ZAKALIYA 7

1KANDI kikahika omu mwaka gwomukama Daliyo ogwakana, ekigambo kya MUKAMA kikaija hali Zekaliya ha kiro kyakana, ekyokwezi mwenda. okwezi Kisirevi. 2Lero abomu Beseri bakatuma Sarezere na Regemu-mereki, nabasaija babu, okwesengereza embabazi za MUKAMA, 3nokubaza na banyakatagara abenju ya MUKAMA wamahe nabanabi nibagamba ngu Kimpikirire oku'ra omu kwezi kwakatano, ninyesororamu, nkokunakoraga emyaka egi emingi? 4Nubwo ekigambo kya MUKAMA wamahe kyaija namberendi ngu 5Gambira abantu bona abomu nsi, na banyakatagara nogamba oti Obumwasibaga mwaganyaga omu kwezi kwakatano nomu kwezi kwa musanju, emyaka egi nsanju, mukasibira nyowe, nyowe nyenka? 6Kandi obumulya nimunywa, timulya habwanyu, nokunywa habwanyu inywenka? 7Tikibahikirire okuhu'ra ebigambo MUKAMA ekiyayamiririre habwa banabi abaira, Yerusalemu obwekaba erumu abantu, kandi obuyatungaga omugisa? nembuga zayo ezaygyehingulirize, nobukizi Bwobulyo, nekyeya obubikaba birumu abantu?

8Kandi ekigambo kya MUKAMA kikaija hali Zekaliya ngu 9Nukwo MUKAMA wamahe agambire ati Mucwege emisango eyobulyo, kandi mukoloege omuntu wena mugenziwe embabazi nokuganyira: 10kandi muleke okwendereza omufakati, nobwekuba enfuzi, nobwakuba omunyaihanga, nobwakuba omunyaihanga, nobwakuba omunaku; kandi omuntu wena omulinywe aleke okutekereza kubi ha mugenziwe omu mutimagwe. 11Baitu bakanga okuhu'ra, batera amabega, baigara amatu baleke okuhu'ra. 12Ego, bakafora emitima yabu nkibale erigumire, dai, baleke okuhu'ra ebiragiro, nebigambo MUKAMA wamahe ebiyatwekere habwomwoyogwe omu mukono gwa banabi abaira; nikyo harugirayo ekiniga kingi hali MUKAMA wamahe. 13Kandi kikahika uwe obuyayamirire bo bayanga okuhu'ra; nukwo bo balyami'ra nanyowe tindihu'ra, agambire MUKAMA wamahe; 14baitu ndibarahiza nakai'ringwa omu mahanga gaon agabatakamanyaga. Nukwo ensi yafoka ekitongo hanyuma yabu, kunu omuntu nomu atagirabemu nobukwakuba okugaruka: baitu bakafora ensi esemire ekitongo.

Currently Selected:

ZAKALIYA 7: BRR64

Highlight

Copy