ABAFIRIPI 2

1NUKWO haraba haroho okuiruki’rwa kwona omu Kristo, haraba haroho okusemeza kwona okwokugonza, haraba haroho okuteraba kwona Kwomwoyo, haraba haroho okuganyira nembabazi, 2muhikirize okusemererwa kwange, kandi inywe mutekereze ekigambo kimu, munyina okugonza kumu, omutima gumu, nimutekereza ebimu; kandi 3mutakora kintu kyona obwokukungana nekitinisa ekitarumu, baitu omu buculezi omuntu wena omulinywe atekereze mutahiwe okumukira; 4kunu mutarora omu omu ha bigambo byanyu inywenka, baitu inywena murole nebyabandi. 5Inywe muikale nokutekereza kunu okukaba kuli nomu Kristo Yesu: 6ogunobwakaba ali omu kisisani kya Ruhanga, atakitekereze ekitu ekyegombwa okuinganaingana na Ruhanga, 7Baitu akeyihaho ekitinisa, nattwara omu lingo gwomuntu; 8kandi obuyazokere okusisana nomuntu yayebundaza wenka, naculera okuhikya ha kufa, nukwo kufa kwa ha muti. 9Nikyo Ruhanga yamunyumize haiguru muno, kandi akamuha ibara eri erirukukira amabara gona: 10nukwo omu ibara lya Yesu amaju gona gatezebwe, agebyomu iguru nagebya hansi, nagebyahansi Yensi 11kandi nendimi zona zatule ngu Yesu kristo nuwe Mukama, Mukama, hali okukugizibwa kwa Ruhanga Isitwe.

12Nukwo abarukugonzebwa bange, nkokumwahulire ebiro byona tibuli bwonka obunkaba ndoho baitu okukira obunkaba ndoho, baitu okukira obunkaba ntaroho, Muhikirizege okujunwa kwanyu inywenka omu kutina nokutumira; 13baitu Ruhanga nuwe akoza omulinywe okugonza nokukora, nkokwasima wenka. 14Mukolege byona ha taroo kuhyema nokutera empaka: 15nukwo muikale mutaloho ekyokuhanwa, mutanyina itima, abana ba Ruhanga abatanyina kamogo, hagati omu businge obuhabire oburukwanga, nambere murukuro’rwamu nketabaza omunsi, 16nimukwatira kimu ekigambo kyobwomezi; nyowe ntunge ekyokwenyumirizaho omu kiro kya kristo ngu ntairukire busa, kunu ntako’re busa. 17Kandi nobundaba nimisirwa ha Kyonzira nokuhereza kwokuikiriza kwanyu, ninsemererwa, kandi ninsemere’rwa hamu nainywe inywena; 18kandi nainywe nukwo mururkusemererwa muti, nimusemere’rwa hamu nanyowe.

19Kandi ninihira omu Mukama waitu Yesu okutuma Timoseo mpora namberemuli, nukwo nyowe ngume omu mutima obundimanya ebyanyu. 20Baitu tinyina ondi nomu anyina omutima okuingana nogu, alitaho omutima ebigambo byanyu. 21Baitu bona nibase’ra ebyabu bonka, tibiri bya Yesu Kristo. 22Baitu mumumanyire okuyasimirwe ngu akahereza hamu nanyowe habwenjiri nkomwana hali ise. 23Kandi nuwe ndukunihira okutuma bwango, obundikarora ebyange okubiriba. 24Kandi baitu ninihira omu Mukama waitu nti nanyowe nyenka ndiija mpora. 25Baitu nkatekerza kihikirire okutuma namberemuli Epaforodito mwene waitu, kandi omukozi mutahi wange, kandi omurwani mutahi wange, kandi halinywe ali mukwenda wanyu nomuhereza owokutaga kwange; 26baitu akabatuntu’ra naganya muno, obumwahulire ngu akarwara: 27baitu mazimakwo akarwara mali haihi nikufa: baitu Ruhanga alamuganyira; kandi tali uwe wenka, baitu nanyowe, obujune obunyinabwo buleke okunyongeraho. 28Nikyo nyekambire okumutuma, inywe musemererwe obumuligaruka okumurora, nobujune bwange bundugeho kake. 29Nukwo mumurize haihi omu Mukama waitu nokusemererwa kwingi, kandi abanyakusisa bati mubatinege: 30baitu habwemirimo ya Kristo akai’ra haihi nokufa, obwataratinirire obwomwzibwe, nokwo ahikye ebyabuzireho omu kuhereza Kwanyu namberendi.

Currently Selected:

ABAFIRIPI 2: BRR64

Highlight

Copy