ABAFIRIPI 3

1EBISIGAIREHO bene baitu, musemererege omu Mukama waitu. Okubahandikira ebimu tikurukunjwahya nyowe, baitu halinywe nukuleta obusinge. 2Mwerinde embwa, mwerinda abakora obubi, Mwerinde abesara 3baitu itwe tuli bokusarwa abarukuramya Ruhanga omu Mwoyo, kandi abarukwenyumiriza omu Kristo Yesu, abatarukwesiga omubiri kwonka: 4Nyowe nobundaba ninsobora okwesiga omubiri; omuntu ondi wena obwatekereza okwesiga omubiri, nyowe nim8ukira: 5baitu nkasarwa ha Kiro kyamunana, owomu ihanga lya Isareri, womu ruganda Rwa Benyamini, Omuheburaniya owa baheburaniya; omu biragiro Mufalisayo; 6omu kwekamba nimpiganiza ekanisa; omu kuhiki’ra kwomu biragiro ntaloho musngo. 7Baitu ebi ebikaba biri nkomugaso hali nyowe, nibyo natekerize nti bifire habwa Kristo. 8Baitu mazimkwo nintekereza byona bifire, obwoburungi obwingi obwokumanya Kristo Yesu Mukama wange: ounaferirwe byona, kandi nimbitekereza okuba nkesabu, 9nukwo ngobe Kristo, kandi nzoke omuluwe ntanyina okuhiki’ra kwange nyenka okwebiragiro, baitu oku okuli omu kuikiriza Kristo, nukwo kuhiki’ra okurunga hali Ruhanga omu kuikiriza: 10nyowe ‘mumanye ogu, namani agokuhumbukakwe, nokuterana kwomu kubonabonakwe, ninsisanizibwa nokufakwe: 11rundi nyowe mpike hali okuhumbuka omu bafu. 12Baitu tindikugamba nti ‘mazire okutunga, rundi ‘mazire okuhikirizibwa: baitu nimpondera kinu, rundi ndisobora okukwata eki ekinakwatirwe Kristo Yesu. 13Bene baitu, tindukwetekereza nyenka nti ‘mazire okukwata: baitu kimu kyonka ninyebwa ebi ebiri enyuma, ninkunuki’ra ebi ebiri omu maiso, 14nimpondera okuhika kuli, nambere hali empera eyokweta kwa Ruhanga okwahaiguru enyakuli omu Kristo Yesu. 15Naitwe itwena abahikirire nukwo tutekereze tuti: kandi obumuraba nimutekereza okundi, nakyo Ruhanga alibasuku’ra: 16kinu kyonka, nkokutuhikireho, nukwo tugende tuti.

17Mukuratirege omulingo gwange, bene baitu, kandi Murolege muno abo abagenda bati, nkokumunyina itwe okuba ekyokuro’raho: 18baitu baingi abarukugenda abanahatebizeho emirundi mingi, na hati bunu nimbatebeza nin’dra amaizi nti nibo nyanyanzigwa bomuti gwa Kristo: 19empero yabu kuhwereke’ra, Ruhanga wabu niyo enda yabu, nekitinisa kyabu kirir omu nsoni zabu, nibo barukutekereza ebya hansi. 20Baitu orubuga rwaitu ruli omu iguru; nambere ntutegereza Omujuni okurugayo, nuwe Mukama waitu Yesu Kristo. 21Alihindura omubiri ogwokundazibwa kwaitu, nagusisaniza nomubiri ogwekitinisaniza nomubiri ogwekitinisakye, nkokukora oku okukuli okurukumusoboza okuta ebintu byona hansiye.

Currently Selected:

ABAFIRIPI 3: BRR64

Highlight

Copy