ABEFESO 5

1NUKWO mukuratirege omulingo gwa Ruhanga nkabana abarukugenzebwa; 2kandi mugendege omu kugonzangana, nka Kristo nauwe okuyagondeze inywe, kandi yayehayo wenka habwaitu, nkekihongwa nekyonzira hali Ruhanga okuba ekisorokoko ekirungi. 3Baitu obusihani nokutasemera kwona, nobukwakuba okwegomba, bitaligambwaho omulinywe, nkokukisememerire abarukwera; 4nobubyakuba ebyensoni nebigambo ebyobutami, nobubyakuba ebyokuseka ebitali birungi, baitu hakire musimege. 5Baitu kinu mukimanyire ngu nobwakuba omusihani, nobwakuba atasemire, nobwakuba omwegombi, nuwe muramyi webisisani, tibaligwetwa obukama bwa Kristo na Ruhanga. 6Omuntu wena aleke okubabiha obwebigambo ebitarumu: baitu obwebi ekiniga kya Ruhanga nikizira abana abokutahu’ra. 7Nukwo mutaliterana nabo: 8baitu ira mukaba muli muirima, baitu hati bunu muli musana obwa Mukama waitu: 9mugendege nkabana abomusana ( baitu ebyana ebyomusana biri omu burungi nokuhiki’ra namazima), 10nimusima eki ekirukuseme’ra Mukama waitu; 11kandi mutaliterana hamu nemirimo eyomuirima etarukwana, baitu hakire mugihanege. 12Baitu ebi ebirukukorwa abo omu nsita, kyensoni okubigambaho kwonka. 13Baitu byona ebirukuhanwa omusana nibimanyisibwa: baitu kyona ekikumanyisibwa guba musana. 14Nikyo agambirw ati Sisimuka iwe agwijagire, kandi ohumbuke omu bafu, kandi Kristo arukumulikira.

15Nukwo mwerindege okumugenda nimwekenga, tikuli nkabasomadoma, baitu nkabamagezi; nimwegu’ra omwanya, 16baitu ebiro biri bibi. 17Nukwo mutaliba badomadoma, baitu mumanye eki Mukama waitu ekyarukugonza. 18Kunu mutalitamira amarwa agorumu okwesisa, baitu muijule Omwoyo; 19nimugambiranganae inywenka na zabuli, nebizina, nebitekerezo ebyomwoyo, nimuzina nimutera entongole omu mutima gwanyu hali Mukama waitu: 20nimusima ebiro byona obwa byona, omu ibara lya Mukama waitu Yesu Kristo hali Ruhanga, kansi Isitwe; 21nimuhu’rangana inywenka omu kutina Kristo.

22Inywe abakazi muhu’rege baiba inywenka Mukama waitu. 23Baitu omusaija nugwo mutwe gwomukazi, kandi nka Kristo okwali omutwe gwekanisa, nuwe mujuni womubiri. 24Baitu nkekanisa okwehu’ra Kristo, nukwo nabakazi bahu’rege bati baibabo omu byona. 25Abasaija mugonzege bakazi banyu, nka Kristo nauwe okuyagondeze kanisa, kansi yayehayo wenka habwayo; 26nukwo agyeze, obuyamazire okugisemeza nagyogesa amaizi omu kigambo, 27nukwo agyeretere wenka ekanisa eyekitinisa. Etanyina kamogo, nobugwakuba omugonya, nobukyakuba ekintu kyona ekirukusisana kiti, baitu ikalege erukwera etaloho musango. 28Nukwo kihikirire kiti, abasaija okugonzaga abakazi babu nkemibiri yabu bonka. Anyakugonza mukaziwe buli ayegondeze wenka: 29baitu busaho omuntu aranobere omubirigwe wenka, baitu agulisa nagulinda, nka Kristo nauwe okwagira ekanisa; 30baitu tuli ebicweka ebyomubirigwe. 31Nikyo omusaija alirekera ise na nyina nagumira ha mukaziwe; kandi abo bombi baliba omubiri gumu. 32Ekyensita kinu kikoto mali: baitu ningamba ha Kristo nekanisa. 33Baitu nomulinywe omuntu wena agonzege mukaziwe nkauwe wenka; kandi nomukazi atinege iba.

Currently Selected:

ABEFESO 5: BRR64

Highlight

Copy