Luke 9
9
1La klīlātlū ḵā mālū‐gwa‐gīyū, la zaw lāh dāḵwuk sa tlāhwā‐yī kās tloqīmasī lāḵā demons, glū kās hītlīḵ zīzāhkūlum.
2La yālākāh dāḵwuk kā les zikiātlila sa gīkāsa sa Ike Gīkumī, glū kā hītlī sī ḵā zihkā.
3La nīk lāh dāḵwuk, qālā uḵ‐īd sū nūq kā īs lāīnī klūs, kīs sīkiākānū‐wākulā, kīs ḵād klābātā‐kula, kīs ḵād qāquhwsumākulāḵ, kīs ḵād dālā ā‐kulāḵ; qālā hyī ḵād malākulāḵ dādāzawāqā.
4Wa yiḵ gūqīnāya sis lā‐īglā sūs, hī mī sis lī, wa hī mī sis gāyūtl zauḵs lā īḵ.
5Wa yiḵ wāḵa ā sa sa kīs dādālūkl, gil mī sis bo sa gūqila kyitlūdā ḵā tukia lāḵīs gūgwa‐yūs kā nītlā yih dāḵws.
6Wa lāh dāḵw, la lālāh saul lāḵā gīgūq ga‐gwīs, zikiātlila sa ek zikiālum, hītlāḵsīla lāḵā nāhwā.
7¶ Lī Herod ḵā hānāgazī wūklilā ḵā nāhwā la qīh‐īda ās: la ḵūmulkulā kā īḵs nīk sū īnāyī yisa wa‐ūq, yiḵs lā ī glāḵ‐wīdī John lāḵā tlilī.
8Lī da wa‐ūq nīk kīḵs nītl‐īda ī Elijah; nīk ḵa ī da wa‐ūq kīḵs numūqa ā lāḵā prophets wūtla qilāh‐īd itīda.
9Lī Herod nīkia, lāh īda mī ga glin kāhīduḵ John, lā glā zau tū ungwūḵ da, wuglitla kun qayau? la dādūḵ‐wāklila āk.
10¶ Wa ḵī da apostles gilh dāḵwa ī hwīlākā nītlāk yisīs lāh dāḵw qīgīlas da: la uḵ‐īdih dāḵwuk kās qestī lāḵā gūqila glīkādis Bethsaida.
11Lā glā tī da kīkakaula dūqilāk, lāh dāḵw lāskum īk: la mūlas, kās yākugātlī lāhdāḵwuk yisā gīkāsa sa Ike Gīkumī, la hītlā ḵā nīkī kās hītlā sa wī.
12Gil mīs zāgwā‐nāqila, gāḵa ā sī da mālūgwagiyū, kās nīk yik, yālākā lagā ḵwā kīkakaulāḵ kā lālāgī sūḵ lāḵā gīgūq‐gagwīs gla wa awīstālīs, kās qālās, glū kās uḵīḵ humāyā: kāḵ gints yū wig lūḵ da lūbīs īḵ awīnāgwīsa.
13Au mīs nīk lāhdāḵwuk, zawhdākw lāq kā hume sūḵ: lāhdāḵw nīkia, au zau umk sikiā skum gints qunīqig glū gwāda mātlig māmaīmasa, hī ga um kuntsū lā lāḵ kilhwā lāḵuḵ humāyā kā ūḵ da bībagwānumḵ.
14Kākdāḵwuḵs sikiā puna ī lūḵsumhīd bagwānum a: la nīk ḵīs kīkākūklā matsa was, qāgalīsā mas la gāq, kā sīsikiā skum gūstawī sūḵ lātlūḵwīsā.
15Lāhdāḵw hī qīhīdī, la qāhīdā masuk nāhwā.
16La uḵīd ḵā siḵiā skum qunīq glawī da mātl māma‐īmas kās dūkūstaulī ḵā īkī, la mūlas kās wukiek, la zaw ḵā kīkākūklā matsa wī, kā les kiāhīdis lāḵā kīkakaula.
17Lāhdāḵw humhīda, lāhdāḵw pūtlīda: hī mīs la uḵīd tsa wī humgīsāwīk dāḵwas mātl‐uḵklagiyū luḵāyā.
18¶ Gil mīs la hīga īs hawāḵula numī maula mī kīkākūklā matsa wās gla wī: la wuklā hdāḵwuk, nīkiā, ungwā ḵulasawun kla sa kīkakaula?
19Lāhdāḵw nānāḵmī nīkiā, John ḵā Baptist; lā glā tī da wa‐ūq nīkiuḵs gāyūtla īḵ lāḵā pīprophets wūtla gāḵ ītālīsa.
20La nīk lāhdāḵwuk, lā tās ungwā ḵulā hdāḵw gāḵun? Lī Peter nānāḵmī nīkiā, sū um Christ yisa Ike Gīkumī.
21La mīs tloqāla, hayāklūlā‐hdāḵwuk kā kīyos daḵwīs nīlā tsīk lāḵ bagwānum;
22Nīkiā, yiḵ Ḵwanūqa sa bagwānum kīsā las kīs tlālāwūtlila lāḵā kīhīdātla, glū kās yākmūdum ī sa qulsqulyāq gla wa gīgakumāyī priest hīmīsa kīkiātīnūḵ, glū kās kīlagaqī‐kl, lā klī ītūstaulīs klā ḵā yūdūhw pun hwās klā.
23La nīk ḵā nāhwā, gil mī klasī ungwe bagwānum gāḵsumāya‐īḵsdikl gāḵun, wīgā hyī kīs‐ḵulā qilīx‐um ḵīs bagwānum īnāyī, kās dāhīdī ḵīs kayūyaula ḵūḵ nīnālāḵ, kās legāyī gāḵun.
24Kā ī da ungwā kla awīlā gīlā‐kl ḵīs baqīnāyī hyisā mas klīk: yiglā ḵī da ungwā kla wākmūtā ḵīs baqīnāyī kā un qāqilaāqilā klīk.
25Kāḵs māsa ī qenumā sa bagwānum kū wīlūkl lāḵwā awīnāgwīs, kās le hyisā mas glū kās wāhmūtā mas mī laḵīs bagwānum īnāyī qilīxmā?
26Kā ī da ungwā kla mākzā klin gla wun wātldum ī, hī mīs mākzūlum klisā Ḵwanūqā sa bagwānum, kū gāḵ‐kl lāḵīs husmākī egālazī, gla wī da egālaze sī da Umpa, glū uḵā sa angels.
27Lā glā tin nīkiū‐kla sa aula, yiḵūḵ da wa‐ūqāḵ lāḵwā glāḵwātleḵ lāq, yiḵwā kīs klāḵ puḵ‐āklilā kluḵ wānumgīlā, kū lā‐kl dūḵwāklilā kluḵ gīkāsa sa Ike Gīkumī.
28¶ Lā mātlgwanātl pun hwasa āgūtla nīkia, la uḵīduḵ Peter glū John hīmīsī James, kās le lāgūstau lāḵā nuge kās hawāḵulī.
29Wa yiḵs lā ī hawāḵulā lī kūqīlāyas klāyūgwiklilā, lā ḵā ī qītlqeles mulhīda zulīkulā ḵād.
30Wa doḵ, hīmīs la ya‐īkuntālā tsā mālūq bībagwānum gla wī, hīmī Moses glū Elijah:
31Yiḵā nītl‐īdī lāḵ egālazī, la wātldum nūq sīs lāīnī tlilūgwī‐kl lāḵīs lāīnī‐kl lāḵ Jerusalem.
32La mīs gla Peter glūhdāḵwī wa‐ūgwīsas la māmīḵamāla: gilhdāḵw mīs gla zākyihīdā lāhdāḵw dūḵwāklilāḵ egalazes, gla wī da mālūq bībagwānum glāḵwātla gla wī.
33Wa gil mīs bo nāqilah dāḵws, lī Peter nīk yiḵ Jesus, Gī, ekia ī kā unts kunts yū wī lūḵ: wa wīgā hyinūh uḵīduḵ yūdūhw sumā yī‐yāwāpsumā, numā kās, glū numā kā Moses, glū numā kā Elijah; kīs kauklilā ḵīs wātldum.
34Wa yiḵs lā ī nīk sīk, gāḵā ā sa unwayī teskumdihdāḵwuk, lāhdāḵw kitl‐īd yiḵs lā ī atluksum sū sa unwāyī.
35Gāḵā ā sa nīkiāle lāḵā unwāyī, nīkia, ga mun Ḵwanūqig qayū bidsī gin: hūklīlāhdāḵw la kik.
36Wa gil mī sī da nīkiāle k̤wītl‐īda la dūḵwāglitlī Jesus numūq mā: wa lāhdāḵw tāyātlāk kīyos nītla sūs bagwānum lāk lāhdumas hī qīhīdīs dī‐dūḵ‐wāglitlī.
37¶ Wa gil mīs tlinsā yiḵs gāḵ dāḵwa ī gāḵāḵā lāḵā nuge, wālas ī da kīkakaula nākū gla wī.
38Wa dok, ḵā bagwanum gāyūtl lāḵā kīkakaula lāqāla, nīkia, Gī, hawāḵ‐ulin klūkl kās dūḵ‐wīda ūsā ḵun ḵwanūq: kā īḵs hīga ma un ḵwanūqa.
39Wa dok, demon ī da loklek, la ūdāhīda nāhwā qākligātla; qāpatawī glū āhwila glū yilyilqā la masuk, īs bābawāh sta āqs.
40Lin hawāḵ‐ulāh da ḵūs kīkākūklā matsa‐wā kūs kās lāwūdīk, lāhdāḵw kīyos qīh‐īdaā sa.
41Lī Jesus nānāḵmī nīkiā, ā kīyos ūqizāzī hī‐hātililq ḵād uls, wīzun wāwāsdum klā kupetlā‐kl glūs glū nānākūtl tsa wūkl, kīlagā tsīs ḵwanūqa ūs.
42Wa yiḵs gāḵā ī qāsūtlila, lī da demon zuḵālīsā masuk kās qāpā masīk; la mīs glī Jesus klūwilgātl ḵā kīs hīlūmas demon, kās hītl‐īdī ḵā bābāgwum, kās zawes ītīts lāḵīs ūmp.
43¶ Wa nāhwāhdāḵw mīs ḵunyāsas tloqīmas qīxdum sa Ike Gīkumī: gil mīs glā lāhdāḵwā ī nāhwā um ḵunyāyālas nāhwā qīh‐īdaāts, la nīk ḵīs kīkākūkla matsa wi,
44Wīgā hyī gada wātldumk lāzau lā ḵūs puspāyau kūs; kā ī da Ḵwanūqa sa bagwānum le klī zawe‐kl lāḵ āyasaus bībagwānum.
45Lāhdāḵw glā tā kīs āyūsilāḵ gada wātldumg, wa la tāyaāq lāhdāḵwuk, kā kīs dāḵwīs dūḵ‐wāklilāk, wa lāhdāḵw hālāla wuklāk lāḵ gada wātldumg.
46¶ Lāhdāḵw kātāpāgilī sa wī klī awīlākāwī hdāḵw klas
47Gil mīs glī Jesus dūḵ‐wāklilaḵ kākīsta īnī‐hdāḵwas nīnaukāyas, la uḵīd ḵā ginānum bīdawī kās uḵīdīs lāḵīs upsāyī kās nīkī lāhdāḵwuk
48Yiḵī da ungwā kla dādālā kluḵ gāda ginānumg lāḵun glīkum dādāla gāḵun; wa yiḵ ungwe dādālā gāḵun dādālāḵ yālākum nūqa un: kā hī‐īnīmasīda umekī kla lāhdāḵwūkl nāhwā, hī um wālas klī.
49¶ Lī John nānāḵmī nīkiā, Gī, dūqila nūhwā ḵā numūq lāwela ḵā demons lāḵīs glīkum ūs; lā tā nūhw bulāk, kā kīzīnāyas legī gāḵunts.
50Au mī sī Jesus nīk yik, qālā bulāk, kā ī da kīsī kākādāla gāḵunts hī um qīwe gāḵunts.
51¶ Wa la mīs ulāk lastūd yiḵ lūgwītla dāgūstū dihdumk, la qayūtlilāk se um kās le lāḵ Jerusalem,
52La yālākā kās gāgālatl‐gīwī: wa lāhdāḵw mīs, la lāzaulīs lāḵ gūqile sa Samaritans, kās qātlātlā masī kā ī.
53Wa lāhdāḵw kīs dādālāk, kā ī qīkumātla āsaā sīḵs hīhstaāqī qayūtlilī Jerusalem.
54Wa gilhdāḵw mī sī kīkākūklā matsa wās yiḵ James glū John dūḵ‐wāklilā ḵīk, lāhdāḵw nīkia, Gīkumī, nīk mas kunts uḵkiagātlīḵ hyīkule kā gāḵāḵā gehīd lāḵā īkī, kā hwūmtīdihdāḵwī sū ḵā, lāḵ qīhīdaas wūtlas Elijūtla?
55Au mīs mulsīd, kās klūwilgātl dāḵwīk, kās nīkī, kīsa ā kūs kauklila ḵwā hīḵ qīgālā masūkl.
56Kā ī da Ḵwanūqa sa bagwānum āḵs kīsā ī gāḵ kās k̤īlākīḵ bībagwānum, hī glātl kā qīqiles: wa lāhdāḵw qestā lāḵā numī gūqila.
57¶ Wa yiḵs lāhdāḵwa ī lāḵā tihyila, numūq tī da bagwānum nīk yik, la mun legī klūkl lāḵīs nāhwā kla ūs la ās‐kl.
58Lī Jesus nīk yik, yiḵā gilgāūmas uḵnūgwādī sa qāhqawīs hīmīsī da pīpāklūmas uḵnūgwādīs kīkulḵāzī; lā glā tī da Ḵwanūqa sa bagwānum kīyos qilhīda ā tsīs hyūms.
59Wa la nīk ḵā numūq, legī la gāḵun, au mīs nīkia, Gīkumī, hīlūqālaga umas glin lā wunumtīd ḵun ūmp.
60Au mīs nīk yik, bo la tsa tlilī kā hī mīs wunumtā ḵīs tlilī, au umā hyī glātl lāḵ kās lā ūs gwītla sī da gīkāsa sa Ike Gīkumī.
61Lī da numūq ūgwākā nīk, la mun legī klūkl, Gīkumī; hīlūqāla ga umās glin hulākiāsḵa ḵī da quzītla lāḵun gūq.
62Au mī sī Jesus nīk yik, kīyos bagwānum, yiḵs lā ī uḵāklilūd sīs āyasū lāḵā klūqagilīzāyū, kās mulīḵglī, hītlūgwa ā lāḵī da gīkāsa sa Ike Gīkumī.
Currently Selected:
Luke 9: Kwak
Highlight
Share
Copy
Want to have your highlights saved across all your devices? Sign up or sign in
Historical texts first published by the British and Foreign Bible Society 1882-1897. These texts were digitised for the Canadian Bible Society.
