LUKA 12

1OMU biro ebi abantu abekitebe enkumi nenkumi obubakaba baso’rokaine ahamu, nibalibatangana, yabandiza ha begeswabe okubagambira ati Mwerinde ekitumbisa Ekyabafalisayo, nubwo bugobya. 2Baitu busaho ekiswekerwe ekitalisuku’rwa: nobukyakuba ekiserekibwe ekitalimanyisibwa. 3Nukwo byona ebimwagambire omu muirima kirihuli’rwa omu musana; neki ekimwagambire omu kutu ha kaifo, kiridumirwa eruguru ha nju. 4Kandi nimbagambira inywe enganjani zange nti Mutatini abo abanyakuita omubiri, hanyuma tibanyina kindi ekibasobora okukora. 5Baitu ndabahabura oumuratinaga: mutinege ogu obwamara okuita, ayina obusobozi okunaga omu Gehena; ego, nimbagambira nti Mutinege ogu. 6Ebisirya bitano tibiguramu senti ibiri? Kandi nakatahi kamu konka tikeba omu maiso ga Ruhanga. 7Baitu nisoke eryaha mutwe gwanyu libazirwe lyona. Mutatina: muli bomuhendo okukira ebisirya bingi. 8Kandi nimbagambira nti Wena alinyikiriza omu maiso gabantu, nuwe Omwana womuntu aliikiriza omu maiso gabamaraika ba Ruhanga: 9baitu anyakunyehakana omu maiso gabantu, nuwe alihakanwa omu maiso gabamaraika ba Ruhanga. 10Kandi wena aligamba ekigambo ha Mwana womuntu, kirimulekerwa: baitu ogu anyakujuma Omwoyo Ogurukwera tikirimulekerwa. 11Kandi obubalibaleteta omu maso’rokaniro, na hali abalemi, nabanyakuina obusobozi, mutalituntu’ra ekimuligarukamu, 12nekimuragamba: baitu Omwoyo Ogurukwera nubwo alibegesa ekibasemerire okugamba.

13Kandi omu hali ekitebe aka mugambira ati Omwegesa gambira mugenzi wange abagane nanyowe obugwetwa bwaitu. 14Baitu yamugambira ati Musaijawe, noha yantaireho okubacwera omusango, rundi okubaramu’ra? 15Yabagambira ati Mwerinde okwegomba kwona: baitu obwomezi bwomuntu tiriri itungolye eryayinalyo. 16Kandi akabacwera orufumo ati Hakaba haloho omuntu omu emisirye neyera bingi: 17akahanura omundaye nagamba ati Nsakora nta, baitu tinyina hokwahura ebyana byange? 18Yagamba ati Nukwo ndakora: ndasesa enguli zange, ndyombeka ezikira obukoto; numwo ndayahu’ra oburo bwange nitungo lyange. 19Kandi ndigambira obwomezi bwange nti Obwomezi, oyina itungo lingi lyahuirwe eryokumara emyaka mingi; humura, olye, onywe, osemererwe. 20Baitu Ruhanga akamugambira ati Iwe mudomadoma ekiro kinu nubwo barakuihaho obwomezi bwawe; nitungo eriwayahuire liriba lyoha? 21nukwo asisana ati, anyakweyahu’ra wenka itungo, kunu tali muguda hali Ruhanga. 22Kandi akagambira abageswabe ati Nikyo ndukubagambi’ra nti Mutalituntu’ra bwomezi bwanyu, ekimuralyaga; nobugwakuba omubiri gwanyu, ekimurajwaraga. 23Baitu obwomezi nubukira ebyokulya, nomubiri nugukira ebyokujwara. 24Mutekereze ebingora okubitasiga nobukwakuba okugesa; abitanyina mbiso nobwekuba enguli; kandi Ruhanga abirisa: inywe timurukukira muno omuhendo enyonyi? 25Noha omulinywe obwatuntura arasobora okweyongeraho okuraihakwe nekiganja kimu? 26Nukwo, obumutasobora okukora ekirukukira obuke nimutuntu’ra ki obwebindi? 27Mutekereze amaranga okugamera: tigakora mirimo nobukwakuba okwongosa engoye; baitu nimbagambira nti Na Sulemani omu kitinisakye kyona, atajwale nkitahirimu eryago. 28Baitu Ruhanga obwajweka ati obunyansi obwomu kisaka, obuloho hati, kandi nyenkya babunaga ha komi; talikira muno okubajweka inywe abokuikiriza okuke? 29Kandi mutase’ra ekimuralyaga nekimuranywaga, kandi mutagurukyagurukya omu mutima gwanyu. 30Baitu ebi byona amahanga hensi nibyo gase’ra: baitu Isinywe amanyire okumutaga ebintu ebi. 31Baitu inywemuse’re obukamabwe, nebi byona biribaga’rwaho. 32Otatina iwe igana like; baitu Inywe asemerirwe okubaha inywe obukama. 33Mugule ebimuyinabyo, mugabe ebyokuganyira; mweko’re emyeko etarukukura, itungo eryomu iguru eritahwaho, nambere omusuma atai’ra haihi, nobwekuba enyenje okusisa. 34Baitu itungo lyanyu nambere liroho nomutima gwanyu nuho guikara. 35Mwetegereze omunda zanyu, 36netabaza zanyu zakege; nainywe muikalege nkabantu abategereza mukama wabu, obwaligaruka okuruga omu bugenyi bwobugole; obwaliija nayeranga bamukingu’reho bwango. 37Babyiba omugisa abairu aborubale, omukama wabu obwaliija abalisanga nibarora; mananukwo nimbagambira nti Alyetega omunda, alibahereza. 38Kandi obwaliija omu kisisimuka ekyakabiri, rundi ekyakasatu, nabasanga bali bati, banyina omugisa abo. 39Baitu kinu mukimanye, kusangwa nyineka yamanyire akasumi omusuma akaraiziramu, yakurozire, okutasiga enjuye okulimwa. 40Nukwo naiinywe mwetekanizege: baitu omu kasumi akamutatekereza, niko Omwana womuntu aliiziramu. 41Kandi Petero yagamba ati Mukama waitu orufumo runu norutucwera itwe, nandiki bona? 42Mukama waitu yagamba ati Araha ogu omuketo owokwesiga owamagezi, omukama we owalisigira abomu njuye, okubagabiraga omugabo gwabu ogwebyokulya omu kasumi kabyo? 43Anyina omugisa omuiru ogu rubale, mukamawe obwaliija owalisanga nakora ati. 44Mananukwo nimbagambira nti alimwahuza byona ebyayinabyo. 45Baitu omuiru ogu rubale obwaligamba omu mutimagwe ati Mukama wange aikaireyo okutaija; kandi alibanza okutera abairu nabazana, 46nokulya, nokunywa, nokutamira; mukama womuiru ogu rubale aliija hakiro ekyatategerezamu, omu kasumi akatamanyire, alimucwamu babiri, alimuha omugabogwe hamu nabataruikiriza. 47Nomuiru ogu rubale, ayamanyire mukamawe ebyagondeze, kandi atetekanize, nobukwakuba okukora nkokuyagondeze, nuwe aliterwa muno; 48baitu ataramanyire nakora ebisemerire okumuteza, nuwe aliterwa kake. Kandi wena anyakuhebwa ebingi, ogu alitongwa bingi; nogu oubahuza ebingi, nuwe balikira okutonga bingi. 49Nkaija okubaga omu’ro hansi; kandi obuguraba gwakire hati nyowe ninyenda ki? 50Baitu nyina okubatizibwa okudibatizibwamu; nanyowe nsalirwa okuhika obukulikahiki’ra. 51Nimutekereza nkaija okuleta obusinge hansi? Nimbagambira nti Nangwa; rundi okubaganizamu. 52Baitu okuruga hati halibaho batano omu nju emu babaganizibwemu, abasatu nababiri, nababiri, nabasatu. 53Balibaganizibwamu ise nomwanawe, nomwana na ise; nyina nomuisikiwe, nomuisiki na nyina; nyinazara na mukomwanawe, na mukomwana na nyinazara.

54Kandi akagambira ebitebe nabyo ati Obumurora ekicu nikiruga obukizi ahonaho mugamba ngu enjura yagwa: kandi nukwo kiba kiti 55Obumurora omuyaga nuguruga obukizi obwobulyo, mugamba ngu Harabaho okutagata kwingi; nukwo kihika. 56Abagobya inywe, mumanyire okulenga ekisisani kyensi niguru; baitu kiki ekibatangire okumanya akasumi kanu? 57Kandi kiki ekibatangire inywenka okucwa eyobulyo? 58Baitu obworabaga nogenda noguokulegere hali omukuru, oyekambege omu muhanda okuterana nauwe; aleke okukucunda hali omucwi wemisango, nomucwi wemisango alikuhayo hali omuduma, nomuduma alikunaga omu nju yenkomo. 59Ninkugambira nti Toliruga omu na kake, okuhika obwolikaliha senti eyahampero.

Currently Selected:

LUKA 12: BRR64

Highlight

Copy