YOBU 34
34
1KANDI Erihu yagarukamu nagamba ati
2Muhu’re ebigambo byange inywe abasaija bamagezi;
Kandi muntegere amatu inywe abanyina okumanya.
3baitu okutu nukulengesaniza ebigambo,
Nkorulimi okururoza ha byokulya.
4twegomboze eki ekiri kirungi:
Tumanye itwenka ekiri kirungi.
5Baitu Yobu akagamba ati Mpikirire,
kandi Ruhanga anyihireho obulyo bwange:
6Nobundaba nyina obulyo ninyetwa omubihi webisuba;
Ekihuta kyange tikirukukizibwa, nobuntaloho ekyokusisa.
7Muntu ki arukusisana nka Yobu,
Arukunywa okugaya nkamaizi?
8Arukugendera hamu nabakozi bobubi,
Nagenda nabantu ababi.
9Baitu agambire ati Tikirukugasira omuntu nakake
Okusemerwa Ruhanga.
10Nukwo muhu’re nyowe, inywe abasaija abokwetegereza:
Kimuli hara Ruhanga okukora kubi;
Kandi Owobusobozi bwona okukora okutahiki’ra.
11Baitu omulimo ogwomuntu aligumusasura,
Kandi alihera omuntu wena / nkengesoze okuziri.
12Ego, mazimakwo Ruhanga talikora kubi,
Kunu Owobusobozi bwona talihabisa ebyobulyo.
13Noha yamwahuize ensi?
Rundi noha yamuherekere ensi yona?
14Obwaraba nayetaho omutima,
Obwaraba nasoroza namberali omwoyogwe norwoyarwe;
15Bona abanyina omubiri bali hwereke’ra hamu,
Kandi abantu baligaruka okufoka ecucu.
16Nukwo obworaba onyina okwetegereza, ohu’re kinu:
Otegere okutu ebigamba byange.
17Arukunoba ebyobulyo nasobora okulema?
Kandi alicwera omusango ogu owobulyo kandi owobusobozi?
18Kisemerire okugambira omukama ngu Oli mugwagwa?
Rundi abanyoro NGU Muli babi?
19Okukira muno tikisemerire okugambira ogu atarukusorora omu bakuru,
Nobukwakuba okurole’ra abaguda okukira abanaku?
Baitu bona mulimo gwengaroze.
20Bafa omu kacu kake, omu itumbi;
Abantu batengeta bahwaho,
Nabamani baihwaho hataroho omukono.
21Baitu amaisoge gali ha ngeso ezomuntu,
Kandi arora okugendakwe kwona.
22Tiharoho omuirima nobukyakuba ekiituru kyokufa,
Nambere abakozi bobubi basobora okwesereka. 23Baitu tikimuhikirire okweyongera okutekereza omuntu,
Aije omu maiso ga Ruhanga okucwerwa omusango.
24Acwacwana abasaija bamani hataroho okukaguliriza,
Ataho abandi omu kiikaro kyabu.
25Nikyo arolere’ra emirimo yabu;
Abajumika ekiro, nukwo bahwereke’ra bati.
26Abatema nkabantu ababi
Omu maiso gabandi bwa;
27Baitu bakahunguka nibaleka okumukuratira,
Bayanga okuta omutima ha mihandaye yona:
28Nukwo bahikize bati namberali okukunga kwomunaku,
Yahu’ra okukunga kwogu ayabonabonesibwe.
29Obwaha obusinge, noha asobora okucwa omusango?
Kandi obwasereka amaisoge, noha asobora okumurora?
Nobukiraba nikikorwa ihanga, rundi omuntu, nikyo kimu kyonka:
30Omuntu atarukutina Ruhanga aleke okulema,
hatabaho nomu okugobeza abantu.
31Baitu haroho aragambire Ruhanga
Ati Mbonabonesibwe nobuntarukusisa?
32Eki ekintarukurora okinyegese:
Obundaba nkozire ekyokutahiki’ra, tindigaruka okukikora?
33nemperaye eriba nka iwe okwogonza, okwanga nogyanga?
Baitu niwe ohikirire okwegomboza, kunu tali nyowe:
Nukwo ogambe ekyomanyire.
34Abasaija abokwetegereza balingambira,
Ego, omuntu wena owamagezi anyakumpu’ra:
35Ngu Yobu nabaza hatali kumanya,
nebigambobye tibinyina magezi.
36Kuba Yobu alengerwe okuhikya ha mpero,
baitu ayanukura nkabantu ababi.
37baitu ayongera obwemi ha kibikye,
Natera engaroze omulitwe,
nakanyisa ebigambobye okuhakana na Ruhanga.
Currently Selected:
YOBU 34: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.
