LUKA 15

1KANDI abazinisa bona nabasisi bakaba nibamui’ra haihi okumuhu’ra. 2Kandi Nabafalisayo, nabahandiki bahyema nibagamba ngu Omuntu onu aikiriza abasisi, kandi alya nabo. 3Kandi akabacwera orufumo 4runu ngu Muntu ki omulinywe anyakuina entama kikumi, obwaraba abuzirweho emu, atasiga ziri ekyenda mu mumwenda omu irungu, nakuratira eri enyakubuzire okuhikya obwaligizora? 5Kandi obwagizora, agita ndi mabegage asemerirwe. 6Kandi obwataha omuka, ayeta enganjanize nabatahibe,nabagambira ati Musemererwe hamu nanyowe, baitu nzoire entama yange abaire ebuzire. 7Nimbagambira nti Nukwo halibaho okusemererwa omu iguru obwomusisi omu anyakwegarakamu, okukira abahikirire kyenda mu mwenda abatase’ra okwegarukamu. 8Rundi mukazi ki anyakuina erupiya ikumi, atabakiriza etabaza, nasingo’ra omu nju, nayekamba okuse’ra okuhikya obwaligizora. 9Obwagizora, ayeta enganjanize nabatahibe nagamba ati Musemererwe nanyowe, baitu nzoire erupiya ebaire ebuzire. 10Nimbagambira nti nukwo haroho okusemererwa omu maiso ga bamaraika ba Ruhanga obwomusisi omu anyakwegarukamu.

11Kandi akagamba ati Omuntu omu akaba ayina abana babiri: 12kandi omuto akagambira ise ati Tata mpa omugabo ogwebintu ogusemerire. 13Kandi hanyuma yebiro ebitali bingi, ogu omwana omuto, akasoroza ebye byona, yagenda omu nsi ya hara; yararangiza oku ebintubye omu ngeso ezibihire. 14Kandi obuyamazireho byona, hakabaho ekihe kingi omu nsi egi; yabanza okusega. 15Kandi yagenda naterana hamu nomusaija owomunsi egi; ogu yamutuma omu bwe’rebwe okulisa empunu. 16Kandi ekegomba okuiguta ebisusu empunu ebizalyaha: kandi busaho muntu ayamuhaga. 17Baituobuyayegarukiremu yagamba ati Abairu baingaha abakolereza empera aba isenyowe abaiguta ebyokulya nibibalema, kunu nyowe ninfera hanu enjara? 18Ndaimuka, ndagenda hali isenyowe, ndimugambira nti, Tata, nsisire hali iguru nomu maiso gawe: 19tinkiseme’ra kwetwa omwana wawe: mfora nkomu hali abairu bawe abakolereza empera. 20Kandi yaimuka, yaija hali ise. Kandi obwakaba akiri hara muno, ise yamuleba, yakwatwa embabazi, yairuka, yamugwa omunda, namunywegerea muno. 21Omwana yamugambira ati Tata, nsisire hali iguru nomu maiso gawe: tinkiseme’ra kwetwa omwana wawe. 22Baitu ise yagambira abairube rubale ati Mulete bwango ekyokujwara ekirukukira oburungi, mukimujweke; nakoma mukamujweke omu rukumu, nenkaito omu bigere: 23mulete enyana eyebisajwa, mugiite, tulye, tusemererwe; 24baitu omwana wange onu akaba afire, ahumbukire; akaba azahire, azahukire. 25Babanza okusemererwa. Kandi omwanawe omukuru akabali omu misiri; obuyaizire nai’ra haihi nenju, akahu’ra enyamulere nokuzina. 26Yayeta namberali omu hali abairu rubale, yamukaguza ebigambo ebi okubiri. 27Uwe yamugambira ati Mugenzi wawe aizire; kandi ’so aisire enyana eyebisajwa, baitu amuzahuire ayomire, 28Baitu akabihirwa yayanga okutahamu: ise yaturuka yamwesengereza. 29Baitu yagarukamu nagambira ise ati Dora, emyaka enu emingi nkakuhereza, kandi tinkasisaga kiragiro kyona ekyawe: baitu tokampaga kaburabuzi kokusemererwa nenganjani zange: 30baitu omwana wawe ogu, ayalire obugud bwawe nabasihani, obwaizirege, omuitirege enyana eyebisajwa. 31Uwe yamugambira ati Mwana wange, iwe oikara nanyowe ebiro byawe. 32Baitu okukyanganuka nokusemererwa kisemire: baitu mugenzi wawe ogu akaba afire, kandi ayomire, akaba azahire, azahukire.

Currently Selected:

LUKA 15: BRR64

Highlight

Copy