LUKA 9

1KANDI akasoroza ahamu ikumi nababiri, yabaha amani nobusobozi ha mizimu yona, nokutamba endwara. 2Yabatuma okutebeza obukama bwa Ruhanga, nokukiza abarwaaire. 3Yabagambira ati Mutatwara kintu kyorugendo rwanyu, nobugwakuba omuigo, nobugwakuba omwekwo, nobubyakuba ebyokulya, nobwebyakuba ebyokulya, nobwekuba erupiya; kandi mutaba nebyesomeko bibiri. 4Kandi enju yona eyimurakatahamuga, nuho muirugira. 5Kandi bona abatalibatangi’ra obumulikaruga omu rubuga oru, mukunkumulege ecucu enyakuli omu bigere byanyu okuba kaiso nambere bali. 6Kandi barugayo bagenagenda omu marugayo bagendagenda omu maka, nibatebeza enjiri, nibakiza abantu bona hona. 7Kandi Herode, omunyoro omukuru akahu’ra byona ebyakozirwe: yagurukyagurukya muno, baitu kikagambwa abamu bafu; 8nabandi ngu Eriya abonekere; nabandi ngu Omu hali abanabi abaira ahumbukire. 9Kandi Herode yagamba ati Yohana nkamucwaho omutwe; baitu ogu noha oundukuhu’raho ebigambo ebi? Kando yase’ra okumurora. 10Kandi abakwenda obubagarukire bamusobo’ra byona ebibakozire. Yabatwara, yayesororamu, yagenda omu rubuga orunyakwetwa Besesaida. 11Baitu abekitebe bakarora, bamukuratira: yabairiza kurungi, nabaza nabo abakaba nibase’ra okukira akabakiza. 12Kandi obuire bukaba nubu’sana kuira; ikumi nababiri bakaija, nibamugambira ngu Yohereza abekitebe, bagende omu maka nensi enyakuhe’raine bagonye, basake ebyokulya; baitu hanu tuli omu irungu kwonka. 13Baitu yabagambira ati Inywe mubahe ebyokulya. Bagamba ngu Titunyinabyo, rundi emigati etano nencu ibiri; rundi turagenda tugu’re ebyokulya abantu banu bona. 14Baitu bakaba bali basaija nkenkumi itano. Yagambambira abegeswabe ati Mubaikalize hansi omu nka’ra ezamakumi atano. 15Bakora bati nibaikaliza bona. 16Yakwata emigati etano nencu ibiri, yarora haiguru omu iguru, yabisimira; yabicwamu, yaha abegeswa okubita omu maiso gekitebe. 17Kandi balya nibaguta bona: kandi basoroza oburagalika obwabasagirire ebigega ikumi nebibiri. 18Kandi kyahika, obwakaba nasaba bali nauwe: yabakaguza ati 19Abekitebe nibanyeta oha? Bagarukamu ngu Yohana omubatizi; baitu abandi ngu Eriya; nabandi ngu Omu hali abanabi abaira ahumbukire. 20Yabagambira ati Baitu inywe nimunyeta oha? Petero yagarukamu nagamba ati Kristo owa Ruhanga. 21Baitu akabatere’ra naragira batagambiraho muntu eki; 22nagamba ati Omwana womuntu kimuhikirire okusalirwa bingi, nokuhakanwa abakuru nabanyakatagara abakuru nabahandiki, nokuitwa, kandi ha kiro kyakasatu okuhumburwa. 23Kandi akagambira bona ati Omuntu wena araba nagonza okunkuratira, ayeyangise wenka, ahimbege obukyabukya omutigwe ankuratire. 24Baitu wena anyakwenda okukiza obwomezibwe alibubuza: baitu wena anyakubuza obwomezibwe habwange, nuwe alibukiza. 25Baitu kirimugasira ki omuntu obwalitunga ensi yona, nauwe abuzire, rundi ahwerekerire wenka. 26Baitu wena anyakukwatwa ensoni habwange na habwebigambo byange, Nomwana womuntu alikwatwa ensoni habwogu, obwaliija omu kitinisakye wenka, nekya Ise, nekya bamaraika abarukwera. 27Baitu nimbagambira mali nti Haloho omuli abo abemerire hanu abataliroza ha kufa na kake, okuhika obubalirira obukama bwa Ruhanga. 28Kandi kyahika hanyuma yebigambo ebi, ebiro nka munana bihinguireho, yatwara nauwe Petero na Yohana na Yakobo, yatemba orusozi okusaba. 29Obwakaba nasaba, ekisisani ekyamaisoge kyahindurwa okundi, nebyokujwarabye nibyera tititi nibyengengeta. 30Dora, abasaija babiri bakaba nibabaza nauwe, nibo Musa na Eriya; 31ababonekere nekitinisa, nibabaza ha kufakwe okwakaba nagenda okuhikiririza Yerusalemu. 32Kandi Petero nabo abakwasirwe oturo: baitu obubarozire, babona ekitinisakye nabantu ababiri abayemerire namberali. 33Kandi kyahika, obubakaba nibamuraga, Petero yagambira Yesu ati Mukama wange, kisemire itwe okuikara hanu: twombeke obiju busatu; akamu kawe, akandi ka Musa, akandi ha Eriya: atamanyire ekyarukugamba. 34Obwakaba nagamba ebi, ekicu kyaija nikibasikiriza; obubatahire omu kicu batina. 35Niraka likaturuka omu kicu nirigamba ngu Onu nuwe Mwana wange, omukome wange: 36mumuhu’re, Yesu yarorwa ali wenka. Kandi bakaculera kwonka, okutagambiraho muntu omu biro ebi ekigambo kyona ekibaboine.

37Kandi kyahika nyenkya, obubasirimukire orusozi, ekitebe kingi kikamuitirana. 38Dora, omusaija owomu kitebe yagambira haiguru ati Omwegesa nkwesengerize okurora omwana wange, baitu nkamuzara omu: 39dora, omuzimu gumukwata, ahonaho ayamuza; gumutagura, uwe naleta ifuro, kandi tigumurugaho bwango, gumusasangura muno. 40Kandi nyesengerizege abegeswa bawe okugubinga; tibasobora. 41Yesu yagarukamu nagamba ati Inywe abobusinge obutaikiriza obuhaba, ndihikya nkaha okuikara nainywe, nokubagumisiriza? Mulete kunu omwana wawe. 42Obwakaba nakiija, omuzimu gukamutagura kubi. Baitu Yesu yacomera omuzimu omubi, yakiza omwojo, yamugaru’ra ise.

43Bona bahuni’ra obwobukuru bwa Ruhanga. Obubakaba nibahuni’ra bona obwebigambo byona ebiyakozire, akagambira abegeswabe 44ati Ebigambo binu mubite omu matu ganyu: baitu Omwana womuntu alihebwayo omumikono yabantu. 45Baitu batamanye kigambo eki, kikaba kibaserekerwe, batakikenga: nibatina okumukaguza ekigambo eki.

46Kandi hakabaho okutera empaka omulib, noha arabaga omukuru. 47Baitu Yesu obuyaboine empaka ezomu mitima yabu, yakwata omwana omuto, 48yamuta ha rubajurwe, nabagambira ati Wena aliikiriza omwana onu omuto omu ibara lya nge buli aikirize nyowe: nawena aliikiriza nyowe: nawena aliikiriza nyowe, buli aikirize ogu ayantumire: baitu anyakuli omuto omulinywe, nuwe mukuru. 49Yohana akagarukamu nagamba ati Mukama waitu, tukarora omuntu nabinga emizimu omu ibara lyawe; twamutanga, obwokutakuratira itwe 50Baitu Yesu yamugambira ati Mutamutanga; baitu atali munyanzigwa wanyu, buli ali habwanyu. 51Kandi kyahika ebirobye ebyokutwarwa haiguru obubikaba nibi’sana okuhiki’ra, yagumiza kimu amaisoge okugenda Yerusalemu, 52yatuma abakwenda omu kika ekya Babsamaliya okumutekaniriza. 53Baitu batamutangi’re baitu amaisoge gakaba garozire Yerusalemu. 54Kandi abegeswabe Yakobo na Yohana obubaboine, bagamba ngu Mukama waitu, noyenda twete omu’ro gusirimuke okuruga omu iguru okubahwerelereza, [nka Eriya okuyakozire]? 55Baitu yahinduka, yabahana [nagamba ati Timurukumanya mutima okuguli ogumunyinagwo. Baitu Omwana womuntu ataije okuhwerekereza obwomezi bwabantu, baitu okubujuna.] 56Kandi bakagenda omu kika ekindi. 57Kandi obubakaba nibagenda omu muhanda, omuntu omu akamugambira ati Ndakukuratiraga horagendaga hona. 58Yesu yamugambira ati Eboha ziyina ebina byazo, nenyonyi ezahagati ziyina ebiju byazo; baitu Omwana womutnu tayina hokuta omutwegwe. 59Kandi akagambira ondi ati Kuratira nyowe. Baitu ogu yamugambira ati Mukama wange, leka’male okugenda okuzika isenyowe. 60Baitu yamugambira ati Siga abafu bazike abafu babu; baitu iwe ogende ohikye honahona obukama bwa Ruhanga. 61Nondi akagamba ati Ndakukuratiraga Mukama wange, baitu banza ondeke, ‘male okuraga abomuka yange. 62Baitu Yesu yamugambira ati Busaho muntu obwata omukonogwe ha kyoma ekirima narora enyuma, asemerire obukama bwa Ruhanga.

Currently Selected:

LUKA 9: BRR64

Highlight

Copy