ABEFESO 6

1ABANA abato, muhu’rege ababazaire omu Mukama: baitu nikyo kisemire. 2Otinege ’so na nyoko ( nikyo kiragiro kyokubanza ekinyakuroho omurago), 3nukwo oikale kurungi, oyomere ebiro bingi hansi. 4Nainywe baisebo mutabahiza abana banyu: baitu mubalerege omu kuhanwa nomu kugambirirwa kwa Mukama waitu. 5Inywe abairu rubale, muhu’rege abo abakama banyu omu mubiri nokutina nokutukumira, omu mazima agomutima gwanyu, nka Kristo; 6tikuli nkabo abasimisa abantu ebyahamaiso, baitu nakabairu rubale aba Krusto, nimukora nomutima Ruhana ebyagonza; 7nimukora emirimo nimugonza, habwa Mukama waitu, kunu tihali habwabantu: 8mumanyire ngu ekigambo kyona ekirungi omuntu ekyakora nikyo aliherwa hali Mukama waitu, nobwaba ali muiru rubale, rundi owobugabe. 9Kandi inywe bakama babu,nukwo mubakolege muti, nimulekayo okukanga, muboine ngu Mukama wabu nainywe ali omu iguru, kunu busaho okusorora omu Bantu namberali.

10Ekisigaireho, mube namani omu Mukama waitu, nomu busobozi obwamanige. 11Mujwale ebyokurwanisa byona ebya Ruhanga, musobole okwemere’ra obusupe bwa Setani. 12Baitu titurukufukana nesagama nomubiri, baitu nabakuru nabobusobozo nabarukulema ensi abomuirima gunu, nemyoyo eyobubi eyomu biikaro ebyahaiguru. 13Nukwo ebyokurwanisa byona ebya Ruhanga, nukwo musobole okugumaho omu kiro ekibi, kandi obumulikakora byona okweme’ra. 14Nukwo mweme’re, mwetegere omunda amazima, kandi mujwaire ekyaha kifuba ekyokuhiki`ra, 15kandi musabikire enkaito zokwetekaniriza enziri yobusinge: 16nokukira byona mukwasire engabo eyokuikiriza,niyo eribasoboza okuraza emisogiyona eyomu`ro eyomubi. 17Kandi mutwale nenkonfira eyokujunwa nempirima yomwoyo nikyo kigambo kya ruhanga: 18nimusabaga byona omu mwoyo nokusaba kwona nokwesengereza kwona, nimurora omu kwekamba kwona nokwesengereza habarikwera bona, 19Kandi habwange,nyowe mpabwe okubaza omu kwasama kwa kanwa kange, nobumanzi bwona okumanyisa ekyensita kyenjiri, 20Eyimba omukwenda wayo omu nsego: mujkwo mbaze nobumanzi omuyo, nkokukimpikirire okugamba, 21Kandi nainywe mumanywe mumanye ebigambo ebimbaireho,ebindikukora,Tukiko mwene waitu arukugonzebwa, kandi omuhereza wokwesiga omu mukama waitu alibatebeza byona: 22ountumire namberemuli obwekigambo kinu, nukwo mumanye ebigambo byange, kandi ahumuze emituma yanyu. 23obusinge bube hali bene baitu nokugonza hamu nokuikiriza, okuruga hali ruhanga isitwe na mukama waitu Yesu kristo. 24Embabazi ziikale hamu na bona abarukugonza mukama waitu Yesu kristo hataloho bugobya.

Currently Selected:

ABEFESO 6: BRR64

Highlight

Copy