ZAKALIYA 9
9
1OKURAGURA okwekigambo kya MUKAMA ha nsi ya Hadaraki, kandi Damasiko nikyo kiriba kihumuro kyakwo: baitu eriso lyabantu neryenganda zona eza Isareri liri ha MUKAMA: 2kandi na Hamasi erukuhe'ranayo: Turo na Zidoni, baitu yamagezi maingi. 3Kandi Turo akeyombekera orukomero, yatuma omutumo gwefeza nkecucu, nezabu enungi nkesabu eyomu muhanda. 4Dora Mukama alimwaka ebye, kandi alitera amanige omu nyanja; kandi aliribwa omu'ro. 5Asikeroni alikirora alitina; na Gaza kandi alisalirwa muno; na Ekeroni, baitu okunihirakwe kuliswazibwa: nomukama alihwereke'ra omu Gaza, na Asikeroni teriikarwamu abantu. 6Kandi omwana owebitwekano aliikara omu Asidoni, kandi ndihwereke'ra emyehembo Yabafirisiti. 7Kandi ndiihayo esagamaye omu kanwake, nebinugwabye ndibiiha hagati yamainoge; nauwe aliba ekicweka ekisigaireho habwa Ruhanga waitu: kandi aliba nkengabwa omu Ydua, na Ekeroni aliba Nkomuyebusi. 8Kandi nditema orukande okwehinguliririza enju yange okurwana naihe, omuntu wena aleke okurabamu nobukwakuba okugaruka kunu omwenderezi wena taligarukamu okubarabamu obundi: baitu hati bunu nkiboine namaiso gange.
9Semererwa muno, iwe omuhara wa Sayuni; toka, iwe omuhara wa Yerusalemu: dora, omukama wawe naija namberoli: wobulyo, kandi anyina okujuna, omuculezi, kandi atembere enkaina, nakakaina, ekyana kyenkaina. 10Kandi ndimaraho egali ha Eferaimu, nembarasi ha Yerusalemu, nobuta bwobulemu bulimarwaho; kandi alibaza ebyobusinge hali amahanga: nokulemakwe kuliruga ha nyanja, nokuruga Ekyambu okuhika ha mpero zensi. 11Kandi ebyawe, nabwesagama eyekiragano kyawe nsidikire abanyankomo bawe baruge omu kina hatarumu amaizi. 12Muhindukire orukomero inywe abanyankomo abokunihira: na hati honka ningamba nti Ndikusasura emirundi ebiri. 13Baitu ntegere Yuda nkobuta bwange, nyijuize obuta na Eferaimu; kandi ndiimukya abana bawe Sayuni, okurwana na batabani bawe Buyonani, kandi ndikufora okuba nka busitama eyomusaija emanzi. 14Kandi MUKAMA alizoka ha ruguru yabu, nengobeye erituruka nkenkuba: kandi Mukama RUHANGA alitera engwara, kandi alituruka nakai'ringwa akobukizi bwobulyo. 15MUKAMA wamahe alibalinda; kandi balirya, baliribata hansi amabale agomwesuso; balinywa., balitera obwogo nka habwamarwa: baliijura nkebibindi, nkoburugu obwekyoto. 16Kandi MUKAMA Ruhanga wabu alibajuna omu kiro eki nkigana eryabantube: baitu baliba nkobubale obwekondo, buimukibwe haiguru ha ruguru yensiye. 17Baitu omugisagwe ka mwingi, noburungibwe ka bwingi! engano erihisa abasigazi omugisa, namarwa agomutarara abaisiki.
Currently Selected:
ZAKALIYA 9: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.
