LUKA 21

1KANDI akaimukya amaisoge narora abaguda abakaba nibanaga ebisembo byabu omu lyahu’ro. 2Yarora omufakati omu musege nanaga omu ebicweka bya senti bibiri. 3Yagamba ati Mananukwo nimbagambira nti Omufakati onu omusege anagiremu bingi okubakira bona: 4baitu banu bona nbanagagiremuga hali ebisembo ebibasagirire: baitu ogu omu masegege anagiremu byona ebyayinabyo, niryo itungolye lyona. 5Kandi abamu obubakaba nibagamba ha yekaru, okwesemezibwe namabale agomuhendo nebyokuhonga, 6yagamba ati Ebintu binu ebimurukurora, ebiro biriija obuhatalisigwa hanu ibale erinyakuli ha ibale eritalinagwa hansi. 7Bamukaguza ngu Omwegesa nukwo ebi biribaho li? nakokuro’raho karaha ebi obubiriba nibi’sana okuhiki’ra 8Yagamba ati Mwerindege mutahabisibwa: baitu baingi abaliija omu ibvara lyange nibagamba ngu Ninyowogu; kandi ngu Akasumu kamalize kuhika: mutalibakuratira. 9Kandi obumuligu’ra obulemu nobwemi mutalyekanga: baitu ebi bihikirire okumara okubaho; baitu emperor terukuhika bwango. 10Nubwo yabagambira ati Ihanga liriramagira ihanga, nobukama buliramagira obukama: 11halibaho emisisa emikoto, nebihe norufu biribaho ahandi nahandi; halibaho nebinyakukanga nobwokuro’raho obukuru oburuga haiguru. 12Baitu ebi byona bitakabaireho balibataho emikono yabu, balibahiga, nibabahayo hali amaso’rokaniro na hali enju ezenkomo, nibabatwara omu maiso gabakama nabalemi nabalemi habwibara lyange. 13Kiribagarukira nka kaiso. 14Nikyo mukigumize omu mitima yanyu okutabanzaga okutekereza okumuragarukamu: 15baitu nyowe ndibaha akanwa namagezi abanyanzigwa banyu bona agabatalisobora okwemera nobukwakuba okuganga. 16Baitu mulihebwayo abakaikuru nabagenzi banyu, na bene banyu, nanganjani; nabamu halinywe balibaisa. 17Nainywe muranobwaga abantu bona habwibara lyange. 18Kandi nakasoke akamu akaha mitwe yanyu tikalibura na kake. 19Omu kuguma kwanyu numwo murakizaga obwomezi bwanyu. 20Baitu obumulikarora Yerusalemu amahe gagyehingulirize, nubwo mumanye ngu okuhwereke’ra kwayo kumalize okuhika. 21Nubwo abanyakuli omu buyudaya baliirukira omu nsozi; nabalituruka aheru; nabo abanyakuli omu nsi kwonka batalitahamu. 22Baitu ebi nibyo biro byokuhora enzigu, byona ebyahandikirwe bihiki’re. 23Ziribabona abaliba nenda, nabanyakwonkya omu biro ebi: baitu haliba hansi omuhito omwingi nekiniga hali abantu banu. 24Kandi balifa obwogi bwempirima, balitwarwa abanyagwa omu mahanga gona: na Yerusalemu aralibati’rwaga abamahanga, okuhikya obusumi obwabamahanga obubulikahwaho. 25Kandi halibaho obwokuro’raho omu izoba nomu kwezi nomu nyunyuzi; na hansi halibaho okubihirwa okwamahanga, nigatuntura obwokuhi’ra okwenyanja nebigonzi; 26abantu nibagwa ensazi obwokutina, nobwokutegereza ebirukuija hansi: baitu amani agaha iguru galitengesebwa. 27Kandi nubwo balirira Owmana womuntu naizira ha kicu nobusobozi nekitinisa kingi. 28Baitu ebigambo ebi obubirikabanza okuhiki’ra mulirora haiguru, muliimukya emitwe yanyu; baitu okucungurwa kwanyu kumalize okuhika. 29Kandi akabacwera orufumo: murole omutini nemiti yona: 30obwezara, inywe murora mumanyire inywenka ngu nubwo okugesa kuli haihi. 31Nukwo nainywe, mulimanya ngu Obukama bwa Ruhanga buli haihi. 32Mananukwo nimbagambira nti Obusinge bunu tibulihwaho, okuhikya ebigambo ebi byona obubirikamara okuhiki’ra. 33Iguru nensi birihwaho: baitu ebigambo byange tibirihwaho. 34Baitu mwerindege inywenka, emitima yanyu etalemerwa obwokukoija, nokutamira amarwa nokutabana okwobwomezi bunu, nekiro eki kitabahikaho bwango nkekisuli: 35baitu nukwo kiribaizira kiti bona abanyakurara hansi yona. 36Baitu inywe murolege bwona, musabege, musobole okukira ebi byona enirihiki’ra, nokweme’ra omu maiso Gomwana womuntu. 37Kandi obukyabukya yayegesaga omu yekaru; kandi ekiro yaturukaga narara ha rusozi orunyakwetwa rwa Zeituni. 38Nabantu bona bamuzindukiraga obukyabukya omu yekaru oku muhu’ra.

Currently Selected:

LUKA 21: BRR64

Highlight

Copy