LUKA 6

1KANDI kyahika ha Sabiti, akaba naraba omu misiri yoburo; abegeswabe bakanoga entwe zoburo, nibalya nibazijungi’ra omu ngaro zabu. 2Baitu abamu hali Abafalisayo bagamba ngu Kiki ekirukubakoza ekitali kyebiragiro okukora ha kiro kya Sabiti? 3Yesu yabagarukamu nagamba ati Timugarukamu nagamba ati Timukasomaga na kinu Daudi ekiyakozire, obuyarumirwe enjara, uwe nabo abakaba bali nauwe; 4okuyatahire omu nju ya Ruhanga nakwata nalya emigati eyokwolekwa kandi okuyabahaire abo abakaba bali nauwe; etali yebiragiro okugirya, rundi banyakatagara bonka? 5Yabagambira ati Omwana womuntu nuwe Mukama wa Sabiti. 6Kandi kyahika ha Sabiti endi, akataha omu iso’rokaniro, yayegesa: kandi hakaba haliyo omuntu anyina omukono gwomere. 7Kandi abahandiki Nabafalisayo bakamurole’ra obwarakiza ha kiro kya Sabiti; barole okubaramulega. 8Baitu akamanya ebitekerezo byabu: yagambira omuntu akabanyina omukono gwomere ati Imuka, oyeme’re hagati aho. Yaimuka yayeme’ra aho 9Yesu yabagambira ati Nimbakaguza nti Kyebiragiro ha Sabiti okukora okurungi nandiki okukora okubi? Okukiza obwomezi, nandiki oku buhwerekereza? 10Kandi yababungyamu bona amaiso, yamugambira ati Go’ra omukono gwawe. Yagira ati: omukonogwe gwakira. 11Baitu bakagwa iraro, nibahanura bonka okubaramukora Yesu. 12Kandi kyahika omu biro ebi, akaturuka, yagenda ha rusozi okusaba; yakisa obuire nasaba Ruhanga. 13Kandi obuire bukire, yayeta abegeswabe; yakoma omulibo ikumi nababiri abayayesere abakwenda; 14Simon ouyarukire Petero na Andereya mugenziwe, na Yakobo na Yohana, na Firipo, na 15Batolomayo, na Matayo na Tomasi, na Yakobo owa Alifayo, na Simoni ayayetwaga Zerote, 16na Yuda owa Yakobo, na Yuda Isikalyota, nuwe yamugobize; 17kandi yasirimuka hamu nabo, yayeme’ra nambere haterekerire, nekitebe kingi kyaberekerire, nekitebe kingi kyabegeswabe, nabantu baingi muno abarugire Buyudaya bwona na Yerusalemu, nabarugire ha mugongo gwenyanja ya Turo na Sidoni, abaizire okumuhu’ra, 18nokukizibwa endwara zabu; nabo abakaba bakwasirwe emizimu emibi bakakizibwa. 19Nekitebe kyona kikase’ra okumukoraho: baitu amani gakaruga omuluwe, nigabakiza bona. 20Kandi yaimukiza amaiso abegeswabe nagamba ati Muyina omugisa inywe abasege; baitu obukama bwa Ruhanga bwanyu. 21Muyina omugisa abarukurumwa enjara hati bunu: baitu muliguta. Muyina omugisa abaruku’ra hati bunu, baitu muliseka. 22Muyina omugisa abantu obubabanoba, obubabanuga, obubajuma, obubagadisa ibara lyanyu nka libi, okubatura Omwana womuntu. 23Musemererwe ha kiro eki, mugaruke obwokukyanganuka, baitu dora, empera yanyu nyingi omu iguru: baitu nukwo baisenkurabo bakozire bati banabi. 24Baitu ziribabona inywe abaguda: baitu mumazire okutunga okusemererwa kwanyu. 25Ziribabona inywe abaigusire hati bunu, baitu mulirumwa enjara. Ziribabona inywe abarukuseka hati bunu; baitu mubihirwa, muli’ra. 26Ziribabona abantu bona obubalibagamba okurungi, baitu nukwo baisenkurubo bakozire bati banabi abebisuba. 27Baitu nimbagambira inywe abanyakuhu’ra nti Mugonzege abanyanzigwa banyu, mubagirege okurungi abanyakubanoba, 28mubasabirge omugisa abanyakubakyena, mubasabirege abanyakubagira okubi. 29Ogu akutera orusaya omuhindu’rege norwakabiri: nogu akuihaho omwegereko gwawe, nekyesomeko kyawe otalikimuima. 30Wena akusaba omuhege; nogu akuihaho ebintu byawe otaligaruka kubimusaba. 31Kandi nkokumugonza abantu okugira inywe, nainywe nukwo mubagirege muti. 32Kandi obumuraba nimugonza abarukugonza inywe, musimwa muta? Baitu nabasisi bagonza abo ababagonza. 33Kandi obumuraba nimukora kurungi abarukukora kurungi inywe, musimwa muta?

Baitu nabasisi nukwo bakora bati.

34Obumuraba nimwohora abo abamunihira okuha inywe, musimwa muta?

Nabasisi bahora abasisi, nukwo nahebwe bati.

35Baitu mugonzege abanyanzigwa banyu, mubagirege okurungi, mubohorege, okutalekayo okunihira; empera yanyu eriba nyingi, nainywe muliba bana bogu anyakuli haiguru muno; baitu abagira kurungi abatasima nababihire. 36Inywe muikalege nembabazi, nka Isinywe okwayina embabazi. 37Kandi mutalicwa musango, nainywe timuligucwerwa;

Kandi mutalihende’ra, nainywe timulihende’rwa; mulekerege nainywe mulirekerwa,

38mugabege nainywe muligabirwa; endengo enungi, igatitwe, ecikinyinzibwe, erukuseseka, niyo balibaha omu kifuba. Baitu endengo eyimulengeramu, nainywe muligirengerwamu. 39Kandi akabacwera orufumo ngu Abafu bamaiso basobora okunanata abafu bamaiso? 40Bona tibaligwa omu kina? Omwegeswa takira obukuru omwegesawe, baitu wena obwalikahiki’ra, alisisana nomwegesawe. 41Kandi noro’ra ki akantu akanyakuli ha liso lyomugenzi wawe, baitu torukutekereza enyomyo enyakuli ha liso lyawe? 42Rundi nosobora ota okugambira mugenzi wawe ngu Mugenzi wange, kankuiheho akantu akali ha liso lyawe, kandi naiwe torukurora nyomyo enyakuli ha liso lyawe? Mugobya iwe, banza oiheho enyomyo na liso lyawe, nukwo olihweza kuringi okuihaho akantu akanyakuli ha liso lyomugenzi wawe. 43Baitu busaho muti ogusemire ogurukwana ebyana ebibihire; nobugwakuba omuti ogubihire ogurukwana ebyana ebibihire; noburukwana ebyana ebisemire. 44Baitu omuti gwona gumanyirwa ha byana byagwo gwonka. Baitu abantu tibanoga amatini ha mahwa, nobukwakuba okunoga emizabibu ha kyeramaino. 45Omuntu asemire aiha ekisemire omu lyahu’ro erisemire eryomutimagwe; kandi omuntu ebihire aiha ekibihire omu lyahu’ro eribihire: baitu ebisaga omu mutima akanwake nibyo kagamba. 46Kandi munyetera ki Mukama wange, Mukama wange kunu timukora ebigambo ebingamba? 47Omuntu wena anyakuija namberendi, nahu’ra ebigambo byange, nabikora, ndabaleka owarukusisana: 48nasisana nkomuntu ayombeka enju, nalima okuhamya muno, nagumya emiganda ha mwandara: kandi ebitungezi obubyaizire omugenzi gukatera enju egi, baitu gutasobole kugitengesa; baitu ekombekwa kurungi. 49Baitu ogu ahu’ra atarukukora, nasisana nkomuntu ayayombekere enju ha itaka nambere omuganda gutali, kandi omugenzi gukagitera; ahonaho yagwa; nokugwa kwenju egi kukaba kuli kwingi.

Currently Selected:

LUKA 6: BRR64

Highlight

Copy