ABAHEBURANIYA 3

1NUKWO bene baitu abarukwera, abarukuterana omu kwetwa okwomu iguru, mutekereze Omukwenda kandi nyakatagara omukuru owokuikiriza kwaitu, nuwe Yesu; 2akabali wokwesiga hali ogu ayamutaireho, nka Musa okwakabali owokwesigwa omu njuye yona. 3Baitu ogu akatekerezebwa ekitinisa kingi okukira Musa, nkanyakwombeka enju okwaba nekitinisa kingi okukira enju. 4Baitu enju yona eyombekwa omuntu: baitu ayayombekere byona nuwe Ruhanga. 5Kandi Musa akabali owokwesiga mali omu njuye yona nkomuhereza, owokumanyisa ebikaba nibigenda okugambwa hanyuma: 6baitu Kristo akabali wokwesiga nkomwana omu njuye, enjuye nitwe, obutukwatira kimu obumanzi bwaitu, nokwenyumiza okwokunihira kwaitu kugumire okuhikya ha mpero. 7Nukwo Nkomwoyo Ogurukwera okwagamba ati

Hati bunu obumuraba nimuhu'ra irakalye,

8Mutagumya emitima yanyu nkomu biro ebyokubihizibwa,

Nka ha kiro ekyokwohebwa omu irungu,

9Baisenkuru inywe nambere banyoheze nibandenga,

Nibarora emirimo yange emyaka amakumi ana.

10Nikyo nabihirirwe ebebiro ebi,

Ningamba nti Bahaba obutosa omu mitima yabu:

Baitu abo batamanye emihanda yange;

11Nkokunarahire omu kiniga kyange,

Nti batalitaha omu kuhumura kwange.

12Mwerindege bene baitu, rundi hataba omu muntu wana halinywe omutima omubi ogwokutaikiriza, okuruga ha Ruhanga omwomezi: 13baitu mugambi'ranganege inywenka obukyabukya omu biro binu ebyetwa bya hati; omuntu wena omulinywe aleke okugumangana obwebisuba kyekibi: 14baitu tufokere abaterana omu Kristo, obuturuba ntukwatira kimu okunihira kwaitu kugumire okuhikya ha mpero: 15nkokukyagambirwe ngu

Hati obumuraba nimuhu'ra irakalye,

Mutagumya emitima yanyu nkomu biro ebyokubihizibwa.

16Baitu nibaha ababihize obubahulire? Tinibo bona abarugire omu Misiri obwa Musa? 17Kandi nibaha abayabihirirwe emyaka amakumi ana? tinibo abasisire? emitumbi yabu eyagwire omu irungu? 18Kandi nibaha abayarahirire ati Batalitaha omu kuhumurakwe, rundi abo abatarahulire? 19Kandi tuboine ngu batasobole okutahamu obwokutaikiriza.

Currently Selected:

ABAHEBURANIYA 3: BRR64

Highlight

Copy