ABAHEBURANIYA 1
1
1RUHANGA omu biro byaira obuyagambiraga baisenkuru itwe, omu bicweka bingi nemiringo nyingi omu banabi. 2omu biro binu ebyahanyuma atugambire itwe omu Mwanawe, ouyataireho okuba omugwetwa wa byona, kandi ouyahangisize ebintu byona; 3ogu obwakaba ali okwangasana okwekitinisakye, nekisisanikye mali nkokwali, kandi nuwe arukugumyaho ebintu byona nekigambo kyobusobozibwe, obuyamazire okukora ekyokwegyaho ebibi, yaika'ra ha mukono ogwobulyo ogwobukuru obwahaiguru; 4nakira ati oburungu bamaraika obwekugwetwa ibara erirungi okukira bo. 5Baitu noha ha bamaraika owakaba agambire ati
Niwe Mwana wange,
Hati nkuzaire? kandi ati
Nyowe ndaikaraga ise na mberali,
Nauwe araikaraga Mwana wange?
6Kandi obuyaleseere omu omuzigaijo omu nsi, yagamba ati
Na bamaraika bona aba Ruhanga bamuramyege.
7Kandi ha bamaraika akagamba ati
Arukufora bamaraika embeho,
Nabahereze zabe endimi zomu'ro.
8Baitu ha Mwana agamba ati
Ekitebe kyawe ai Ruhanga, kiikaro ebiro nebiro:
Omuigo ogugo'rokere nugwo muigo gwobukama bwawe:
9Okagonza okuhiki'ra nonoba obwemi,
Nikyo Ruhanga, Ruhanga wawe, yakusesireho amagita agokuemererwa okukira bene banyu.
10Kandi ati
Iwe Mukama karanakara okataho emisingi yensi,
Niguru niyo mirimo yemikono yawe:
11Ebi birihwaho: baitu iwe oikaraho;
Nebi byona birikura nkekykujwara,
12Kandi olibikuba nkorugoye,
Nkekyokujwara, kandi birihindurwa:
Baitu Iwe torukuhindukahinduka,
Nemyaka yawe terihwaho.
13Baitu noha ha bamaraika owakaba agambireho ebiro byona ati
Ika'ra ha mukono gwange ogwobulyo
Okuhikya obundifora abanyanzaigwa bawe akatebe kebigere byawe?
14Bona tibali myoyo erukuhereza, erukutumibwa okuhereza habwabo abaligwetwa okujunwa?
Currently Selected:
ABAHEBURANIYA 1: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.
