ABEFESO 4

1Nikyo nyowe omunyankomo omu Mukama waitu, mbesengererize okugenda nkokukisemerire okwetwa kwanyu okumwayeserwe, 2hamu nobuculezi bwona, nembabazi, nokkugumisiriza, nimucule’rangana omu kugonzangana, 3nimwekamba okwerinda obumu Obwomwoyo omu nsengo zobusinge. 4Omubiri gumu, Nomwoyo omu, kandi nka inywe okumwayeserwe omu kunihira kumu okwokwetwa kwanyu: 5Mukama waitu omu, okuikiriza kumu, 6okubatizibwa kumu, Ruhanga omu, kandi Ise wa bona, arukelema bona, kandi araa omu bona, kandi ali omu bona. 7Naitwe itwena tukahabwa embabazi nkendengo eyekisembo kya Kristo okweri. 8Nikyo agambire ati

Obuyatembere haiguru yahamba okuhamba

Yabaha abantu ebisembo.

9( Baitu ekigambo eki ngu Akatemba, kiki rundi okugamba ngu Akasirimukira nebiikaro ebiri hansi yensi? 10Ogu ayasirimukire nuwe omu nogu ayatembere haiguru muno, okukira iguru lyona, aijule byona. ) 11Kandi nuwe yahaire abandi okuba abekwenda, nabandi banabi, nabandi abagambizi benjiri; nabandi abalisa nabegesa: 12obwokuhikiriza abarukwera hali emirimo yokuhereza, okwombeka omubiri gwa Kristo: 13okuhikya itwena obutulihika omu bumu obwokuikiriza nobwokumanya Omwana wa Ruhanga, okuba omuntu omurungi okuhika ha rulengo orwobukuru obwokuhiki’ra kwa Kristo: 14tuleke okuikaraga abana abato, ntubungwabingwa, ntutwarwa omuyaga gwona ogwokwegesa, omu kubihabiha kwabantu, nomu budupe, obwokukuratira amagezi agebisuba: 15baitu tugambe amazima omu kugonzangana, tuko’re omu byona haluwe, nugwo mutwe, Kristo: 16omwogu omubiri gwona obuguteranizibwa kurungi, nugusumikanizibwa hamu engiga zona nizikonyerangana, nkomulimo ogurukulengerwa ebicweka byona okuguli, omubiri ngugweyongera okwombekwa omu kugonzangana.

17Nukwo ngambire kinu nintebeze omu Mukama waitu nti Inywe okuruga hati muleke okugendaga nka Bamahanga okubagenda, omu bitekerezo byabu ebitarumu, 18namagezi gabu gaizirwemu omuirima, kandi bahukanizibwe nobwomezi obwa Ruhanga obwokutamanya okuli omulibo, obwokugumangana okwomu mutima gwabu; 19baitu abo bakalekayo okusalirwa, bayehayo bonka halitasemire omu kwegomba. 20Baitu inywe mutege muti Kristo; 21rundi obumuraba mwamuhulire, kandi nimwegesebwa omuluwe, nkamazima okugali omu Yesu: 22omu bigambo ebyengeso ezaira, inywe okujur omunt owaira arukujunda obwokwegomba okwebisuba; 23kansi nokufoka abahyaka omu mutima ogwebitekerezo byanyu, 24nokujwara omuntu omuhyaka, arukuhangwa Ruhanga omu kuhiki’ra nokwera okwamazima.

25Nukwo mujule ebisuba, mugambege amazima omuntu wena nomutahiwe: baitu tulibicweka byatahi baitu itwenka naitwenka. 26Mubihirwe, kunu mutalikora kubi: izoba litagwa ha kubihirwa kwanyu: 27kunu mutalihigiza Setani. 28Omusuma aleke okuiba, baitu hakire atalibane nemikonoye nakora ebirungi, nukwo atunge ebyokugabira anyakusega. 29Ekigambo kyona ekitasemire kitaliruga omu kanwa kanyu, rundi ekirungi kyona ekirabahoga obwokwombeka nkomutu okwataga, kiretere kiti embabazi abanyakuhu’ra. 30Kandi mutaganyisa Omwoyo Ogurukwera Ruhanga, oumwatererweho akokuro’raho hali ekiro ekyokucungurwa. 31Okusa’ra kwona, nokubihirwa, nekiniga, nokutera obwogo, nokujuma kwona biihibwemu omulinywe hamu nihali lyona: 32kandi mukoranganege kurungi inywenka nemitima yembabazi, nimuganyirangana, kandi nka Ruhanga omu Kristo okuyaganyire inywe.

Currently Selected:

ABEFESO 4: BRR64

Highlight

Copy