ZAKALIYA 8
8
1KANDI ekigambo kya MUKAMA wamahe kikaija namberendi ngu 2Nukwo agambire MUKAMA wamahe ati Nkwatirwe Sayuni ihali lingi, ngikwatirwe ihali nekiniga kingi. 3Nukwo MUKAMA agambire ati Ngarukire hali Sayuni, kandi ndiikara hagati ya Yerusalemu: kandi Yerusalemu eryetwa orubuga rwamazima; norusozi orwa MUKAMA wamahe Orusozi orurukwera. 4Nukwo agambire MUKAMA wamahe ati Baligaruka okuikara omu makute ga Yerusalemu abagurusi nabakaikuru, omuntu wena akwasire omuigogwe omu muknogwe habwobukuru bwemyaka. 5Namakute agorubuga galiijura abojo nabaisiki nibazanira omu makute garwo. 6Nukwo agambire MUKAMA wamahe ati Obukiraba kiri kyamahano omu maiso gabantu abebiro ebi abasigaireho, nomu maiso gange kiriba kyamahano? agambire MUKAMA wamahe. 7Nukwo agambire MUKAMA wamahe ati Dora, ndijuna abantu bange omu nsi yoburugaizoba nomu nsi yabugwaizoba: 8kandi baliba abantu bange, nanyowe ndiba Ruhanga wabu, omu mazima nomu kuhiki'ra. 9Nukwo agambire MUKAMA wamahe ati Emikono yanyu efoke yamani, inywe abarukuhu'ra omu biro binu ebigambo binu ebiruga omu kanwa kabanabi, abakaba baloho ha kiro eki obubataireho emiganda eyenju ya MUKAMA wamahe, yekaru, eyombekwe. 10Baitu okubanza hakiro eki hakaba hatoroho musara gwomuntu, nobugwakuba omusara gwekisoro; kunu hatabeho businge na kake hali ogu ayaturukaga nobwakuba ogu ayatahaga, habwomunyanzigwa: baitu nkanobesangana omuntu wena nomutahiwe. 11Baitu hati bunu tindiba hali abantu banu abasigaireho nkokunkaba ndi omu biro byaira, agambire MUKAMA wamahe. 12Baitu halibaho embibo eyobusinge; omuzabibu gulireta ebyana byagwo, nitaka lirireta ensagi zaryo, niguru lirireta orume; kandi ndigweta abantu banu abasigaireho ebigambo ebi byona. 13Kandi kirihika, nkokumukaba muli omukyeno omu mahanga, inywe enju ya Yuda nenjeru ya Isareri, nukwo ndibajuna nti, kandi mulifoka omugisa: mutaatina, baitu emikono yanyu efoke yamani. 14Baitu nukwo agambire MUKAMA wamahe ati Nkokunatekerize okubakora kubi, baisenkuru inywe obubyerema okumbihiza, agambire MUKAMA wamahe, nanyowe ntayeyijukye; 15nukwo ngarukire okutekereza omu biro binu okukora kurungi Yerusalemu nenju ya Yuda: mutatina. 16Binu nibyo bigambo ebimulikora; Mubazege omuntu wena amazima nomutahiwe; mucwege emisango eyobulyo neyobusinge omu malembo ganyu: 17kunu omuntu wena omulinywe aleke okutekereza kubi omu mutimagwe hali mutahiwe; kunu mutagonza ekirahiro kyona ekyebisuba: baitu ebi byona nibyo ndukunoba, agambire MUKAMA.
18Kandi ekigambo kya MUKAMA wamahe kyaija namberendi ngu 19Nukwo agambire MUKAMA wamahe ati Okusiba okwokwezi kwakana, nokusiba okwakatano, nokusiba okwokwaikumi, kurabaga hali enju ya Yuda okusemererwa nokuhi'rwa, nobugenyi obwokusemererwa; nukwo mugonzege amazima nobusinge. 20Nukwo agambire MUKAMA wamahe ati Kirigaruka okuhika, amahanga galiija, nabomu mbuga nyingi: 21kandi obomu rubuga rumu baligenda hali orundi nibagamba ngu Muije tugende bwango okwesengereza embazbazi za MUKAMA, nokuse'ra MUKAMA wamahe: nanyowe ndigenda. 22Ego, abantu baingi namahanga gamani, baliija okuse'ra MUKAMA wamahe omu Yerusalemu, nokwesengereza embabazi za MUKAMA. 23Nukwo agambire MUKAMA wamahe ati Omu biro biri, abantu ikumi abomu ndimi zona ezamahanga, balikwata ha rugoye rwogu ali Omuyudaya, nibagamba ngu Tuligenda hamu nainywe, baitu tuhulire ngu Ruhanga nainywe.
Currently Selected:
ZAKALIYA 8: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.
