LUKA 14

1KADI kyahika, obuyatahire omu nju yomu hali abakuru Babafalisayo ha Sabiti okulya, bakaba nibamurole’ra. 2Kandi dora, hakaba haloho omu maisoge omuntu akaba arwaire okuzimba. 3Yesu yagarukamu nagambira abebiragiro Nabafalisayo ati Kyebiragiro okukiza ha Sabiti nandiki tikirikyo? 4Baitu bakaculera kwonka. Yamukwata yamukiza yamwohereza. 5Yabagambira ati Araha omulinywe anyina enkainaye rundi enteye egwire omu iziba, ataligihamu bwango ha kiro kya Sabiti? 6Kandi batasobole okugarukamu ebigambo ebi. 7Kandi akabacwera orufumo abo abayeserwe, obuyaboine okubayegomboinze ebiikaro ebyahagati; 8nabagambira ari Obwoyetwa omuntu wena hali obugenyi obwobugole, otaika’ra omu kiikaro ekya hagati; rundi hatabaho arukukukira ekitinisa ouyayesere, 9nogu ayesere iwe noli aija nakugambira ati Higiza onu; nubwo olibanza nensoni okukwata ekiikaro ekyenyuma. 10Baitu obwoyetwa, ogende oika’re omu kiikaro ekyenyuma; ayakwesere obwaija, akugambire ati Mugenzi wange I’ra kuli hagati: nubwo olitunga ekitinisa omu maiso gabu bona aboikalire nabo ha byokulya. 11Baitu omuntu wena anyakwenyumiza wenka nuwe anyakwenyumiza wenka nuwe aliga’rwa enyuma; nanyakwezinga wenka nuwe alinyumizibwa. 12Kandi akagambira nogu ayamwesere ati Obworacumbaga ebyokulya ebyenyamusana rundi ebyorwebagyo, otalyeta enganjani zawe, nobubakuba bene banyu, nobubakuba abomu ruganda rwawe, nobubakuba abatahi bawe abaguda; nabo batagaruka okukweta okukugaru’ra. 13Baitu obworacumbaga obugenyi oyetege abasege nabaramaire, nabacumbagira, nabafu bamaiso: 14Kandi orihebwa omugisa; baitu tibanyina kyokukugaru'ra, baitu olirigaru'rwa ha humbuka kwabahikirire.

15Kandi omu hali abo abakaba baikalire nauwe ha byokulya obuyahulire ebi, yamugambira ati Ayina omugisa alirira ebyokulya omu bukama bwa Ruhanga. 16Baitu akamugambira ati Omuntu omu akacumba obugenyi bwingi; yayeta baingi: 17kandi akasumi akobugenyi obukahikire yatuma omuiruwe rubale okugambira abayeserwe ngu Muije; baitu bunu byona bitekanize. 18Kandi bona babanza okwesengereza okuleka nomutima gumu. Owokubanza akamugambira ati Nkagura omusiri, kimpikirire okugenda okugurora: nkwesengerize, ndeka. 19Nondi yagamba ati Nguzire enki’ri zente itano, ningenda okuzirenga: nkwesengerize, ndeka. 20Nondi yagamba ati Nswire omukazi, nikyo ntarukusobo’ra kuija. 21Nomuiru rubale yaija, yatebeza omukamawe ebigambo ebi. Kandi nyineka nubwo yakwasirwe ekiniga, yagambira omuiruwe rubale ati Turuka bwango, ogende omu makute nemihanda eyorubuga, otahye munu abesege nabaramaire nabafu bamaiso nabacumbagira. 22Kandi omuiru rubale yagamba ati Mukama wange ekyoragirege bakikozire, kandi hakiroho omwanya. 23Mukama we yagambira omuiru rubale ati Turuka ogender omu makute nemitano, obahambirize okutahamu, enju yange ijule. 24Baitu nimbagambira nti Busaho nomu hali abo abayeserwe aliroza ha bugenyi bwange. 25Kandi ebitebe bingi bikaba nibigenda nauwe: yahinduka nabagambira ati 26Omuntu wena obwaija namberendi, atarukunoba ise wenka na nyina, na mukaziwe nabanabe, na bene babu na banyanya, nukwo nobwomezibwe nabanabe, na bene babu na banyanya, nukwo nobwomezibwe wenka, tasobora okuba mwegeswa wange. 27Wena atahimba mutigwe wenka naija enyuma yange, tasobora kuba mwegeswa wange. 28Baitu araha omulinywe obwaba nagonza okwombeka orukomera, atabanza okuika’ra nabali’ra ebyemirimo yarwo, okwayina ebyokurumara? 29Rundi obwaliba amazire okusimba emiganda, atarukusobora kurumara, bona abasunga balibanza 30okumusekereza, nibagamba ngu Omuntu onu akabanza okwombeka, tiyasobora kumara. 31Kandi mukama ki obwaba naramaga okurwana nomukama ondi, atabanza okuika’ra nahanura ebigambo, rundi arasobora nakakumi okutangana oli arukumuramagira nobukumi bubiri? 32Obukiraba kitalikyo, oli obwaba akiri hara muno, onu atuma abakwenda, nasaba ebyobusinge. 33Nukwo omuntu wena halinywe atasiga byona ebyayinabyo, tasobora kuba mwegeswa wange. 34Nukwo ekisura kirungi: baitu nekisura obukiraba kihoirwemu obunuzi, baliga’ramu ki? 35Tikisemesire itaka, noburwakuba orubungo: bakinaga aheru. Anyakuina amatu agokuhu’ra, ahu’re.

Currently Selected:

LUKA 14: BRR64

Highlight

Copy