LUKA 18

1KANDI akabacwera orufumo okukibahikirire okusaba obutosa okutajwaha; 2nagamba ati Omu rubuga hakaba harumu omucwi wemisango ataratinaga Ruhanga, nobukwakuba okuhu’ra abantu; 3kandi hakaba haloho omufakati omu rubuga oru; ogu yaijaga hali emirundi mingi, nagamba ati Ndamura nomunyanzigwa wange. 4Baitu okubanza ataikirize; baitu hanyuma yagamba omundaye ati Nobundaba ntarukutina Ruhanga, nobukwakuba okuhu’ra abantu; 5baitu omufakati onu obwokunyita kubi, nikyo ndimuramu’ra, aleke oku’naga ensazi naija obukyabukya. 6Kandi Mukama waitu akagamba ati Muhu’re omucwi wemisango owokutahikir’a okwagamba. 7Kandi Ruhanga taliramu’ra bakomebe, abamwami’ra anyamusana nekiro, kandi abagumisiriza muno? 8Nimbagambira nti Alibaramu’ra bwango. Baitu Omwana womuntu obwaliija alisanga okuikiriza hansi?

9Kandi akacwera orufumo runu abamu abakaba nibesiga bonka ngu bahikirire, nibagaya abandi bona: 10Abantu babiri bakatemba omu yekaru okusaba; omu Mufalisayo, ondi muzinisa. 11Omufalisayo akeme’ra nasaba omundaye ati Ruhanga, ninkusima nyowe okutasisana nkabantu abandi, abakatuzi, abasezi, abasihani, nobwakubaire nkomuzinisa onu. 12Nsiba emirundi ebiri ebiro musanju; mpayo ekicweka kiikumi kya byona ebintunga. 13Baitu omuzinisa, ayemerire hara, atagonze kuimukya amaisoge haiguru, baitu aketeratera omu kifuba nagamba ati Ruhanga onganyire nyowe omusisi. 14Nimbagambira nti Omuntu ogu akasirimuka nagauka owe, aihirweho omusango okukira oli; baitu wena anyakwenyumiza wenka aliga’rwa enyuma; kandi anyakweyinza wenka nuwe alinyumiibwa.

15Kandi bakaleta namberali abana babu abato abakoleho; baitu abageswabe obubaboine babahana. 16Baitu Yesu yabeta namberali nagamba ati Muikirize abana abato baija namberendi, mutabatanga, baitu abanyakuli nkabo obukama bwa Ruhanga bwabu. 17Mananukwo nimbagambira nti Wena ataliikiriza obukama bwa Ruhanga nkomwana omuto, talibutahamu na kake.

18Kandi omukuru omu wiso’rokaniro akamukaguza ati Mwegesa omurungi, ndakora ki okugwetwa obwomezi obutahwaho? 19Yesu yamugambira ati Nonyetera ki omurungi? Busaho murungi, rundi omu, nuwe Ruhanga. 20Omanyire ebiragiro ngu Otalisihana, Otaliita, Otaliiba, Otalihangi’ra, ’So na nyoko obatinege? 21Yagamba ati Ebi byona nkabikwata okuruga omu buto bwange. 22Yesu obuyahulire yamugambira ati Na hati obuzirweho kimu: gura byona ebyokuyinabyo, ogabire abasege, nukwo olitunga obuguda omu iguru: oije onkuratire. 23Baitu obuyahulire ebi yatuntura muno; baitu akabali muguda mali. 24Kandi Yesu yamurora nagamba ati Nikiremera abanyina obuguda okutaha omu bukama bwa Ruhanga. 25Baitu nikirahuka engamira okuraba omu nyindo yenkinzo, okukira omuguda okutaha omu bukama bwa Ruhanga. 26Abo abahulire bagamba ngu Mara baraha abalisobora okujunwa? 27Baitu yagamba ati Ebi ebitarukusoboka omu bantu, nibisoboka hali Ruhanga. 28Petero yagamba ati Dora tukasiga ebyaitu, twakukuratira. 29Yabagambira ati Mananukwo nimbagambira nti Busaho muntu ayasigire enju, rundi mukazi, rundi bene babu, rundi abamuzaire, rundi abana, habwobukama bwa Ruhanga, 30ataligaruka okuhebwa bingi okukiraho omu biro binu, kandi omu businge oburukugenda okuija obwomezi obutahwaho.

31Kandi akatwara nauwe ikuminababiri, yabagambira ati Dora, ntugenda Yerusalemu, ebigambo byona ebyahandikirwe banabi birihiki’ra hali Omwana womuntu. 32Baitu alihebwayo hali abamahanga; balimute’ra enaku, balimugiza ensoni, balimucwera amacwanta: 33balimutera balimuita: kandi ekiro ekyakasatu alihum, buka. 34Baitu batakenge bigambo ebi na kimu; ekigambo eki kikaba kibaserekerwe, batarukweregereza ebigambo ebyagambirwe.

35Kandi kyahika obwakaba nai’ra haihi na Yeriko, omufu wamasiso omu akaba aikalire ha muhanda rubaju nalenga: k 36kandi obuyahulire ekitebe nikihinguraho yakaguza ati Kiki eki? 37Bamutebeza ngu Yesu owa Nazalesi nahinguraho. 38Yagambira haiguru ati Yesu, Omwana wa Daudi, onganyire. 39Abo abakaba babembire bamutanga aculere: baitu yagarukira muno okwami’ra ati Iwe Omwana wa Daudi, onganyire. 40Kandi Yesu yayeme’ra nartagira bamulete namberali: obuyairire 41haihi yamukaguza ati Ekyorukugonza nyowe okukukora kiraha? Yagamba ati Mukama wange ningonza amaiso gange gaiguke. 42Yesu yamugambira ati Amaiso gawe gaiguke: okuikiriza kwawe nukwo kukukirize. 43Ahonaho amaisoge gakaiguka, yamukuratira nakugiza Ruhanga: nabantu bona obubaboine bakugiza Ruhanga.

Currently Selected:

LUKA 18: BRR64

Highlight

Copy