ABAHEBURANIYA 5

1BAITU nyakatagara omukuru wena anyakukomwa omu bantu, atebwaho habwabantu omu bigambo ebya ha Ruhanga; ahongege ebisembo nebyonzira obwebibi: 2nasobora okugira mpora abatamanyirwe nabanyakuhabire, baitu nauwe wenka nayehingulirizibwa obugara; 3kandi nikyo kimuhikirire, habwabantu na habwe wenka, okuhongaga obwebibi. 4Kunu busaho muntu ayetungira wenka ekitinisa eki, rundi ayeserwe Ruhanga nka Aroni kandi. 5Nukwo na Kristo atenyumize wenka okufoka baitu ogu ayamugambire ati

Niwe mwana wange.

Hati nkuzaire:

6nkokuyagambire ahandi ati

Oli nyakatagara ebiro byona,

Nkomulingo gwa Merekizedeka okuguli.

7Ogu omu biro ebyomubirigwe obuyahongaga ebyokusaba nebyokwesengereza, noku'ra muno amaizi hali ogu akaba nasobora okumujuna omu kufu, kandi obuyahulirwe obwekwerindakwe, 8nobwakaba ali Omwana akegera okworoba omwebi ebiyabonabonesibwe: 9kandi ebiyamazire okuhikirizibwa,nuwe yahaisize okujunwa okutahwaho abo bona abarukumuhu'ra; 10Ruhanga ouyayesere nyakatagara omukuru wabu nkomulingo gwa Merekizekea okuguli.

11Outunyinaho ebigambo bingi okumugambaho, kandi ebirukulemera okubimanyisa, baitu inywe mufokere abafu bamatu. 12Baitu nobukibahikirire, obwebiro ebingi ebyahinguireho, okufoka abegesa, nimukyataga omuntu okwegesa inywe ebyokubandizaho ebyomu bigambo ebya Ruhanga; kandi mufokere nkabo abarukwenda amata, okutalya ebyokulya ebigumire. 13Baitu wena anyakunywa amata, tamanyire kurungi ekigambo kyokuhiki'ra; baitu ali mwana muto. 14Baitu ebyokulya ebigumire nibiseme'ra abakuzire, nibo abatungire amagezi obwokwemanyiza okubaganizamu ebirungi n'ebibi.

Currently Selected:

ABAHEBURANIYA 5: BRR64

Highlight

Copy