LUKA 20

1KANDI kyahika, ha kiro ekimu akaba nayegesa abantu omu yekaru natebeza enjiri, banyakatagara abakuru nabahandiki nabakuru bamuizira; nibagamba ngu Tutebeze: 2obusobozi buraha oburukukukoza binu? Kandi noha yakuhaire obusobozi bunu? 3Uwe yagarukamu nabagambira ati Nanyowe ndabakaguza ekigambo; 4muntebeze; okubatiza okwa Yohana, kukaruga omu iguru nandiki omu bantu? 5Bahanura bonka ngu Obuturaba ntugamba ngu Kukaruga omu ekibatangire okumuikiriza? 6baitu obuba obuturagamba ngu Kukaruga omu bantu; abantu bona baratutera amabale; baitu batekererize kimu ngu Yohana akabali nabi. 7Nukwo bagarukamu ngu batamanye nambere kwarugire. 8Na Yesu yabagambira ati Nanyowe tindukubatebeza obusobozi okubuli oburukunkoza binu. 9Kandi akabanza okucwera abantu orufumo runu: Omuntu akabyara orugonjo rwemizabibu, yarusigira abalimi, yagenda omu nsi ensi, yaikarayo ebiro bingi. 10Kandi omwaka obugukaba guhikire, yatuma omuiru rubale hali abalimi bamuhe ha byana ebyorugonjo rwemizabibu: baitu abalimi bakamutera, bamubinga atakwasire kintu. 11Kandi yagaruka okutuma omuiru rubale ondi: nogu bakamutera, nibamugiza ensoni, nibamubinga atakwasire kintu. 12Yagaruka natuma owakasatu: nogu bamusasangura nibamubingira aheru. 13Omukama worugonjo yagamba ati Ndagira nta? Ndituma omwana wange oundukugonza; rundi balimutina. 14Baitu abalimi obubamuboine bahanura hamu bonka nibagamba ngu Nuwonu mugwetwa: timuite, obugwetwa bube bwaitu. 15Bamugambira aheru yorugonjo, bamuita. Mara kiki ekyalibakora omukama worugonjo? 16Aliija alihwerekereza abalimi abo, aliruha abandi orugonjo orwemizabibu. Kandi obubahulire bagamba ngu A-a, nikikafuhe. 17Baitu uwe yabarora nagamba ati Nukwo yabarora nagamba ati Nukwo kiki kinu ekyahandikirwe ngu Ibale abombeki eribayangire, Niryo lyafokere erikuru eryaha karugu? 18Wena wena anyakugwa ha ibale eri alicwekacweka; baitu ogu wena oulirigwaho, lirimucucura nkecucu. 19Omu kacu ako abahandiki nabanyakatagara abakuru nubwo baseruire okumutaho emikono; kandi bakatina abantu; abacwerire bo orufumo oru. 20Bamurole’ra nibatuma abatasi, abayefoire abahikirire, bamusonasone omu bigambobye, bamuheyo hali okucwa omusango okwomulemi nobusobozibwe. 21Kandi bakamukaguza ngu Omwegesa, tumanyire iwe ogamba kandi oyegesa kurungi, okutasorara omu bantu, baitu mananukwo oyegesa omuhanda ogwa Ruhanga: 22kyebiragiro itwe okuzinira Kaisali omusoro, nandiki tikirikyo? 23Baitu akakenga obugobya bwabu, 24yabagambira ati Munyoleke edinali. Eroho ekisisani nebihandikirwe byona? Bagamba ngu Byakaisali. 25Yabagambira ati Nukwo muheyoga hali Kaisali ebya Kaisali, na hali Kaisali ebya Kaisali, na hali Ruhanga ebya Ruhanga. 26Kandi batasobole kumuhambiriza obwekigambo eki omu maiso gabantu: nibahuni’ra obwokugarukamukwe, nibaculera kwonka. 27Kandi hakaija namberali Abasadukayo abamu abagamba ngu Busaho kuhumbuka; 28bamukaguza ngu Omwegesa, Musa akatuhandikira ati Omugenzi womuntu obwafa nasiga mukaziwe atakazaire bana, mugenziwe atakazaire bana, mugenziwe aswerege mukaziwe aza’rege mugenziwe abana. 29Nukwo, hakaba haloho abaisemu musanju: owokubanza akaswera omukazi: yafa atazaire bana; nowakabiri; 30nowakasatu akamuswera; 31nukwo bona omusanju bafire bati batasigireho bana. 32Hanyuma nomukazi yafa. 33Nukwo, omu kuhumbuka, alika muka oha hali abo? Baitu bona omusanju bakamuswera. 34Kandi Yesu yabagambira ati Abana abensi enu baswera, bagaburwa: 35baitu abo abatekerezebwa basemerire okuhika omu nsi egi nomu kuhumbuka okwabafu, tibaswera nobukwakuba okugaburwa: 36kandi tibasobora okufa bwakabiri: baitu bainganaingaine nabamaraika; bali bana ba Ruhanga, nibo bana bokuhumbuka. 37Baitu okuhumbuka okwabafu, na Musa akakwoleka ha Rusaka obuyayesere Mukama Ruhanga wa Iburahimu, na Ruhanga wa Isaka, na Ruhanga wa Yakobo. 38Nukwo, tali Ruhanga wa bafu, baitu wabomezi: baitu bona bomire habwe. 39Kandi abomu bahandiki abamu bagarukamu nibagamba ngu Omwegesa ogambire kurungi. 40Baitu batagume kumukaguza kigambo kindi kyona.

41Yabagambira ati Bagamba bata ngu Kristo mwana wa Daudi? 42Baitu Daudi wenka agamba omu kitabu ekya zabuli ati

Mukama akagambira Mukama wange ati

Ika’ra ha mukono gwange ogwobulyo,

43Okuhika obundikahindura abanyanzigwa bawe

Akatebe akebigere byawe. 44Nukwo Daudi amweta Mukamawe, aba ata mwanawe?

45Kandi abantu bona obubakaba nibahu’ra, akagambira 46abegeswabe ati Mwerindege abahandiki, abarukugonza okugenda bajwaire engoye eziraihire, nibagonza okuramukibwa omu katale, nentebe eza hagati omu maso’rokaniro nebiikaro ebyekitinisa ha bugenyi; 47abalya enju ezabafakati, nibagobya omu kusaba okwingi: abo balikira okucwerwa omusango.

Currently Selected:

LUKA 20: BRR64

Highlight

Copy