Popular Bible Verses from Luke 8

Share

Wa yiḵī da zimgālīs lāḵā ek awīnāgwīs, ga um hī qīx ī da ga‐īs ī lāḵā kīyos ī klīqī ek naukayā, la um wuklila ḵā wātldum, dātla ulātlāk, gāḵā mas ḵā nūnawīmas kīs autl‐bāla.

We yiḵī da qupakā ḵā kukunī gā‐hdāḵw mī sī da la wuklila, wa yiḵs lāh dāḵwa ī hayūtlil, lāh dāḵw tākiau‐nums awīlilkula glū kīkūmgīlākā yū mī sūḵ ek‐kusila yauḵs bagwānum, la kīyos gāḵ nūnawīmas nākum zau matsūs.

We yīḵī da hī lī da tīsum hīh dāḵw mī da, yiḵs lāh dāḵwa ī wuklilā, dādāla ḵā wātldum ek‐kusulā; wa ga mīs kīyos klūpukig, hī mīs yāwās īd ūqis ī, lā ḵa ā ḵī da tlālaī‐kulah dum la ītāḵā.

La nīk lāh dāḵwuk, wīzī līs ūqizā‐laze ūs? Wa lāh dāḵw kitlila ḵunyās‐īda, nīnākiaula, māzī bagwānum īnī gās gada, ḵwā weḵe ḵwā yaulāḵ gla wa wāp īḵ, lūḵ nānākīgīq?

Yiḵī da hī lī da kāyās hī mī da la wuklila; wa gāḵī da lāyāp, kās uḵ‐īdī ḵī da wātldum lāḵ naukī‐h‐dāḵwās, kā kīs dāḵwī lāḵs ūqisa qākutlā ī qāqila āq lāḵ.

Kā īḵs kīyos tāyātla, ḵā kīs klā nītl‐īdā mātsū‐kl, kīyos ḵād qulāklatla, ḵā kīs kla k̤ālā‐gīlā mazum‐kl kās gāḵī lāḵ qukātla.

Wa gil mī sī da zidāk dūḵ‐wāklilāḵs kīsa ī tāyatla, gāḵ ḵwunāla, la huḵ‐wālīs lāḵ nukumāyas nītla sīs glaubāla gītlāk wuglitl tsa nāhwā bagwānum a, gla wīs hīhīda īnī um hītl‐īda. La nīk ḵā zidāk, Ḵwanūq, ḵīs ūqizālazī yūs hītl‐īdā masū‐kl, hāgā ek umḵ.

Wa gāḵ dāḵw lāk, nīga‐tauya, Ade, Ade, la munts tlekia: la zihīda, la klūwil gātl ḵā yaula gla wa tūhwe sa wāp ī; wa la ās qātla la k̤imā‐kula.