LUKA 8

1KANDI kyahikae, ebiro bike bihinguireho, yagendagenda omu mbuga nebika, natebeza ebigambo ebirungi ebyobukama bwa Ruhanga. Ikumi nababiri bakaba bali nauwe, 2nabakazi abamu abakizibwe emizimu emibi nendwara; Malyamu ayayetwaga Magadalene, ayarugirweho emizimu musa nju, na Yohana. 3muak Cuza, omujweki wa Herode, na Susana nabandi baingi, ababaherezaga nebintu byabu. 4Kandi ekitebe kingi obukyaso’rokaine, nabarugire omu mbuga zona obubagomere namberali, yacwa orufumo ngu 5Omusigi akatura okusiga embiboye: obwakaba nasiga, embibo emu yagwa ha muhanda rubaju; yalibatwa, enyonyi ezahagati zagisoma. 6Nndi yagwa ha mwansara; obuyayarukire yahotoka bwango, obwokutaba namaizi. 7Nendi yagwa hagati omu mahwa; amahwa gamera hamu nayo, gaginyoroza. 8Nendi yagwa ha itaka erisemire, yamera neyana ebyana emirundi kikumi. Obuyagambire ebigambo ebi yagambira haiguru ati Anyakuina amatu agokuhu’ra ahu’re. 9Kandi abegeswabe bamukaguza orufumo oru okuruli. 10Yagamba ati Inywe mukahebwa okumanya ensita ezobukama bwa Ruhanga: baitu abandi zibacwerwa omu nfumo; obubabona batarora, obubahu’ra batetegereza. 11Kandi orufumo ndinu; Embibo nikyo kigambo kya Ruhanga. 12Nabo abaha muhanda rubaju nibo bamara kuhu’ra; nubwo Setani aija, naihamu ekigambo omu mitima yabu, baleke okuikiriza nokujunwa. 13Nabo abaha mwandara, nibabo obubahu’ra baikiriza ekigambo, nokusemererwa; kandi abo tibanyina mihama nibo baikiriza ekicu kike, nomu biro ebyokwohebwa bahaba. 14Negi eyagwire omu mahwa, mbabo abamara kuhu’ra bagendera, batangwa habwokutabana, nitungo nebyokwesemeza ebyomubwomezi bunu, kandi tibahikiriza byana ebirungi. 15Negi ha itaka erisemire, nibo bahu’ra ekigambo omu mitima esemire, emirungi, bakigumya, bekamba okwana ebyana. 16Kandi busaho abakiriza etabaza nagijumikira nekibindi, nobukwakuba okugita omunda yekitabu; baitu agita ha kikondo kyayo, abanyakutahamu barole okwerukwaka. 17Baitu busaho ekinyakuserekerwe ekitalimanyisibwa; nobukyakuba ekyensita ekitalimanywa nikirorwa bwa. 18Nukwo mwerindege okumuhu’ra: baitu anyakuina, nuwe alihebwa; natayina, ogu aliihwaho nakyo ekyatekereza ayinakyo. 19Kandi bakamuizira nyina nabagenzibe, baitu batasobole kuhika namberali obwekitebe. 20Kyamugambirwa ngu Nyoko nabagenzi bawe bemerire aheru, nibase’ra okukurora. 21Baitu yagarukamu nabagambira ati Maunabagenzi bange nibo banu abahu’ra ekigambo kya Ruhanga nibakikora. 22Kandi kyahika ha kiro kimu omwebi, yagwe’ra omu bwato, uwe nabegeswabe; yabagambira ati Twambuke tugende nseri yenyanja: bagwe’ra. 23Baitu obubakaba nibagenda yagwijagira; kandi ihunga likatera ha nyanja; obwato bwa’sana okuijura amaizi,, nabo bakaba bali omu kabi. 24Baija hali, bamusisimura, bagamba ngu Mukama waitu, Mukama waitu, twafa. Yasisimuka, yacomera ihunga, namani gamaizi: byaleka, byaculera muno. 25Yabagambira ati Okuikiriza kwanyu kuraha? Batina nibahuni’ra bagambirangana bonka ngu Mara ogu noha, baitu aragira nomuyaga namaizi, bimuhu’ra? 26Kandi bakahika omu nsi ya

Bagerasene, erukurole’ra Galiraya.

27Kandi obuyarugiremu yahika ha musa, yaitirana omuntu owomu rubuga, akaba aloho emizimu; ayamazire ebiro bingi atarajwaraga kantu, kandi ataraikaraga omu nju, baitu omubituro. 28Obuyaboine Yesu, yayamuza nainama omu maisoge, nagamba iraka likoto ati Nyowe njunaine ki naiwe, Yesu Omwana wa Ruhanga, anyakulihaiguru muno? Nkwesengerize otancanza. 29Baitu akaragira omuzimu omubi okuruga hamuntu ogu. Baitu okuruga ira gumukwata: yabohwaga omu njegere, nomu nsengo nalindwa; obuyacwaine ensengo yabingirwa omuzimu omu irungu. 30Kandi Yesu akamukaguza ati Ibara lyawe niwoha? Yagamba ati Legioni; baitu emizimu mingi ekaba emutahiremu. 31Yamwesengereza atagiragira okugenda omu buina. 32Kandi hakaba haroho igana lyempunu enyingi nizirya ha rusozi: kandi ekamwesengereza agyohereze okuzitahamu. Yagyohereza 33Kandi emizimu yaruga omu muntu, yataha omu mpunu: igana lyajumbutuka nirikonkomoka ekinana, zataha omu nyanja, zafa amaizi. 34Kandi abakaba nibazirisa obubaboine ebyabaireho, bairuka, bakitebeza omu rubuga nomu maka. 35Kandi baturuka okurora ebyabaireho; baija hali Yesu, basanga omuntu ayarugirweho emizimu, aikalire, ajwaire, ayina amagezige, ha bigere bya Yesu, kandi batina. 36Nabo abakiboine babatebeza akaba aloho emizimu okuyakizibwe. 37Kandi bona abomu nsi eza Bagerasene ezinyakuhe’raine bamwesengereza abarugeho; baitu bakaba bakwasirwe okutina okwingi: kandi yagwe’ra omu bwato, yagarukayo. 38Baitu omuntu ayarugirweho emizimu yamwesengereza aikalege nauwe: baitu uwe yamwohereza nagamba ati 39Garukayo omuka yawe, otebeze okubiri ebikuru Ruhanga ebyakukolire. Kandi yagenda, yahikya omu rubuga rwona okubiri ebikuru Yesu ebiyamukolire. 40Kandi obuyagarulire, ekitebe kyamutangi’ra kurungi; baitu bona bakaba nibamutegereza. 41Dora, hakaija omuntu, ibaralye Yairo, akabali omukuru wiso’rokaniro: yainama ha bigere bya Yesu namwesengereza okutaha omu njuye; 42baitu akaba ayina omuisiki omu wenka, akaba ahikize emyaka ikumi nebiri, kandi ogu akaba amalize okufa. Baitu obwakaba nagenda ebitebe bikamufunza. 43Kandi omukazi akaba arwaire ekyejwiso ekyesagama emyaka ikumi nebiri, ayamazire okuhayo itungolye lyona hali abafumo, kandi atasobole kutambirwa wena, 44akaija enyumaye, yakora ha mukugiro gwekyokujwarakye: ahanoha ekyejwisikye kyayoma. 45Yesu yagamba ati Noha ankozireho? Obubehakine bona, Petero nabakaba balinauwe bagamba ngu Mukama waitu, ebitebe nibikugote’ra nibikufunza. 46Baitu Yesu yagamba ati Omuntu ankozireho: baitu mpulirege amani nigandugamu. 47Kandi omukazi obuyaboine okwataserekerwe, yaija natukumira, yainama omu maisoge natebeza omu amaiso gabantu bona ekyamumukolezeho, kandi okuyakizibwe bwango. 48Uwe yamugambira ati Omumuisiki, okuikiriza kwawe nukwo kukukirize, genda nobusinge. 49Obwakaba nakigamba, hakaija omu anyakurgire omba omukuru wiso’rokaniro nagamba ati Omuisiki wawe afire; 50otamugadya omwegesa. Baitu Yesu obuyahulire yamugarukamu ati Otatina: ikiriza kwonka, arakizibwa. 51Kandi obuyatahire omu nju, ataikirize muntu wena okutahamu nauwe, rundi Petero, na Yohana, na Yakobo na ise omuisiki na nyina. 52Bona bakaba niba’ra, nobamute’ra empamo: baitu yagamba ati Muta’ra, baitu tafire, 53agwijagire, Bamusekereza muno bamanyire afire. 54Taitu uwe yamukwata ha mukono nagambira haiguru ati Omuisiki, imuka. 55Kandi omwoyogwe gwagaruka, yaimuka bwango: Yaragira bamuhe ekyokulya. 56Kandi abamuzaire bahuni’ra: baitu uwe yabatere’ra batagambiraho muntu ebibaireho.

Currently Selected:

LUKA 8: BRR64

Highlight

Copy