LUKA 10

1KANDI hanyuma yebi Mukama waitu akakomamu abandi ensanju, yabatuma babiri babiri omu maisoge, okugenda omu rubuga rwona nekiikaro kyona, nambere yayenzire wenka okuhika. 2Yabagambira ati Okugesa kwingi, baitu abakozi bake: nukwo musabe mukama wokugesa, acume abakozi omu kugesakwe. 3Mugenda omu mihanda yanyu, dora nimbatuma nkebyana byentama hagati omu nagagya. 4Mutatwara ndyanga, nobugwakuba omweko, nobuzakuba enkaito: kandi mutaramukya muntu wena omu muhanda. 5Kandi enju yona eyimurakatahamuga, mubanze mugambe ngu Obusinge buikale omu nju enu. 6Kandi omwana wobusinge obwalibali oku, obusinge bwanyu buliikara nauwe: baitu obukiriba kitalikyo, bulibagarukira inywe. 7Kandi omu nju egi numwo muliikaramu, nimulya nimunywa ebi ebinalibaha: baitu omukozi asemerire emperaye. Mutaliruga omu nju emu okutaha omu nju endi. 8Norubuga rwona orumurakatahamuga nibabaikiriza, mulyege ebi ebibalita omu maiso ganyu: 9mukizege abarwaire abanyakuli omu, mubagambirege ngu Obukama bwa Ruhanga bubairire haihi. 10Baitu orubuga rwona orumurakatahamuga batarukubaikiriza, mulituruka omu makute garwo, nimugamaba ngu 11Necucu eyomu rubuga rwa nyu, erukukwatira omu bigere byaitu, nayo tugibaragalize inywe: baitu mumanye ngu obukama bwa Ruhanga buirire haihi. 12Nimbagambira nti Okubonabonesebwa okwa Sodomu kuliba nokuganyirwa ha kiro eki okukira okworubuga oru. 13Zirikubona Korazini! Zirikubona Besesaida! Baitu ebyamani ebyakolirwe owanyu, kakuba byakolirwe Turo na Sidoni, bakwegarukiremu ira, baikalire bajaire ebitengo niju. 14Baitu okubonabonesebwa okwa Turo na Sidoni kuliba nokuganyirwa ha kiro kyomusango okukira okwanyu. 15Naiwe Kaperenaumu, olinyumizibwa haiguru muno? Olisirimurwa okuhika okuzimu. 16Anyakuhu’ra inywe buli ahulire nyowe; kandi anyakwanga inywe buli ayangire nyowe; kandi anyakwanga nyowe buli ayangire ogu ayantumire. 17Kandi ensanju bakagaruka nokusemererwa, nibagamba ngu Mukama waitu, nemizimu nayo netuhu’ra omu ibara lyawe. 18Yabagambira ati Nkarora Swtani agwire okuruga omu iguru nkenkuba. 19Dora, mbahaire obusobozi obwokulibata enjoka, nenaku namani gona agomunyanzigwa: kunu busaho kintu ekiribakora kubi na kake. 20Baitu eki mutalisisemere’rwa emizimu okubahu’ra; baitu nikyo musemere’rwe, amahanga ganyu okuhandikwa omu iguru. 21Omu kasumi ako akasemererwa omu Mwoyo Ogurukwera nagamba ati Ninkusima Isenyowe, Mukama wiguru nensi, baitu akasereka ebigambo ebi hali abamagezi nabanyakweregereza, wabisuku’ra abana abato: ego Isenyowe; baitu nukwo kyasemire kiti omu maiso gawe. 22Byona bikampebwa Isenyowe; kandi busaho amanyire Omwana okwali, rundi Isitwe; nobwakuba isitwe okwali, rundi Omwana, nogu Omwana owagonza okumusuku’ra. 23Yahindukira abegeswa nabagambira omusnita ati Gayina omugisa amaiso agarora ebigambo ebimurora inywe: 24baitu nimbagambira nti Banabi nabakama baingi bakagonza okurora ebimurukurora, tibabibona; nokuhu’ra ebimurukuhu’ra tibabihu’ra. 25Kandi dora, omwegesa owebiragiro akeme’ra namulenga, nagamba ati Omwegesa, ndakora kiokugwetwa obwomezi obutahwaho? 26Yamugambira ati Kikahansikwa kita omubiragiro? 27Osome ota? Yagarukamu nagamba ati Ogonzege Mukama Ruhanga wawenomutima gwawe gwona, nomwomezi bwawe bwona, namani gawe gona, namagezi gawe gona; Nomutahi wawe nkokworukwegonza wenka. 28Yamugambira ati Ogarukiremu kirungi: nukwo okolege oti, olyemera. 29Baitu ogu akaba nayenda okweyihaho omusango, yagambira Yesu ati Kandi omutahi wange araha? 30Yesu yagarukamu nagamba ati Omuntu omu akaba arugire Yerusalemu nasirimuka Yerisko yagwa omu bazinzi abamujuire ebyokujwara, bamutera, barugayo bamusigire na’sana okufa. 31Kandi nyakatagara omu akaba nasirimuka omu muhanda ogu atakimanyireho: obuyamuboine yamuhinguraho ha rubaju, yagenda. 32Nukwo Nomulevi, obuyahikire ha kiikaro eki namurora, yamuhinguraho ha rubaju, 33Baitu Omusamaliya omu akabali omu rugendo akaija namberali: kandi obuyamuboine yamukwatirwa embabazi, yamuizira, 34yasemba emputaze nasesemu amagita nomubazi; yamutembya ensoroye wenka, yamuleta omu nju yabagonyi, yamurwaza. 35Kandi obuire obubwakire nyenkya yaihamu edinali ibiri nyenkya yaziha nyineka namugambira ati Murwaze; ekintu kyona ekyolihayo okusagaho, nyowe obundigaruka ndikusasura. 36Notekereza ota, araha hali abo abasatu akabali omutahi wogu ayagwire omu bazinzi? 37Yagamba ati Ogu ayamuganyire. Kandi Yesu yamugambira ati Naiwe nukwo ogende okole oti. 38Kandi obubakaba nibagenda omu muhanda gwabu, yataha omu kika ekimu: omukazi omu ibaralye Maliza, yamuiriza omu njuye. 39Kandi akabanyina owanyina ibaralye Malyamu, ayaikalire ha bigere bya Mukama waitu, nahu’ra ekigambokye. 40Baitu Maliza akaba natalibana obwokuhereza okwingi; yaija namberali namugambira ati Mukama wange, torukukitaho mutima, baitu owanyina nyowe ansigirege okuhereza nyenka? Nukwo omugambire ankonyere. 41Baitu Mukama waitu yagarukamu namugambira ati Maliza, Maliza, iwe otuntuire notabana obwebigambo bingi: 42baitu ekigambo ki Malyamu ayegomboize omugabo ogu ogusemire, ogutalimuihwaho.

Currently Selected:

LUKA 10: BRR64

Highlight

Copy