ABAHEBURANIYA 2
2
1NIKYO kituhikirire okukira muno okutekereza kimu ebi ebyahulirwe, rundi tuleke obubiihwaho. 2Baitu ekigambo ekyagambirwe bamaraika obukiraba kyagumireho, kandi nekyokusisa kyona nobutahu'ra bwona biraba byahairwe empera yobulyo; 3tulikira tuta, obutulirekayo okujunwa okukuru okuingaine aho? okwabandize okugambwa Mukama waitu, kandi kwagumibwa halitwe abo abakuhulire, 4Ruhanga nafoka kaiso hamu nabo omu bwokuro'raho, nebyamahano, nebyamani bingi, nomu bisembo Ebyomwoyo Ogurukwera nkokuyagondeze wenka.
5Baitu tibali bamaraika abayalemeseze ensi erukugenda okubaho, eyiturukugambaho. 6Kandi haroho ayagambire ahandi ati
Omuntu kiki, iwe okumuijuka?
Rundi omwana womuntu Iwe okumuizira?
7Okamukora okuburaho kake okuba nka bamaraika:
Okamutaho ekondo eyekitinisa nokutinwa:
Okamulemesa emiromo yemikono yawe:
8Okata ebintu byona hansi yebigerebye.
Baitu obuyataire ebintu byona hansiye, atasige kintu kyona ekitatairwehe hansiye. Baitu hati bunu titukaboine ebintu byona bitairwe hansiye, 9baitu nturora ogu ayakozirwe okuburaho kake okuba nka bamaraika, nuwe Yesu, obwokubonabona okwokufa ajwaire ekondo eyekitinisa nokutinwa, nukwo omu mbabazi za Ruhanga aroze ha kufa habwantu bona. 10Baitu kikaseme'ra ogu eyakolirwe ebintu byona, kandi ayakoleze byona, obuyatahize abana baingi omu kitinisa, kikamuseme'ra okuhikiriza engabwa yokujunwa kwabu omu kubonabona. 11Baitu ogu arukweza nabo abarukwezebwa bona barugire hali omu: nikyo atakwaitirwa ensoni okubeta bagenzi, nagamba ati 12Nditebeza ibara lyawe omu bagenzi bange,
Hagati omu kanisa nuho ndizina okukugiza.
13Kandi ati Nyowe ndamwesigaga. Kandi ati Dora, nyowe nabana Ruhanga abayampaire, 14Baitu nkabana okubaterana omu sagama nomubiri, nukwo nauwe wenyini yateraine ati omubyo, nukwo obwokufa ahwerekereze ogu anyakuina obusobozi obwokufa, nuwe Setani; 15kandi ajune abo bona abaikara omu buiru ebiro byona ebyobwomezi bwabu obwokutina okufa. 16Baitu mazimakwo takonyera bamaraika, baitu akonyera abaijukuru ba Iburahimu. 17Nikyo kyamuhikirire okufoka nkabagenzibe omu bigambo byona, afoke nyakatagara omukuru wabu owembabazi owokwesiga omu bigambo byona ebya Ruhanga, obwokuliha ebibi byabantu. 18Baitu nkokuyasalizibwe wenka omu kwohebwakwe, nukwo asobora ati okujuna abo abarukwohebwa.
Currently Selected:
ABAHEBURANIYA 2: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.
