LUKA 7

1KANDI obuyamazire ebigambobye byona omu matu gabantu, yataha Kaperenaumu. 2Kandi hakaba haroho omunyoro owekihanda, omuiruwe rubale owakaba nagonza muno akaba arwaire, na’sana okufa. 3Kandi obuyahulire ha Yesu, yamutumira abakuru Babayudaya, namusaba okuija okujuna omuiruwe rubale. 4Abo obubaizire hali Yesu bamwesengereza muno ngu Asemerire okuko’rwa kinu: 5baitu nagonza ihanga lyaitu, niso’rokaniro lyaitu nuwe yalitwombekire. 6Kandi Yesu yagenda nabo. Kandi obwakaba atagiri hara enju, omunyoro owekihanda yatuma enganjanize namberali, nibamugambira ngu Mukama wange otegadya okuija: baitu tindukuseme’ra iwe okutaha omunda yorusurwange: 7nikyo ntayetekererize nyenka okuseme’ra okuija nambo kwonka, omwojo wange arakira. 8Baitu na nyowe ndi muntu omulemwa, nyina baserikale abadama: kandi ngambira onu nti Ija; nomuiru wange rubale nti Kora kinu, akikora. 9Kandi Yesu obuyahuklire ebi yamutanga’ra, yahinduka yagambira abekitebe abamuhondire ati Nimbagambira nti Tinkabonaga kuikiriza kwingi kuti, nobuhokuba omu Isareri. 10Nabo abatumirwe, obubagarukireyo omu nju, basanga omuiru rubale ayomire. 11Kandi kyahika, ekicu kike kihinguireho, akagenda omu rubuga orurukwetwa Naini; nabegeswabe bakagenda nauwe, nekitebe kingi. 12Kandi obuyairire haihi nirembo lyorubuga, dora, omutumbi lyorubuga, aheru, omwana ayazairwe omu wenka nyina, nogu akabali mufakati: kandi abantu baingi abomu rubuga bakaba bali nauwe. 13Mukama waitu obuyamuboine, yamuganyira, yamugambira ati Ota’ra. 14Yai’ra haihi, yakora ha ruhinyo, abetweki bayeme’ra. Yagamba ati Omwojo, ninkugambira nti Imuka. 15Nogu akaba afire yaika’ra, yabanza okubaza. Yamuha nyina. 16Okutina kwabakwata bona: bakugiza Ruhanga nibagamba ngu Nabi mukuru aimukire omulitwe: kandi ngu Ruhanga abungire abantube. 17Kandi okuranganwa kununa haluwe kwahika omu Buyudaya bwona, nesni yona ehe’raine. 18Kandi abegeswa ba Yohana bakamutebeza ebigambo ebi byona. 19Yohana yayeta namberali babiri hali abegeswabe, yabatuma hali Mukama waitu, nagamba ati Niwogu arukuija, nandiki tutegereza ondi? 20Kandi abasaija obubaizire namberali, bagamba ngu Yohana Omubatizi atutumire namberoli nagamba ati Niwogu arukuija, nandiki tutegereze ondi? 21Omu kicu eki akakiza baingi endwara norufu nemizimu emibi; nabafu bamaiso akabaigura amaiso. 22Yagarukamu nabagambira ati Mwegendere, mutebeze Yohana ebimuboine nebimuhulire; abafu bamaiso nibarora, abaramaire nibagenda, abagenge basemezibwe, abafu bamatu nibahu’ra, abafire bahumbuirwe, abasege batebezibwe ebigambo ebirungi. 23Kandi ayina omugisa wena atanyesitaraho. 24Kandi abakwenda okugenda, Yabanza okugambira ebitebe ha Yohana ati Mukagenderayo ki omu irungu okurora? Orubingo orurukutengesebwa embeho? 25baitu mukagenderayo ki okurora? Omusaija ajwaire engoye ezirukworoba? Dora abo abajwara engoye ezirukworoba, nibalya ebyokulya ebirungi, baikara omu zigati ezabakama. 26Baitu mukagenderayo ki okuroea? Nabi? Ego, nimbagambira nti nokukira muno nabi. 27Onu nuwogu ayahandikirweho ngu

Dora, nintuma omukwenda wange omu maiso gawe,

Alitekaniza omuhanda gwawe omu maiso gawe.

28Nimbagambira nti Omuli abo abazarwa abakazi busaho arukukira Yohana; baitu omuto omu bukama bwa Ruhanga nuwe mukuru okukira uwe. 29Kandi abantu bona obubahulire nabazinisa, bayatura Ruhanga ngu ahikirire, nibo babatizibwe omu kubatizibwa kwa Yohana. 30Baitu Abafalisayo nabegesa bebiragiro bakeyangira bonka okuhanura kwa Ruhanga, nibo batarabatizibwe uwe. 31Nukwo abantu abobusinge banu ndabasisaniza nkaha? Kandi nibasisana na ki? 32Nibasisana nkabana abaika’ra omu katale nibetangana bonka; abagamba ngu Tukabate’ra enyamulere, timwazina; tukatera empamo, timwa’ra. 33Baitu Yohana omubatizi akaija atarukulya omugati, nobukwakuba okunywa amarwa nainywe mugamba ngu Aloho omuzimu. 34Omwana womuntu akaija nalya nanywa, nainywe mugamba ngu Dora omuntu omukoizi, omutamizi enganjani yabazinisa nabasisi. 35Kandi amagezi gaihwaho omusango obwabana bago bona.

36Kandi omu hali Abafalisayo akamweta okulya nauwe. Yataha omu nju Yomufalisayo, yaika’ra ha byokulya. 37Kandi dora, omukazi akabali ha rubuga, omusisi; obuyamanyire aikalire ha byokulya omu nju Yomufalisayo, yaleta ihembe eryamagita gobwotere, 38yayeme’ra enyuma ha bigerebye na’ra, yabanza okutonyeza amaizi ha bigerebye, yabisisiriza nisoke lyomutwegwe, namunywegera muno ebigerebye, nabisigaho amagita. 39Kandi Omufalisayo ayamwesere obuyaboine, yagamba omundaye ati Omuntu onu, kakuba abaire nabi, akwetegerize omukazi onu arukumukoraho okwali, kandi okwarukusisa, okwali omusisi. 40Yesu yagarukamu namugambira ekindukwenda okukugambira. Yagamba ati Omwegesa, gamba. 41Hakaba haloho omuntu ayayohoraga, akaba ayina abarukutonga babiri: omu akaba namutonga edinali bikumi bitano, nondi amakumi atano. 42Obubakaba batanyina kyokumara ibanja, yabalekera bombi. Noha hali abo alikira okumugonza? 43Simoni yagarukamu nagamba ati Nindenge’ra ogu ouyalekerire ebingi. Yamugambira ati Ocwire kurungi. 44Yahindukira omukazi yagambira Simoni ati Obine omukazi onu? Ntahirege omu nju yawe, tompaire maizi agebigere byange: baitu ogu anabisize ebigere byange namaizi agomumaiso, nabisisiriza nisokelye. 45Iwe tonywegire, baitu ogu mabaire kutahamutakalekere okunywegerea muno ebugere byange. 46Tonsesire magita ha mutwe gwange: baitu ogu ansigire ebigere byange namagita aobwotere. 47Nikyo nkugambirire nti Ebibibye ebingi bimuihirweho; baitu okugonzakwe kwingi, baitu anyakuihwaho ebike, nuwe agonza kake. 48Yamugambira ati Ebibi byawe bikuihirweho. 49Abo abakaba baikalire nauwe ha byokulya babanza okugamba omunda yabu ngu Ogu noha arukuihaho nebibi? 50yagambira omukazi ati Okuikiriza kwawe nukwo kukujunire; genda nobusinge.

Currently Selected:

LUKA 7: BRR64

Highlight

Copy