ABAHEBURANIYA 8
8
1KANDI omu bigambo ebitugambire kinu nikyo kikuru ngu Tunyina ayaikalire ha mukono ogwobulyo gwekitebe ekyobukuru obwomu iguru, 2omuhereza webirukwera na hema yamazima, Mukama eyiyasimbire, kunu tali muntu. 3Baitu nyakatagara omukuru wena atebwaho obwomulimo ogwokuhongaga ebisembo nebyonzira: nikyo kihikirire nyakatagara omukuru wena atebwaho obwomulimo ogwokuhongaga ebisembo nebyonzira: nikyo kihikirire nyakatagara ogu okuba nekintu ekyokuhonga. 4Kandi kakuba ali hansi, tiyakubaire nyakatagara na kake, baitu haroho abahonga ebisembo nkebiragiro okubiragira; 5abanyakuhereza ebi ebiri nkekisisani nekiituro kyebyomu iguru,nka Musa okuyahabuirwe Ruhanga, obwakaba nagenda okurora hema: baitu agamba ati Dora, okole byona nkekyokuro'raho okukiri ekyakwolekirwe ha rusozi. 6Baitu hati bunu ahairwe okuhereza okurukukira okusemera, kandi nkokwali omutonganizi owekiragano ekirukukira oburungi, ekyaraganizibwe obwemiringo erukukira oburungi. 7Baitu ekiragano eki ekyokubanza kuba kitaloho ekyokukunganira, tihakuseruirwe omwanya ogwekyakabiri. 8Baitu obwakungana nabo agamba ati
Dora, ebiro biriija, nukwo Mukama agambire,
Obundiraganiza ekiragano ekihyaka nenju ya Isareri, nenju ya Yuda:
9Okutasisana nkekiragano ekinaraganize baisenkurubo,
Ha kiro ekinabakwatire ha mukono nimbaiha omu nsi ya Misiri;
Baitu abo bataikale omu kiragano kyange,
Nanyowe nalekayo okubarora, nukwo Mukama agambire.
10Baitu kinu nikyo kiragano ekindiraganiza enju ya Isareri:
Hanyuma yebiro biri, nukwo Mukama agambire.
Nditahya ebiragiro byange omu magezi gabu,
Kandi omu mitima yabu numwo ndibahandikiramu:
Nanyowe ndiba Ruhanga namberali,
Nabo baliba ihanga namberendi:
11Kandi tibalyegesa omu omu mutahiwe,
Kandi omu omu mwene wabu ngu Manya Mukama:
Baitu bona bali'manya,
Okuruga ha muto, nokuhika ha mukuru.
12Baitu ndiganyira ebyokutahiki'ra kyabu,
Nebibi byabu tindibiijuka obundi.
13Obwagamba ati Ekiragano ekihyaka, buli akuleze ekyokubanza. Baitu ekinyakukura nikikaikura kiri haihi okuhwaho.
Currently Selected:
ABAHEBURANIYA 8: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.
