ABAFIRIPI 1

1PAULO na Timoseo, abairu rubale ba Kristo Yesu abanyakuli omu firipi, hamu 2nabarolezi nabahereza: embabazi zibe halinywe nobusinge,okuruga hali ruhanga isitwe na mukama waitu yese kristo. 3Ninsima ruhanga obumbaizuka bwona, 4ebiro byona omukwesengereza kwange habwanyu ninsaba nokusemererwa. 5obwokuterana kwanyu okwokuhikya enjiri, okuruga ha kiro ekyokubanza nokuhikya hati; 6Kandi manyire kimu ekigambo kinu nti ogu ayabandize omulinywe omulimo omurungi, aliguhikiriza okuhikya ekiro kya Yesu kristo: 7nkokukihikirire nyowe okutekereza nti habwanyu inywena, baitu ndi nainywe omu tima gwange, kandi nainywe inywena nimuterana nanyowe omu mbabazi, omu nsengo zange nomu kutonganira njiri nokugigumya. 8Baitu Ruhanga niwe kaiso wange, amanyire okundikubagonza muno omu kuganja kwa Kristo Yesu. 9Kandi nikyo ndikusabanti okugonza kwanyu kweyongereyo ngerege okusaba omu kumanya 10nokwetegereza kwona; musime ebi ebirukukira oburungi muikalege abatanyina bugobya, abatanyina kabi, okuhikya ekiro kya Kristo; 11muijuire ebyana ebyokuhiki’ra ebiri omu Yesu Kristo, hali ekitinisa nokukugizibwa ebya Ruhanga.

12Baitu ningonza inywe okumanya, bene baitu, ngu ebyambaireho bikaija obwokuhikya enjiri: 13nukwo ensengi zange zimanyisibwe ziti omu Kristo hali baserikale bon aba Kaisali nabandi bona: 14na bene baitu abakira obwingi omu Mukama waitu bakatunga obumanzi obwensengo zange, nibeyongera okuguma muno okugamba ekigambo kya Ruhanga okutatina. 15Abandi nibatebeza Kristo obwihali nokukungana; nabandi nibatebeza obwembabazi: 16banu nibatebeza obwokugonza, baboine ngu ntaireho okutonganira enjiri: 17baitu bali nibatebeza Kristo obwokukungana, hatali omu mazima, nibatekereza okunyimukiza omuhito omu nsengo zange. 18Nukwo kiki? Baitu omu miringo yona, rundi omu kugobya, rundi omu mazima, Kristo atebezebwa; kandi nsemererirwe eki, ego ndisemererwa. 19Baitu manyire nti kinu kirindugiramu okujunwa obwokwesengereza kwanyu, nokukonyera Okwomwoyo gwa Yesu Kristo, 20nkokutegereza kwange nokunihira kwange okukuli ngu tindikwatwa ensoni omu kigambo kyona, baitu nkebiro byona na hati bunu, Kristo aranyumizibwaga omu mubiri gwange omu bumanzi bwona, rundi omu bwomezi, rundi omu kufa. 21Baitu hali nyowe okwemera nuwe Kristo, okufa mugoba. 22Baitu okwemera omu mubiri, -kiraba nikyo kyana kyemirimo yange, nyowe timanyire ekindayegomboza. 23Baitu ndemerwe hagati omu bigambo bibiri, baitu mbaire ningonza okugenda nokuikara na Kristo; baitu nikyo kirukikira oburungi: 24baitu nyowe okuikara omu mubiri nikyo kirukukira habwanyu. 25Kandi obunyetegerize kinu, manyire nti ndiikaraho, kandi ndiikara hamu nainywe inywena obwokukura kwanyu nokusemererwa okwokuikiriza; 26Okwenyumiza kwanyu nukwo kusage kuti omu Kristo Yesu habwange, obwokuija kwange obundi namberemuli. 27Kyonka okugenda kwanyu kuikale nkokukisemerire enjiri ya Kristo: rundi obundiija okubarora, rundi obuntaliija, mpu’re ebigambo byanyu ngu mwemerire omu mwoyo gumu; nimurwani’ra okuikiriza okwenjiri nomutima gumu: 28mutarukukangwa abanyanzigwa omu kigambo kyona, baitu niko kokuro’raho mali hali abo akokuhwerereke’ra, baitu halinywe kokujunwa, nukwo kurugire hali Ruhanga; 29baitu inywe mukahabwa habwa Kristo, tikuli kumuikiriza kwonka, baitu nokusalirwa habwe: 30munyina okurwana oku okumwaboine omuli nyowe, kandi okumuhulire hati bunu okuba omuli nyowe.

Currently Selected:

ABAFIRIPI 1: BRR64

Highlight

Copy