībagwānum kāpīkau lāk gāyūtl lāḵā nāhwā gīgūgagwīs, la yākagatl sa nīk‐damā lāh dāḵwuk.
5Yiḵā dsimīnūḵ lā kās zimī sīs zimza‐īmas: la zimā, lī da wa‐ūq qupālīs lāḵā kāyās; la tīpā‐sawā, lā ḵā ī da pīpāklūmasa sa īkī humh īduk.
6Lī da wa‐ūq qupāklil lāḵā tīsum; wa gil mīs qāḵ‐īda la hwils‐īda, ka īḵ kīyosa ī qunkā.
7Lī da wa‐ūq qupakā ḵā kukunī, lī da kukunī qāḵ‐īd gla wī, la tākiau‐numā.
8Lī da wa‐ūq qupālīs lāḵā ek awīnāgwīs, la qāḵā, wa gāḵī sa nūnawīmas lākindī gind: wa gil mīs qilbā mas nīk sīk, la hāsil nīk, yiḵī da puspayū nūqā kās wuklilī, wīgā hyī wuklilā.
9Lī kīkākūklā matsawas wuklak, māsī qībā tla ā sa sūḵ da nīk damāḵ?
10La nīkiā, la um glas zaw sū kas kauklila ūsā ḵī da tlā‐unūsa sī da gīkāsa sī da Ike Gīkumī: la mīs glā glī da wa‐ūq nīk sū sa nīk‐damā; kās wāh mī dūqila, la kīs dūqila, wāh mīs wūklila, la kīs ayūsila.
11Wa ga um qībātla āts gāda nīk‐damāk: yiḵā zimza‐īmas hī mī wātlduma sa Ikī Gīkumī.
12Yiḵī da hī lī da kāyās hī mī da la wuklila; wa gāḵī da lāyāp, kās uḵ‐īdī ḵī da wātldum lāḵ naukī‐h‐dāḵwās, kā kīs dāḵwī lāḵs ūqisa qākutlā ī qāqila āq lāḵ.
13We yīḵī da hī lī da tīsum hīh dāḵw mī da, yiḵs lāh dāḵwa ī wuklilā, dādāla ḵā wātldum ek‐kusulā; wa ga mīs kīyos klūpukig, hī mīs yāwās īd ūqis ī, lā ḵa ā ḵī da tlālaī‐kulah dum la ītāḵā.
14We yiḵī da qupakā ḵā kukunī gā‐hdāḵw mī sī da la wuklila, wa yiḵs lāh dāḵwa ī hayūtlil, lāh dāḵw tākiau‐nums awīlilkula glū kīkūmgīlākā yū mī sūḵ ek‐kusila yauḵs bagwānum, la kīyos gāḵ nūnawīmas nākum zau matsūs.
15Wa yiḵī da zimgālīs lāḵā ek awīnāgwīs, ga um hī qīx ī da ga‐īs ī lāḵā kīyos ī klīqī ek naukayā, la um wuklila ḵā wātldum, dātla ulātlāk, gāḵā mas ḵā nūnawīmas kīs autl‐bāla.
16¶ Wa kīyos tā bagwānum, yiḵs lā ī mīhyitūd ḵā nīgwāyū, kupsum‐duk, glū uḵābū‐lītlas lāḵā ga‐īlas, uḵāklilūda‐āglāts lāḵā nīgwayū h‐dumā, kāh dāḵwī da la īklī dūqilī sī ḵā qukātlā.
17Kā īḵs kīyos tāyātla, ḵā kīs klā nītl‐īdā mātsū‐kl, kīyos ḵād qulāklatla, ḵā kīs kla k̤ālā‐gīlā mazum‐kl kās gāḵī lāḵ qukātla.
18Wa yāklau‐h‐dāḵw la ḵīs wuklilātlā īnāyūs; kā īḵs hī ma ī da uḵnūgwāde, zaw sū‐kl; wa yiḵī da kīs uḵnūgwāda, uḵ‐īd tsū klī lāk ḵī da wāh mī wūtl‐um nīnkīkīs uḵā.
19¶ Wa hī mīs gāḵ dums abump as gla wīs nātl‐numwiyūt, wa kīyos dāḵw tā qīhīda āts lāk, kā ī da tākiāpī.
20Wa la mīs nīlum lāk, yiḵ abās glū nātl‐numwiyūt glāh glosa, dūqīḵs‐dūkl.
21Aū mīs nānāḵmī nīk lāh dāḵwuk, hī mun abump glū nātl‐numwiyūt gada wuklila gāḵ wātluma sa Ike Gīkumī, glū hi qīgīlī.
22We lāḵā numḵ‐sa nālā, yiḵs lā ī lāḵs lāḵā sākilīs, yik gla wīs kīkākūḵlā matsa wī: la nīk lāh dāḵwuk, wīhyints lāḵā upsūtaḵ sa zalātlīḵ: lāh dāḵw wīḵwstunda.
23Wa yiḵs lāh dāḵwa ī yāwāpiyāla la mīḵīda; wa gāḵ gāḵstāgaā klā yīda awīla yaula lāḵā zulātl; wa lāh dāḵw kūta nāqila ḵā wāp, la um ūzālagi kla yā.
24Wa gāḵ dāḵw lāk, nīga‐tauya, Ade, Ade, la munts tlekia: la zihīda, la klūwil gātl ḵā yaula gla wa tūhwe sa wāp ī; wa la ās qātla la k̤imā‐kula.
25La nīk lāh dāḵwuk, wīzī līs ūqizā‐laze ūs? Wa lāh dāḵw kitlila ḵunyās‐īda, nīnākiaula, māzī bagwānum īnī gās gada, ḵwā weḵe ḵwā yaulāḵ gla wa wāp īḵ, lūḵ nānākīgīq?
26¶ Wa lāh dāḵw lāga ā‐klila lāḵā awīnagwīsa sa Gerasenes, yiḵ nuḵkiūtas Galilee.
27Wa gil mīs gāḵ lotl tau lāḵā awīnāgwīs, hī mīs la nākūwā tsa numuq bagwānum gla wī gāyūtl lāḵā gūqila, yiḵā uḵnūgwāde sa demons, kītla la kīs kūḵzaulaḵ qītlqela, kīs ḵād la gūqāhyila īnūḵwā, au um hī li da dīdigiyā.
28Wa gil mīs dūḵ‐wāklilāḵ Jesus, la qākla gātla, la yāḵ‐wālīs lāḵ nukumālīs as, la hāsil nīkia, mā zin klūs Jesus, yūkl Ḵwanūq sī da Hīnūme Ikiāla Ik Gīkumī? hawāḵ‐ulin klūkl, qālā tlālawūtlilā mas gāḵun.
29Kā īḵs weḵa ā ḵā kīsī hīlūmas demon kā gāḵīs gāḵau lāḵā bagwānum: kā īḵs hīmunātla mīh dī dāh‐īduk: kās kākālālā sa‐wī, yigluq sa kulkahyaula gla wa dunum; a‐utlzālā mas ḵā yiglum wāhsāmīs tālāk, k̤imyāḵs‐dī sū sa demon lāḵā lūblabīs.
30Lī Jesus wuklāk, māsīs glīkum ā? La nīkiā, Legion; kā īḵs kīnum a ī da demon lālākā lāk.
31Wa lāh dāḵw hawāḵ‐ulāk kā kīsīs weḵāk kās les lāzau lāḵā wāwunkunūtl.
32Lā tā kīnum ī da gwasū hī gāḵ lī humāp lāḵā nuge: lāh dāḵw hawāḵ‐ulak kā wāḵīs hīlūmāk la lālākā lāh dāḵwuk, la mīs hīlūma umk.
33Wa gāḵī da demons gāḵau lāḵā bagwānum, kās le lālākā lāḵā gwasū: lī da gwasū wīlā um qūmhyāḵā lāḵā tsītātla hīstāla ḵā zilātl, la wīla um wīhyina‐līsumā.
34Wa gilh dāḵw mī sī da humgīlāh dek dūḵ‐wāḵlila ḵā qīh‐īda ās, lāh dāḵw hītltsau, la nītlas lāḵā gūqila glū lāḵī da ātklāla.
35Wa lāh dāḵw lā‐wils kās le dūḵwī‐duḵ qayūh dāḵwas; wa gāḵ dāḵw lāḵ Jesus, lāh dāḵw dūqila ḵā bagwānum, yiḵā uḵūda ā sa ḵā demons qātlā, kūḵzaula, lā ḵād nākumzau, lāḵ gūgwayaus Jesus: lāh dāḵw kitlila.
36Wa yih dāḵw ḵī da dūqilek nītlāh dāḵwuk qīh‐īda ā sa sa uḵnūgwādih‐de sa demons la ī ek‐īdā matsawā.
37Wa nāhwā mī sī da līlqilāklaya sa awīnāgwīs awīste sa Gerasenes uḵ‐kiālāk, kā lā‐lagīs boh dāḵws; kā īḵs lāh dāḵwa ī wālas kitlilās: wa la laḵs lāḵā sakilīs, kās aīdaākī.
38La mīs glī da bagwānum yiḵ gāyūtl zawa sa sa demons hawāḵ‐ulāk kā kupetlīs gla wī; au mīs yalāḵ‐īduk, nīkia.
39Itsīstā laga lāḵīs gūqa ūs, nīkia ūs as wālāyasas qīh‐īda ā sa sa Ike Gīkumī kās: wa la mīs laḵīs qīyūtlilas, k̤ālāgīla wīlā ḵā gūqila wālāyasas qīh‐īda asas Jesus kā ī.
40¶ Lī Jesus aīdaākā, kīlakias ḵā sū sa kīkakaula: kāh dāḵwuks nāhwā ma ī nākiātlāk.
41Wa doḵ, gāḵā bagwānum glīkādis Jairus, aāḵsīlī ḵā kāpīkawāzī: la huḵwālīs lāḵ gūgwayaus Jesus, kās hawāḵ‐ulīk kā gāḵīs gāḵītl lāḵīs gūq:
42Kā īḵs ḵwungwāda ā sa numūq mī zāzādākum, le‐ḵunt mātl‐unḵagiyū‐gwīlīs la wāwāsdum, lā tā kulqātla wāwīpā: gil mīs lā qīyūtlil lāk, la tākiāpā sū sa kīkakaula.
43Lī dā zidāk yiḵā lā wāwelasū sa ulqā la mātl‐unḵagiyū‐gwīla, yiḵā la wīlāḵā sīs ḵāklāḵāwī lāḵā pīpatīnūḵ la kīyos qīhīda as hītl‐īda matsūs numūqā,
44Gāḵ lāḵ awīgayās, kās glaubālīḵ īwunḵayās qītlqeles: wa hīh‐īda mī sī da wāweles ulqes kiūtl‐īda.
45Lī Jesus nīkia, ungwī da glaubāle gāḵun? wa gil mīs nāhwā um hīhwā, lī Peter nīkia, Gīkumī, ḵwā kīkakaulāḵ tākiapūkl lūḵ māk‐āklilūkl, las nīkia ungwī glaubāle gāḵun?
46Au mī sī Jesus nīkia, glaubāla su zau mun kla sa numūqā: kāḵ gin wunātlilā mī gin klā ḵā tlāhwāyā la lāwē gāḵun.
47Wa gil mī sī da zidāk dūḵ‐wāklilāḵs kīsa ī tāyatla, gāḵ ḵwunāla, la huḵ‐wālīs lāḵ nukumāyas nītla sīs glaubāla gītlāk wuglitl tsa nāhwā bagwānum a, gla wīs hīhīda īnī um hītl‐īda.
48La nīk ḵā zidāk, Ḵwanūq, ḵīs ūqizālazī yūs hītl‐īdā masū‐kl, hāgā ek umḵ.
49Yiḵs yākuntāla ma ī, hī mīs gāḵ‐ātsa numūq gāyūtl lāḵ gūqā sa aāḵsīle ḵā kāpīkawāzī, nīkiā, la mīs ḵwanūqa ūs tlilā, qātlas yewīnāla ḵwa Kākūklā‐mas īḵ.
50Au mī sī Jesus la ī wūklilāk, nānāḵmīk, qālā kitlil: au umā ūqis uḵ, lā klī hītl‐īdā matsū‐kl.
51Wa gil mīs gāḵ lāḵā gūq, la kīs hītlkālāḵ numūqa bagwānum la‐īkl gla wī, hīgāmī Peter, glū John, hī mī sī James glū ūmpa sī da zāzādākum glū abump as.
52La um nāhwa qāsa lāgwātluk: au mīs gla nīkia, qāla qās; kā ūḵs kīsa īḵ tlilā, au mūḵ mīḵā.
53Lāh dāḵw dāsdātlas, kauklila um kīḵs la mā ī tlilā.
54Au mī sī dāh‐īduḵ āyasaus, lāqagātl, nīkia, zāzādākum, glāḵ‐wīd.
55Wa gāḵī bah‐wanāyas hwīlākā, la hīhīda um glāḵ‐wīdā, la weḵā kā zaw sa wīs, kā humh‐īd sūs.
56Lī gīga‐ūtl‐nūqas ḵunyāsa: au mīs hayāklūlā lāh dāḵwuk kā kī‐sīs nītlā sū nūq lāḵ bagwānum yisa qīh‐īda ās.
Currently Selected:
Luke 8: Kwak
Highlight
Share
Copy
Want to have your highlights saved across all your devices? Sign up or sign in
Historical texts first published by the British and Foreign Bible Society 1882-1897. These texts were digitised for the Canadian Bible Society.
