LUKA 11

1KANDI kyahiak obwakaba nasaba omu kiikaro ekimu, obuyamazire, omu hali abegeswabe yamugambira ati Mukama waitu, otwegese okusaba nka Yohana okuyayegeseze abegeswabe. 2Yabagambira ati Obumurasabaga nukwo mugambege muti Isitwe, ibara lyawe dyezebwe, Obukama bwawe buije. 3Otuhege obukyabukya ebyokulya bayaitu ebyekiro. 4Kandi otuleke’re ebibi byaitu; baitu naitwe tuganyira bona abatutonga. Kandi otatutwara omu kwohebwa. 5Kandi akabagambira ati Araha omulinywe anyina enganjaniye, aligenda namberali omu itumbi, namugambira ati Enganjani yange, nyohoza emigati esatu; 6baitu enganjani yange anyizirire omu rugendorwe; kandi nyowe tinyina kyokuta omu maisoge. 7Nogu anyakuli omunda aligarukamu nagamba ati Otangadya; oruigi rukingirwe abana bange nanyowe tubyamire; tindukusobora kuimuka okukuha. 8Nimbagambira nti Nobwaraba atarukwenda kuimuka okumuha obwokuba enganjaniye, baitu obwokumugadya araimuka namuha byona ebyarususe’ra. 9Kandi nimbagambira inywe nti Musabe mulihebwa; muse’re mulizora; mwerange mulikingu;rwaho. 10Baitu wena asaba nuwe ahebwa; nanyakuse’ra nuwe azora; nanyakweranga nuwe alikingu’rwaho. 11Kandi araha omulinywe ali ise omwana nomwana obwalimusaba omugati, alimuha ibale? Rundi obwalisaba encu, elimuha enjoka omu kiikaro kyencu? 12rundi obwalisaba ihuli, alimuha orunaku? 13Nukwo inywe ababihire, obumuraba mumanyire okubaha abana banyu ebisembo ebisemire, Isenyowe anyakuli omu iguru talikira muno okubaha Omwoyo Ogurukwera abanyakumusaba?

14Kandi akaba nabinga omuzimu ogufire akanwa. Kandi omuzimu obugwarugiremu, kifa munwa yagamba; ekitebe kyahuni’ra. 15Baitu abamu bakagamba ngu Abinga emizimu habwa Beerezebuli omukuru wemizimu. 16Nabandi bakamwohya, nibamusaba akokuro’raho akaruga omu iguru. 17Baitu uwe yakenga ebitekerezo byabu, yabagambira ati Obukama bwona obububaganizibwamu bwonka buhwereke’ra; nenju obwebaganizibwamu yonka egwa. 18Kandi Setani nauwe obwabaganizibwamu wenka, obukamabwe buliikaraho buta Baitu inywe nimugamba ngu Nyowe mbinga emizimu habwa Beerezebuli. 19Nyowe obundaba nimbinaga emizimu habwa Beerezebuli, abana banyu bagibinga habwoha? Nukwo balibacwera omusango. 20Baitu nyowe obundaba nimbingisa emizimu orukumu rwa Ruhanga, nukwo obukama bwa Ruhanga bubaizirire. 21Omusaija owemanzi obwayina ebyokurwanisabye nalinda ezigatiye wenka, ebintubye nubwo biikaraho nobusinge: 22baitu anyakumukira amani obwalimuizira, namusingura, amuihaho ebyokurwanisabye byona ebiyayesigaga, nagaba ebintubye. 23Atali habwange buli ali munyanzigwa wange; kandi atasoroza nanyowe buli ararangya. 24Omuzimu omubi obuguruga omu muntu, guraba omu biikaro nambere hatali emaizi nuguse’ra hokuhumura; obugutazora gugamba ngu Kangarukeyo omu nju yange nambere narugire. 25Kandi obugumara kuija, gugisanga esingolire, etarumu. 26Kandi gugenda, guleta emizimu ensi musanju, ebihire muno okukira ogu; etaha ikara omu: kandi ebyahanyuma ebyomuntu ogu bikira obubi ebya kara. 27Kandi kyahika obuyagambire ebigambo ebi omukazi omu hali ekitebe yaimukya irakalye, namugambira ati Eyina omugisa enda egi eyakuzaire, nambere agawayonkere. 28Baitu yagamba ati Okukira, banyina omugisa abarukuhu’ra ekigambo kya Ruhanga nibakikwata. 29Kandi ebitebe obubukaba nibigomera ahamu namberali, akabanza okugamba ati Obusinge bunu businge bubi: nubuse’ra akokuro’raho; kunu tibulihebwa kokuro’raho, rundi akokuro’raho aka Yona. 30Baitu nka Yona okuyafokere akokuro’raho hali Abanineve, nukwo 31Omukama mukazi owobukizi bwobulyo ali imuka omu musango hamu nabantu abobusinge bunu, alibasingisa omusango: baitu akaruga ha mpero zensi okuhu’ra amagezi ga Sulemanil; kandi dora, arukukira Sulemani ali hanu. 32Abantu Abaninevi balyeme’ra omu musango hamu nobusinge bunu, balibusingisa omusango: baitu bakegarukamu obwokutebeza kwa Yona; kandi dora, arukukira Yona ali hanu. 33Busaho muntu akwatiriza etabaza, nagita omu kina nobuhokuba omunda yekigega, baitu agita ha kati kayo abo abatahamu barole okwaka kwayo. 34Etabaza eyomu mubiri gwawe gwona nagwo guijuire omusana; baitu obuliba libihire, omubiri gwawe nagwo guijuire omuirima. 35Nukwo oyerinde, omusana ogunyakuli omulinywe gutaba muirima. 36Nukwo omubiri gwawe gwona obuguba guijuire omusana, gutayina akacweka na kamu akomuirima, guraiju’raga kimu omusana, nketabaza obwekumulikira nokwaka kwayo. 37Kandi obwakaba nagamba,Omufalisayo akamweta okulya nauwe: yatahamu yaika’ra ha byokulya. 38Kandi Omufalisayo obuyaboine yahuni’ra, baitu atabanze okunaba atakalire. 39Mukama waitu yamugambira ati Inywe Abafalisayo mwogya ha ruguru yakatema nekibindi; baitu omunda yanyu muijuire okugobeza nobubi. 40Inywe abadomadoma, ogu ayakozire ha ruguru tinuwe yakozire nomunda? 41Baitu ebyomu mutima mubigabege okuba ebyokuganyira; kandi dora, byona bisemezibwe halinywe. 42Baitu ziribaboba inywe Abafalisayo! baitu muhonga ekicweka ekya ikumi ekyomubuiga, neyobyo, nemikumbi yona, baitu omusango ogwobulyo nokugonza Ruhanga mubihinguraho: baitu ebi kikabahiki’ra okubikora, na biri okutabirekayo. 43Ziribabona inywe Abafalisayo! baitu nimugonza entebe ezahagati omu maso’rokaniro, nokuramukibwa omu butale. 44Ziribabona! Baitu nimusisana nkebituro ebitarorwa, kandi abantu ababiribataho tibamanya. 45Kandi omu hali abegesa ebiragiro yagarukamu namugambira ati Omwegesa obwogamba eki buli ojumire naitwe. 46Yagamba ati Ziribabona nainywe abegesa ebiragiro! Baitu mutweka abantu enketo eziremera muno, kunu inywe inywenka timuzikoraho enketo norukumu rumu. 47Ziribabona inywe! Baitu mwombeka ebituro byabanabi, nabaisenkuru inywe bakabaita. 48Nukwo muli bakaiso, nimuikiriza engeso zabasenkuru inywe: baitu nibo babaisire, nainywe mwombeka ebituro byabu. 49Namagezi ga Ruhanga nikyo gambire ngu Ndituma nambere bali banabi nabakwenda; abamu hali abo balibaita, balibahiga; 50esagama ya banabi bona, eyasesekere okuruga ha kuhangwa kwensi, ejunanizibwe abobusinge bunu; 51okuruga ha sagama ya Aberi, okuhika ha sagama ya Zakaliya, ayaferire hagati yekyoto na yekaru: ego, nimbagambira nti erijunanizibwa abobusinge bunu. 52Ziribabona inywe abegesa ebiragiro! Baitu mukaihaho ekisumuruzo ekyokwetegereza: mutatahemu inywenka, kandi abo abakaba nibatahamu mukabatanga. 53Kandi obuyarugireyo, abahandiki Nabafalisayo bakabanza okumufunza muno, nokumwohya okugamba ebigambo bingi; 54nibamutega, bakwate ekigambo ekiruga omu kanwake.

Currently Selected:

LUKA 11: BRR64

Highlight

Copy