LUKA 22

1KANDI onugenyi obwemigati etatumbisibwe bukaba buli haihi, obubeta Okuhingurwaho. 2Banyakatagara abakuru nabahandiki bakaba nibase’ra okubaramuita, baitu bakatina abantu. 3Kandi Setani akataha omu Yuda, ayayetwaga Isikalyota, akaba ali omu hali ikumi nababiri. 4Uwe akarugayo yagenda yahanura hamu na banyakatagara abakuru nabaserikale, okwarasobora okumuhayo nambere bali. 5Baemererwa nibamuraganiza okumuha erupiya. 6Yaikiriza, yase’ra akabali, ha kitebe kitali. 7Kandi ekiro ekyemigati atakibihikirire okuita Okuhingurwaho. 8Kandi uwe akatuma Petero na Yohana nagamba ati Mugende mututekanirize Okuhingurwaho, tulye. 9Bamugambira ngu Noyenda tubutekanize nkaha? 10Yabagambira ati Murole obumurakataha ha rubuga, harabatangana omusaija ayetwekere omunaga gwamaizi; mumukuratire okutaha omu nju eyarakatahamu. 11Kandi muragambira nyineka muti Omwegesa akugambire ati Ekisika ekyabagonyi kiraha ekindaliramu Okuhingurwaho hamu nabegeswa bange. 12Nogu araboleka ekisika ekikoto ekya haiguru ekyalirwe: numwo mutekanize. 13Bagenda basanga nkokuyabagambire: batekaniza Okuhingurwaho. 14Kandi akasumi obukahikirire, yaika’ra nabakwenda hamu na uwe 15Yabagambira ati Nokwegomba nyegombere okulira hamu nainywe Okuhingurwaho kunu ntakasalizibwe: 16baitu nimbagambira nti Tindibulya na kake okuhikya obubulikahiki’ra omu bukama bwa Ruhanga. 17Yakwata empwahwa, obuyamazire okusima yagamba ati Mukwate enu mugibagane inywenka. 18Baitu nimbagambira nti Tindinywa ha byana byomuzebibu okuhikya obukama bwa Ruhanga obubulikaija. 19Yakwata omugati, obuyamazire okusima yagucwamu, yabaha nagamba ati Nugwo mubiri gwange ogwahebwayo habwanyu; nukwo mukolege muti okuijuka nyowe. 20Nukwo ati nempwahwa obubamazire okulya, nagamba ati Empwahwa enu nikyo kiragano ekihyaka ekyomu sagama yange, niyo yaseseka habwanyu. 21Baitu, dora omukono gwogu arukungobeza guli hamu na arukungobeza guli hamu nanyowe ha meza. 22Baitu mananukwo Omwana womuntu nagenda, nkokukyaragirwe: baitu zirimubona amuntu ogu arukumugobeza! 23Babanza okukaguzangana bonka ngu Noha halibo arukugenda okukora eki. 24Kandi hakabaho nempaka omulibo ngu Noha halibo atekerezibwe okuba mukuru? 25Yabagambira ati Abakama ababamahanga babalema; nabo ababatunga betwa Abakora okurungi. 26Baitu inywe mutaliba muti; baitu anyakuli owa hamutwe omulinywe, afoke nkomuto; nogu anyakuli omukuru, afoke nkanyakuhereza. 27Baitu arukukira araha? Ogu anyakuika’ra ha byokulya, rundi ogu anyakuhereza? Tinuwogu anyakuika’ra ha byokulya? Baitu nyowe hagati yanyu ninsisana nkanyakuhereza. 28Baitu ninywe mwaikaraga nanyowe omu kwohebwa kwange; 29kandi mbahulir obukama, nka isenyowe okuyanyahulire nyowe, 30inywe mulye munywe ha meza yange omu bukama bwange; kandi muliika’ra ha ntebe ezekitinisa, nimucwera omusango enganda Ezabaisareri ikumi naibiri. 31Simon, Simon, dora, Setani akabasaba, abasegese nkoburo: 32baitu nyowe nkesengereza habwawe, okuikiriza kwawe kutahwaho; naiwe obwolikagaruka okuhinduka, oligumya bene banyu. 33Yamugambira ati Mukama wange ahami naiwe nyetekanize okugenda omu nju yenkomo nomu kufa. 34Yagamba ati Ninkutebez iwe Petero, enkoko hati, okuhikya obworakamara okunyehakana emirundi esatu ngu to’manyire. 35Kandi akabagambira ati mweko, nobwekuba endyanga, nobuzakuba enkaito, mukaba nimusega kintu? Bagamba ngu Busa. 36Yabagambira ati Baitu hati bunu anyakuina omweko agujwale, nendyanga nayo; nogu atanyina mpirima, agigule omu mwegerekogwe. 37Baitu nimbagambira nti Kinu ekyahandikirwe tikirireka okuhikirizibwa hali nyowe ngu Akabalirwa hamu nabasisi: baitu ebyahandikirwe hali nyowe birina okuhiki’ra kwabyo. 38Bagamaba ngu Mukama wange dora, empirima ibiri nzinu. Yabagambira ati Kiramara. 39Kandi akarugayo yagenda, nkengesoze okuzikaba ziri, hali orusozi orwa Zeituni; abegeswa nibamukuratira. 40Kandi obuyahikire oku, yabagambira ati Musabe mutataha omu kwohebwa. 41Uwe akaba abesoroiremu hake nka hahungurwa ibale; yateza amaju hansi, 42yasaba ati Isenyowe obworaba noikiriza, onyiheho obworaba empwahwa enu: baitu kitaba nka nyowe okundukugonza, rundi nka Iwe okworukugonza nukwo kikorwe. 43Kandi hakamubonekera maraika arugire omu iguru namuga’ramu amani. 44Kandi akaba nahu’rwa nayekamba muno okusaba: nempitaze nisisana nkobutonyezi obwesagama obukoto mubugwa hansi. 45Kandi obuyaimukire omu kusabakwe, yaija hali abegeswa, yabasanga bagwijagire obwokuganya, 46yabagambira ati Mugwijagirire ki? Muimuke, musabe, muleke okutaha omu kwohebwa. 47Obwakaba nakigamba, dora ekitebe nogu ayayetwaga Yuda, omu hali ikumi nababiri, abebembire; yai’ra haihi na Yesu okumunywegera. 48Baitu Yesu yabagambira ati Yuda, nogobeza Omwana womuntu nokunywegera? 49Nabo abakaba bamwehingulirize obubaboine ebyaija okubaho, bagamba ngu Mukama waitu tuteme nempirima? 50Omu halibo yatema omuiru rubale owa nyakatagara omukuru wabu yamucwaho okutukwe okwobulyo. 51Baitu Yesu yagarukamu nagamba ati Muleke obwa kinu kyonka. Kandi yamukora ha kutu, yamukiza. 52Kandi Yesu yabagambira abanyakatagara abakuru nabalinzi abeyekaru, nabakuru obubamuizirire ati Munyizirire nkokumuizira ati Munyizirire nkokumuizira omunyagi nempirima nemiigo? 53Obunaikaraga nainywe obukyabukya omu yekaru, mutago’re mikono yanyu okunkwata: baitu kanu niko kasumi kanyu nobusobozi obwomuirima. 54Kandi bamukwata bamutwara, nibamutahya omu nju ya nyakatagara omukuru wabu. Petero yaruga enyuma hara. 55Obubamazire okuhemba omuro omu zigati hagati, nokuika’ra hansi ahamu, Petero yaika’ra hagati yabu. 56Kandi omuisiki omu obuyamuboine aikalire nambere omu’ro gwakire, yamugumiza amaiso, nagamba ati Nonu abaire ali nauwe. 57Baitu yayehakana nagamba ati Omukazi ti’mumanyire. 58Kandi akazu kake kahooreho. Ondi yamubona, yagamba ati Naiwe oli halibo. Baitu Petero yagamba ati Omusaija tindi halibo. 59Kandi akasumi akesaha emu kahinguireho, ondi yagamba muno ati Mananukwo omusaija omu abaire ali hamu nauwe: baitu Mugaliraya. 60Baitu Petero yagamba ati Omusaija, ti’manyire ekyorukugamba. Ahonaho obwakaba nakigamba enkoko yakoka. 61Mukama waitu yahinduka yarora Petero. Kandi Petero yaijuka akigambo kya Mukama waitu okwamugambirege ati Hati enkoko etakokere, oranyahakana emirundi esatu. 62Yaturuka aheru ya’ra muno. 63Kandi abasaija abakaba bakwasire Yesu bakamute’ra enaku nibamutera. 64Bakamusweke’ra ha maiso, nibamukaguza ngu Toma, akutire noha? 65Nebindi bingi bakamunyege’ra, nibamujuma. 66Kandi obuire obubwakire, ahonaho ekitebe ekyabakuru babantu kyayesoroza, nabanyakatagara abakuru nabahandiki; bamuihayo nibamutwara omu 67rukurato rwabu, nibagamba ngu Obworaba niwe Kristo otutebeze. Baitu yabagambira ati Nobwakubaire nimbatebeza timuikirize: 68Nobwakubaire nimbakaguza timugarukemu. 69Baitu okuruga hati Omwana womuntu araika’raga ha mukono ogwobulyo ogwamani gwa Ruhanga. 70Kandi bona bagamba ngu Mara, niwe Mwana wa Ruhanga? Yabagambira ati Nikyo ekimugambire. 71Bagamba ngu Ntuseru’ra ki bakaiso abandi? Baitu itwe tuhulire omu kanwake wenka.

Currently Selected:

LUKA 22: BRR64

Highlight

Copy