ABAHEBURANIYA 7

1BAITU Merekizedeka ogu, omukama wa Salemu nyakatagara wa Ruhanga anyakuli haiguru muno, ayaitiraine Iburahimu nagaruka arugire okuita abakama, namusabira omugisa, 2kandi nuwe Iburahimu yagabire ebicweka biikumi ebya byona, (baitu okubanza obukimanyisibwa nuwe Mukama wokuhiki'ra, kandi ekyakabiri nuw Mukama wa Salemu, nukwo kugamba ngu Omukama wobusinge; 3atanyina baisenkuru, atanyina ekiro ekiyabandizeho, nobwekuba empero yobwomezi, baitu akasisanizibwa Nkomwana wa Ruhanga) aikara nyakatagara ebiro byona.

4Baitu mutekereze omuntu ogu okwali omukuru muno, Iburahimu isenkuru ouyahaire ebicweka biikumi ha munyago ogwokwegomboza. 5Kandi abo abomu bana ba Levi abahabwa obunyakatagara, ebiragiro nibibaragira okuzinisaga ebicweka biikumi omu bantu bene babu, nobubaraba barugire omu nda ya Iburahimu: 6baitu ogu atarukubalirwa omu ruganda rwabu, akazinisa Iburahimu ebicweka biikumi, namusabira omugisa ogu akaba anyina emirago. 7Kandi hatali okuhakana omuto asabirwa omugisa omukuru. 8Kandi hanu abantu abafa bahabwa ebicweka biikumi, baitu kuli abihabwa arukumanyisibwa ngu ali mwomezi. 9Kandi ntusobora okugamba ngu na Levi arukuhambwa ebicweka biikumi; akabiherayo omu Iburahimu: 10Baitu akaba akiri omu nda ya isenkuru, Merekizedeka obuyamuitiraine.

11Kandi kakuba okuhikirizibwa kwaleserwe obunyakatagara Obwalevi,, (baitu abantu bakahabwa ebiragiro omu biro byabwo) kiki ekyatagisize nyakatagara ondi okuija omu mulingo gwa Merekizedeka, otarukubali'rwa omu mulingo gwa Aroni? 12Baitu obunyakatagara obubuhingisibwa. 13Baitu ogu ayagambirweho ebigambo ebi woruganda orundi, nambere hatarugiremu omuntu okuhereza ha kyoto. 14Baitu kimanyirwe ngu Mukama waitu akaruga omu Yuda: oruganda Musa orwataragambireho kigambo kya banyakatagara. 15Ebi ebiturukugamba nibikira okumanyisibwa, rundi nyakatagara ondi obwaimuka nkekisisani ekya Merekizedeka okukiri, 16ataratairweho nkebiragiro ebyomubiri okubiragira, baitu nkamani agobwomezi obutahwaho okugali: 17baitu kikamanyisibwa haluwe ngu

Oli nyakatagara okuhikya ebiro byona.

Nkomulingo gwa Merekizedeka okuguli.

18Baitu haroho okuihahwo kwebiragiro obwobugara nobutagasa bwabyo, 19(baitu ebiragiro bitahikirize nekimu) nokuletamu okunihira okurukukira oburungi, 20okurukutumuiriza haihi Ruhanga. Kandi obwokutaburwaho ekirahiro 21(baitu abo bakaforwa banyakatagara hataroho ekirahiro: baitu oli hamu nekirahiro habwogu arukumugambira ati

Mukama akarahira, kandi talyeyijukya ati

Oli nyakatagara ebiro byona);

22Nukwo Yesu yafokere ati kaiso wekiragano ekirukukira oburungi. 23Kandi abo bakaforwa banyakatagara baingi. baitu okufa kukabatanga okuikaraho: 24baitu oli, obwokuikaraho okuhikya obusinge bwona, anyina obunyakatagara obutahwaho. 25Kandi nukwo asobora ati okubajunira kimu abanyakuija hali Ruhanga omuluwe, baitu aikara omwomezi ebiro byona okubatonganiriraga.

26Baitu nyakatagara omukuru anyakusisa ati atusemereire, arukwera, ataroho kabi, atanyina akamogo, abaganizibwe nabasisi, kandi anyumuizibwe okukira iguru; 27atarukutaga, nkabanyakatagara abakuru bali, okuhongaga ebyonzira obukyabukya, okubanza obwebibye wenka, na hanyuma obwebibi byabantu: baitu nikyo yakozire omurundi gumu namara, obuyayehaireyo wenka. 28Baitu ebiragiro bitaho abantu okuba banyakatagara abakuru abanyina obugara; baitu ekigambo ekyokurahira ekyaturatire ebiragiro, nikitaho Omwana anyakuhikirizibwe okuhikya ebiro nebiro.

Currently Selected:

ABAHEBURANIYA 7: BRR64

Highlight

Copy