YOBU 35
35
1KANDI Erihu yagarukamu nagamba ati
2Notekereza ekigambo eki nubwo bulyo bwawe,
Rundi ogambire oti Okuhiki’ra kwange nukukira okwa Ruhanga?
3Okugamba nogamba oti Kirikugasira ki?
Kandi ngu Nditunga ki ekintakutungire kuba nasisire?
4Ndakugarukamu,
Nabatahi bawe hamu naiwe.
5Tunu’ra iguru, orole;
Orole iguru, erirukukukira okuraiha.
6Obworaba osisire, buli omukozire ki?
Nebyokusisa byawe biraba bikanyire, buli omukozire ki?
7Obworaba ohikirire, buli omuhaire ki?
Rundi ahairwe ki omu mukono gwawe?
8Obubi bwawe nubusobora okusaliza omuntu ali nkaiwe;
Nokuhiki’ra kwawe nukusobora okugasira omwana womuntu.
9habwokwerenge’rwa okwingi muno bami’ra;
bami’ra okukonyerwa habwomukono gwowamani.
10baitu busaho agamba ngu
Alinkaba Ruhanga Omunangi wange,
Arukuha ebizina ekiro;
11Arukwegesa itwe okukira ebisoro ebyensi
Natuha amagezi okukira enyonyi ezomu mwanya?
12Nuho bami’ra oku, baitu busaho agarukamu,
habwemyehembo eyabantu ababi.
13Mazimakwo Ruhanga talihu’ra ebitarumu,
Kunu Owobusobozi bwona talibitaho omutima.
14Kirisura ki obwoligamba ngu torukumubona,
Ekigambo kiri omu maisoge, naiwe omutegerize!
15Baitu hati bunu, baitu tajunanize omu kubihirwakwe,
Kunu tarukurora muno emyehembo;
16Yobu nikyo ayasamirze akanwake nebitarumu;
Akanyisa ebigambo hataloho okumanya.
Currently Selected:
YOBU 35: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.
