LUKA 19

1KANDI akataha omu Yeriko yarabamu. 2Kandi dora, hakaba haloho omusaija ibaralye Zakayo; akabali omuhoza omukuru, kandi omuguda. 3Uwe akase’ra okurora Yesu okwali; baitu atasobole obwekitebe, baitu akabali mugufu. 4Yairuka omu maiso, yatemba omuti omusukomoli amurole: baitu akaba na’sana okuhinguraho. 5Kandi Yesu obuyatahire omu kiikaro eki, yarora haiguru, yamugambira ati Zakayo, rahuka osirimuke, baitu hati kimpikirire okusiba omu nju uawe. 6Yarahuka nasirimuka, yamutangi’ra asemerirwe. 7Kandi obubaboine bahyema bona nibagamba ngu Atahire okugonya omba omuntu omusisi. 8Kandi Zakayo akeme’ra nagambira Mukama waitu ati Dora, Mukama wange, ekicweka ki itungo lyange nkigabira absege: kandi obubandaba nagobize omuntu wena ’mulihira emirundi ena. 9Yesu yamugambira ati Hati okujunwa nubwo kuizire omu nju enu, baitu nauwe mwana wa Iburahimu. 10Baitu Omwana womuntu akaija okuse’ra nokujuna ekinyakubuzire. 11Kandi obubakaba nibahu’ra ebi, yagarukamu nacwa orufumo, baitu akaba ali haihi na Yerusalemu, kandi bakatekereza ngu Obukama bwa Ruhanga bumalize okurorwa. 12Nikyo yagambire ati Omuntu omukuru omu akagenda omu nsi ya hara okwerira wenka obukama, agaruke. 13Yayeta abairube rubale ikumi, yabaha erateri okumi nabagambira ati Musubulege okuhikya obundikaija. 14Baitu abasaijabe bakamunoba, bamutumira abakwenda enyumaye nibagamba ngu Titurukwensa omuntu onu okutema. 15Kandi kyahika, obukama, yaragira okweta namberali abairu abo rubale abo yahaire erupiya, amanye ensgi ezibasagisizemu. 16Owokubanza akaija namberali nagamba ati Mukama wange, erateri yawe ekasagisamu erateri ikumi ezindi. 17Yamugambira ati Okozire, iwe omuiru rubale omurungi. Baitu okaboli wokwesiga hali akakaito, olemege embuga ikumi. 18Kandi owakabiri yaija namgamba ati Mukama wange, erateri yawe ekasagisamu erateri itano. 19Yamugambira nauwe ati Naiwe olemege embuga itano. 20Nondi akaija nagamba ati Mukama wange kanginu erateri yawe, eyinayahuire ekubirwe omu kikoba: 21baitu nkakutina iwe obwokuba omuntu agumangaine: oyanura ekyotarayanikire, ogesa ekyotarasigire. 22Yamugambira ati Omu kanwa kawe nukwo ndakucwera omusango, iwe omuiru rubale omubi. Okamanya ndi muntu agumangaine, ningesa ekintarasigire; 23mara kiki ekyakutangire okuhayo erupiya zange hali abasagisa, nanyowe obunkuizire bakumpaire eyange hamu namagoba. 24Yabagambira abakaba bemerireho ati Mumuiheho erateri egi, mumuhe ogu anyakuina erateri ikumi. 25Bamugambira ati Mukama waitu, eyina erateri ikumi. 26Nimbagambira nti Wena anyakuina alihebwa, baitu atanyina balimuihaho nekyainakyo. 27Baitu abo abanyanzigwa bange, abatarayenzire nyowe okubalema, mubaleta hanu, mubaitire omu maiso gange. 28Kandi obuyamazire okubaza ati yabebembera natemba okugenda Yerusalemu. 29Kandi kyahika, obuyairire haihi na Besifage na Besaniya, ha rusozi orunyakwetwa orwa Zeituni, yatuma abegeswa babiri nagamba ati 30Mugende omu kika ekiri omu maiso ganyu; obumurakataha omu murasanga omwana gwenkaina gusibikire, ogutakatembwahoga muntu: mugusibu’re mugulete. 31Omuntu wena obwarabakaguza ngu Nimugusiburu’ra ki? Nuko muragamba muti Mukama waitu naguse’ra. 32Kandi abo abatumirwe bagenda, basanga nkokuyabagambire. 33Kandi obubakaba nibasibu’ra omwana gwenkaina, bakama bagwo babagambira ngu Nimuiburu’ra ki omwana gwenkaina? 34Bagamba ngu Mukama waitu naguse’ra. 35Kandi baguleta hali Yesu banaga ebyokujwara byabu ha mwana gwenkaina, bagutembya Yesu. 36Obwakaba nagenda, baya’ra ebyokujwara byabu omu muhanda. 37Kandi obwakaba na’ra haihi ha kinana kyorusozi orwa Zeituni, ekitebe kyona kyabegeswa kikabanza okukyanganuka, nokukugiza Ruhanga niraka erihango obwebyamani ebibaboine; 38nibagamba ngu Ahairwe omugisa Omukama arukuija omu ibara lya Mukama: obusinge omu iguru, nekitinisa haiguru muno.

39Abafalisayo abamu hali ekitebe bamugambira ngu Omwegesa, tanga abegeswa bawe. 40Yagaruka nagamba ati Nimbagambira nti Kusangwa banu baculera amabale gaba gayami’ra. 41Obuyairire haihi yarora orubuga, yaruli’ra nagamba ati 42Kakuba omanyire iwe na hati ebigambo ebyokubusinge! Baitu hati bunu biserekibwe hali amaiso gawe. 43Baitu ebiro birikuizira abanyanzigwa bawe obubalikwombekeraho orukomera, nibakwehinguliriza, nibakufunza embaju zona.; 44balikutera hansi nabana bawe bawe omunda yawe; tibalisiga ibale erinyakuliha ibale; baitu otamanye ebiro ebyokubungirwa kwawe. 45Kandi akataha omu yekaru, yabanza okubingamu abakaba 46nibagura, nabagambira ati Kikahandikwa ngu Nenju yange eraikaraga enju eyokusabiramuga: baitu inywe mukagifora obuingira bwabanyagi. 47Kandi yayegesega obukyabukya omu yekaru. Baitu banyakatagara abakuru nabahandiki nabakuru abomu bantu base’raga okumuita; 48kandi batabone ekibarakora: baitu abantu bona bakamutaho omutima nibahu’ra.

Currently Selected:

LUKA 19: BRR64

Highlight

Copy